Vikan - 01.04.1976, Blaðsíða 15

2GARINNAR
Hollywood og keyptu sér hús í
Maine. En brátt varð Bette leið á
rólegu fjölskyldulífi. Þó entist
hjónabandið í tólf ár, aðallega
vegna barnanna. Bette var orðin
óþreyjufull að komast aftur að í
kvikmyndaheiminum, en hvernig
átti hún að fara að því að fá
hlutverk eftir margra ára hlé? Hún
var þó ekki á þeim buxunum að
gefast upp. Hún setti auglýsingu í
blað í dálkinn Atvinna óskast, og
kvikmyndatilboðin tóku að
streyma inn.
Bette Davis gefst ekki upp —
og áhorfendur verða aldrei leiðir
á henni — þessari síðustu stóru
stjörnu kvikmyndaborgarinnar
Hollywood.

■
Lisetta bætir við andiitsfarðann í búningsherberginu.
Lisetta og heimiliskötturinn Satan í íbúðinni þeirra I París.
Arftaki Jósefínu
Baker?

Þegar Lisetta Malidor var fjórtán ára mæld-
ist hún 1.76m á sokkaleistunum. Í dag er hún
skærasta stjarnan á Rauðu Myllunni í París, þar
sem hún dansar á hverju kvöldi nakin í allri
sinni dýrð. Lisetta er borin og barnfædd á
eyjunni Martinique í Vestur-lndíum, en kom
til Parísar í atvinnuleit á unga aldri. Hún
fékk stóra „sjansinn" þegar Roland Petit
bauð henni að taka við hlutverki frönsku
ballettstjörnunnar Zizi Jeanmarie, í Casino de
Paris. Hún keypti sér hvítan refapels fyrir
fyrsta kaupið sitt, og heldur því fram, að
eftir að hún varð stjarna, séu karlmennirnir
hálfhræddir við sig og hún þurfi oft sjálf að
taka frumkvæðið. ,,Það væri dásamlegt að fá
að kynnast,manni, sem gengi svolítið á eftir
mér...."
1970 dansaði Lisetta
í bananapilsi í Casino
de Paris og stældi Jósefínu Baker.