Fréttablaðið - 15.12.2009, Page 22

22 15. desember 2009 ÞRIÐJUDAGUR
FRÉTTAVIÐTAL: Nýr rektor Háskólans í Reykjavík
FRÉTTAVIÐTAL
SIGRÍÐUR BJÖRG TÓMASDÓTTIR
sigridur@frettabladid.is
Fimmtánda loftslagsráðstefna Sameinuðu þjóðanna hófst í Kaupmannahöfn
í gær. Fulltrúar 192 ríkja sitja þar næstu tvær vikurnar til þess að ráða fram úr
þeim vanda, sem losun gróðurhúsalofttegunda skapar.
■ Hvaða ráðstefna er þetta?
Loftslagsráðstefnur Sameinuðu þjóðanna hafa verið haldnar árlega síðan
1995, en tvisvar þó árið 2001. Mikilvægust þeirra er sú sem haldin var í Kyoto
í Japan árið 1997, þegar samkomulag tókst um að 37 iðnríki myndu draga
úr losun gróðurhúsalofttegunda. Þátttakendur á þessum ráðstefnum eru
fulltrúar allra aðildarríkja rammaráðstefnu Sameinuðu þjóðanna um loftslags-
breytingar, sem haldin var í Ríó de Janeiro árið 1992. Alls undirrituðu 154 ríki
samkomulagið sem tókst á þeirri ráðstefnu, en bæst hefur í hópinn síðan og
aðildarríkin eru nú orðin 192.
■ Hvers má vænta?
Litlar líkur þykja til þess að bindandi samkomulag verði gert en vaxandi líkur
eru á því að pólitískt samkomulag verði gert, sem útfært verði betur á næsta
ári og þá hugsanlega sem bindandi alþjóðasamningur. Reiknað er með að
auðugri iðnríki taki á sig að draga úr losun gróðurhúsalofttegunda á árunum
2012 til 2020, en fátækari þróunarríki láti sér nægja að hægja á aukningu
losunar og takmarki jafnframt notkun jarðefnaeldsneytis.
■ Hvaða áhrif hefði samkomulag?
Sérfræðingar telja að þau markmið sem
boðuð hafa verið nægi engan veginn til
þess að koma í veg fyrir að hitastig á jörðu
hækki hættulega mikið. Hættumörkin
eru talin vera 2° hækkun á Celsiuskvarða
frá því sem var áður en iðnbylting hófst.
Hitastigið hefur nú þegar hækkað um
0,7° síðan þá. Til þess að ná því marki,
að hitinn hækki ekki meira en 2°, þarf
losun gróðurhúsalofttegunda að ná
hámarki og byrja að minnka á næstu
15 til 20 árum.
FBL-GREINING: FIMMTÁNDA LOFTSLAGSRÁÐSTEFNA SÞ
Fundur veikra vona
Ari Kristinn Jónsson,
deildarforseti tölvunar-
fræðideildar HR, tekur við
embætti rektors háskólans
í janúar. Hann segir há-
skóla gegna lykilhlutverki
í samfélaginu, með rann-
sóknum og sprotastarf-
semi.
Ari Kristinn kom til starfa í
Háskólanum í Reykjavík, HR,
fyrir tæpum þremur árum. Þá
hafði hann unnið fyrir geimferða-
stofnun Bandaríkjanna, NASA, í
um tíu ár en yfirgaf spennandi
starf þar er honum bauðst starf
forseta tölvunarfræðideildar
HR.
„Ég hafði kennt námskeið á
mínu sérsviði, gervigreind, í HR
og fannst mjög áhugavert hvað
verið var að gera í skólanum,“
segir Ari Kristinn, sem segir þó
ekki hafa verið á dagskrá að flytja
heim en þegar staðan bauðst hafi
hann og bandarísk eiginkona
hans ákveðið að slá til og flytja
til Íslands.
„Síðan þá hefur tíminn algjör-
lega flogið, hér hefur verið mjög
gaman að vera þó að ýmislegt hafi
dunið á í þjóðfélaginu. Háskól-
inn hefur eflst, rannsóknir hafa
styrkst mjög mikið og það er
óhætt að segja að við séum leið-
andi í rannsóknum á mörgum
sviðum innan þeirra fræða sem
við kennum hér.
