Vikan - 23.12.1970, Blaðsíða 7
Joan Kennedy gerir
allt til að hjálpa eigin-
manni sínum
Joan, hin ljóshærða og laglega
eiginkona Edwards Kennedy, er
dæmigerð Kennedy frú, grand-
vör, trygglynd, glaðleg og ró-
leg.
Henni er það ljóst að ekkert
má koma í veg fyrir að hún geti
unnið með manni sínum í stjórn-
málabaráttu hans. Síðastliðið ár
hefur hún til dæmis spilað Mo-
zart á hljómleikum, lesið upp
sögur í útvarp og á kosninga-
samkomum, til að auka fylgi
Teds. Fyrir nokkru tók hún þátt
í keiluspili i Walthamshöllinni í
Massachusetts. Joan er ekki dug-
leg íþróttakona og hefur ekki lagt
sig eftir keiluspili og þess vegna
varð enginn eins undrandi og
hún, þegar hún vann, ekki einu
sinni heldur tvisvar.
☆
# vísur vikunnar
Grýluþula
Grýla reið með garði,
gekk með henni Varði;
hófar voru á henni,
hengu toppar úr enni.
Bar hún belg með læri,
börn trúi ég þar í væri.
Valka litla kom þar út,
krukkaði á gat með skæri;
leysti hnút og hleypti öllum börnunum út.
Svo trúi ég það væri og færi.
(Úr Þjódsögum Jóns Árnasonar)
Hanoi hægir líka á
Eins og kunnugt. er þá halda
bæði bandarískir og S-víetnem-
ískir aðilar því fram, að þeir
vinni nú að því að draga úr
stríðinu og sjálfsagt er engin
ástæða til að rengja það. En það
sama er að ske í Norður-Víet-
nam, höfuðborginni Hanoi þar
sem yfirstjórn stríðsrekstursins
frá þeirri hlið heldur sig.' Árið
1969 veittu Rússar 120 milljónir
dollara til hernaðar í N-Víetnam,
en á þessu ári hafa það aðeins
verið 50 milljónir dollara. Og í
fyrra fengu N-Víetnamar 105
milljónir dollara frá Kínverjum,
í hernaðaraðgerðir, en á þessu
ári hefur verið dregið úr því
til muna og er álitið að milljón-
irnar hafi aðeins verið 10—15
sem Mao sendi til N-VN í ár.
☆
Krónprinsessan og
englarnir hennar
Á hverju ári gefur danska
póstþjónustan út nokkur frí-
merki fyrir jólin. Merkin í ár
fengu ákaflega góða dóma, en á
þeim voru handmálaðir englar.
Enginn hugleiddi hver málarinn
væri, fyrr en það kom upp úr
dúrnum að það var engin önnur
en Margrét prinsessa, sem var
höfundur merkjanna. Komu þá á
kreik ýmsar kviksögur, einkum
þær að synir Margrétar tveir
væru fyrirmyndir englanna á
merkjunum. En því mótmælir
Margrét harðlega, jafnskjótt og
hún heyrði orðróminn. „Börnin
mín eru dásamleg,“ sagði prins-
essan, „en þar fyrir eru þau eng-
ir englar, mikil ósköp. Englarn-
ir á frímerkjunum eiga sér því
hvergi fyrirmynd, nema í minni
ímyndun." Og ættu englarnir
varla að vera verri fyrir það.
Þarf varla að efast um að mikið
seljist af þessum listaverkum
ríkiserfingja Danmerkur í jóla-
kauptíðinni. ☆
La Balsa
Frægasti sæfari síðari tíma er
án efa Norðmaðurinn Thor Hey-
erdahl, sem sigldi yfir Kyrra-
hafið árið 1947 á Kon-Tiki og
með Ra I og Ra II í fyrra og í
ár. En fleiri hafa siglt á svip-
aðan hátt. Nýlega luku fjórir
menn við að sigla yfir Kyrra-
hafið, frá Guayaquil í Ecuador
til Mooloolaba í Ástralíu á fleka
sem var um 10 metrar á lengd
og 4 metrar á breidd. Nafn flek-
ans var La Balsa, og segjast
ferðafélagarnir, Spánverji,
Frakki, Chile-búi og Kanada-
maður, hafa sannað að þetta hafi
án efa verið gert fyrir mörgum
öldum líka. Vegalengdin sem
þeir félagar fóru á La Balsa var
um 7000 mílur og er lengsta ferð
sem nokkru sinni hefur verið
farin á slíkum fleka, en Kon-
Tiki Heyerdahls fór ekki nema
um 4000 mílur.
☆
52. tbL VIKAN 7