Ætlum ekki að breiða úr okkur
Háskólinn í Reykjavík er sér-
hæfður háskóli í honum eru við-
skiptadeild, tölvunarfræðideild,
tækni og verkfræðideild, laga-
deild, kennslufræði- og lýðheilsu-
deild. Að sögn Ara Kristins stend-
ur ekki til að taka upp kennslu í
fleiri greinum.
„Við viljum alls ekki breiða úr
okkur, heldur sinna okkar starfi
enn betur. Starfið sem unnið er
hér í HR er mjög dýrmætt fyrir
samfélagið, við menntum tvo
þriðju af tæknimenntuðu fólki og
helminginn af viðskiptafræðing-
um landsins. Það sem við erum
að gera hér er hluti af driffjöðr-
inni sem heldur atvinnulífinu
gangandi. Við höfum líka skipað
okkur sess sem rannsóknarhá-
skóli. Þannig held ég að við í HR
höfum mikið hlutverk í samfélag-
inu, fyrir utan að ég er þeirrar
skoðunar að það sé nauðsynlegt
að hafa fjölbreytileika i háskóla-
námi, það sé bara til bóta fyrir
kennslu og rannsóknir.“
Hvert er þitt viðhorf til sam-
einingar háskóla, telur þú að eigi
að sameina háskólana á Íslandi
frekar?
„Það sem þarf að gera er að
skilgreina hvort háskólarnir hafi
hlutverki að gegna í samfélag-
inu og hvaða hlutverki samfé-
lagið kalli eftir. Út frá því og út
frá gæðamati á skólunum á að
ákvarða framhaldið. Þessi mál
eru á borði menntamálaráðuneyt-
isins, það hafa verið haldin mál-
þing og ég hef verið ánægður með
að sjá hvernig unnið er að þess-
um málum,“ segir Ari Kristinn.
„Svo lengi sem fagleg sjónarmið
eru höfð að leiðarljósi og þörfum
samfélagsins er uppfyllt þá finnst
mér fjöldinn ekki vera aðalat-
riði. Hins vegar á ekki að sam-
eina bara til að sameina. Þegar
verið er að tala um sameiningar
þá er það oft rætt í ljósi sparnað-
ar en það liggur hins vegar ekki
fyrir að sameiningar spari pen-
inga, þær kosta peninga,“ segir
Ari Kristinn og bendir á að sam-
eining háskóla dragi líka úr val-
möguleikum nemenda og minnki
valmöguleika íslenskra vísinda-
manna.
Háskólinn í Reykjavík hefur
verið í miklum tengslum við
atvinnulífið, hversu mikil áhrif
hafði hrun efnahagslífsins á skól-
ann?
„Mestu áhrifin urðu í þeim
niðurskurði sem hefur orðið til
háskólanna, fjármagn til kennslu
og rannsókna hefur verið skorið
niður. Einnig hefur nemendum
fjölgað án þess að starfsfólki hafi
verið fjölgað, þvert á móti höfum
við íhugað vandlega í hvert sinni
sem einhver hefur hætt hvort við
þurfum að ráða fólk í staðinn. Þar
fyrir utan tók starfsfólk á sig sex
prósenta launaskerðingu snemma
á þessu ári. Framlag atvinnulífs-
ins hefur auðvitað minnkað, hjá
okkur eins og öðrum háskólum.“
Minnkuðu nýbygginguna
Þrátt fyrir efnahagsaðstæður
er skólinn að fara að stækka við
sig en kennsla hefst í nýju hús-
næði í byrjun næsta árs. „Það
verður mjög mikill munur að vera
á einum stað í stað þriggja eins og
nú,“ segir Ari Kristinn sem fagn-
ar tækifæri til aukinnar þverfag-
legrar samvinnu í nýju húsnæði
sem, þó að það sé minna en stóð
til upphaflega, gefur háskólanum
tækifæri til að taka við fleiri nem-
endum. „Við fækkuðum álmum í
háskólanum um eina en bygg-
ingin var þannig hönnuð að það
var ekki mikið mál. Þó höfum við
tækifæri til að taka á móti fleiri
nemendum, sem eru rétt um þrjú
þúsund ídag.“
Hvernig sérðu framtíð Háskól-
ans í Reykjavík fyrir þér?
„Ég sé fyrir mér að við höld-
um áfram á þeirri braut sem við
erum á núna. Við þurfum að efl-
ast sem rannsóknarskóli og sam-
hliða því standa stöðugan vörð um
gæði kennslunnar. Háskólar eiga
að gegna lykilhlutverki og eru
mjög mikilvægir fyrir atvinnulíf
og samfélag, bæði þegar kemur
að rannsóknum og nýsköpun. Ég
sé ekki fyrir mér að við munum
fjölga starfsmönnum á næst-
unni, en held að nemendur verði
fleiri. Svo verðum við bara að sjá
til hvað gerist varðandi skipulag
háskólanna hér á landi. Svo lengi
sem gæði og skynsemi ráða för í
þeirri vinnu en ekki tilfinningar
þá held ég að niðurstaðan verði
góð.
Græðum ekki endilega á
sameiningu háskólanna
ARI KRISTINN JÓNSSON Starfið sem unnið er í Háskólanum í Reykjavík er mjög
dýrmætt fyrir samfélagið, segir væntanlegur rektor. FRÉTTABLAÐIÐ/ANTON
Nýr rektor Háskólans í Reykjavík, Ari Kristinn Jónsson,
er fæddur árið 1968. Hann lauk menntaskólanámi
árið 1987 og hafði fjórum árum síðar lokið BS-gráðu
í stærðfræði og tölvunarfræði. Hann hélt svo utan
til náms í Stanford-háskóla í Bandaríkjunum og lauk
doktorsprófi þaðan árið 1997. Að loknu doktorsprófi
hóf hann störf hjá NASA, geimferðastofnun Bandaríkj-
anna, og starfaði þar í áratug sem vísindamaður og
stjórnandi. Hann leiddi ýmsar rannsóknir stofnunarinn-
ar á sviðum gervigreindar og sjálfvirkni, þar á meðal
stærsta þróunarverkefni NASA á þessum sviðum. Hann
stýrði þróunarteymi fyrir hugbúnað sem notaður hefur
verið til að stjórna daglegum aðgerðum Mars-jepp-
anna Spirit og Opportunity, og síðar stýrði hann þróun
á tækni sem aðstoðar við stjórn á sólarrafhlöðum
alþjóðlegu geimstöðvarinnar.
Hann hefur gegnt stöðu forseta tölvunarfræðideildar
HR í tæp þrjú ár ár.
Ari Kristinn hefur hefur hlotið margvíslegar viðurkenn-
ingar á ferli sínum. Fyrir störf sín hjá NASA hlaut hann
ýmis verðlaun, þar á meðal hin virtu „NASA Admin-
istrators’s Award“ árið 2004, auk þess að fá „Space Act
Award“ tvisvar. Árið 2007 hlaut hann Hvatningarverð-
laun Vísinda- og tækniráðs, en þau eru árlega veitt
vísindamanni sem þykir snemma á starfsævinni gefa
fyrirheit um árangur í vísindum og rannsóknum og eru
þau ein virtasta viðurkenning sem veitt er í íslensku
vísindasamfélagi.
VANN FYRIR GEIMFERÐASTOFNUN BANDARÍKJANNAFagor þvottavél
1400 snúninga þeytivinda. 6 kg hleðsla.
Tímaseinkun. Stillanleg vinda. 32 cm hurðarop.
89.900
Fagor þvottavél
Reykjavík . Skútuvogi 1 . Sími 562 4011
Akureyri . Draupnisgata 2 . Sími 460 0800
Reyðarfjörður . Nesbraut 9 . Sími 470 2020
Reykjanesbær . Hafnargata 52 . Sími 420 7200
Þeytivinda Jólatilboð
Verð kr. 99.900