Vikan - 14.02.1980, Side 5

6. Hornið
Pizza
Ég prófaði pizzuna með tómati, osti,
spergli og pepperoni, svonefnda Napóli-
pizzu. Það var hápunktur prófunar-
innar, því að þetta var langbesta pizza,
sem ég hef fengið hér á landi. Deig-
botninn var næfurþunnur og stinnur.
Áleggið var í gullnu samræmi. Svo var
pizzan sjóðheit, þegar hún kom á borðið.
Það var eins og ég væri kominn til Ítalíu.
Verðiðer 2.450 krónur. Verð á öðrum
pizzum er frá 2.200 krónum upp í 2.900
krónur.
Camembert
Djúpsteiktur camembert-ostur með
jarðarberjamauki var mjög vel
heppnaður, linur alla leið I gegn.
Verðið er 1.550 krónur sem eftir-
réttur.
Alvörukaffi
Eins og vera ber á veitingastað undir
itölskum áhrifum var boðið upp á
almennilegt kaffi úr expressovél. Þar var
venjulegt espresso. cafe latte með loft-
þeyttri mjólk og cappucino með
súkkulaðidufti. Kaffið eitt er
heimsóknar virði.
Verð hverrar tegundar er 450 krónur.
Alvörute
Hornið er eini staðurinn, sem ég þekki
hér á landi, sem hefur komið sér upp
temenningu. Þar geta gestir valið um
tvær tegundir, Earl (misritað Early á
matseðli) Gray og hið kínverska Jasmin.
Þetta framboð er merk nýjung í
veitingamennsku. Kannski fáum við
bráðum Lapsang Souchong, Darjeeling
og Formosa Oolong.
Verð hvorrar tegundar er 450 krónur.
Hálft verð
Meðalverð sex forrétta er 1.300
krónur, ellefu aðalrétta 3.600 krónur —
og 3.200 krónur, ef pizzurnar fimm eru
meðtaldar. Meðalverð fimm eftirrétta er
1.500 krónur.
Þríréttuð máltíð án öls og kaffis ætti
þvi að kosta að meðaltali um 6.400
krónur og 7.500 krónur með öli og kaffi.
Þetta eru helmingi lægri tölur en þær.
sem tíðkast I vinveitingahúsunum.
Hornið er að vísu engin Saga eða Holt,
en býður þó fyrir þetta verð upp á mat,
sem er i sómasamlegu meðallagi, eftir
því sem mínar kröfur gerast, fram
reiddan á alúðlegan hátt í vingjarnlegu
umhverfi.
Vínið vantar
Hornið er án efa meiri háttar innlegg í
íslenskan veitingarekstur. þótt lítið sé.
Þar vantar nú fyrst og fremst
vínveitingaleyfi. Með góðum, léttum
vínum mundi matargerð eldhússins
komast mun betur til skila.
Hornið er ágætt dæmi um stofu, sem
veita ætti undanþágu fyrir létt vín, alveg
eins og Esjuberg og Loftleiðakaffiterían
hafa fengið og rekið með sóma. Af
hverju rugla yfirvöld alltaf saman
brennivínum og fyllirii annars vegar og
matarvínum og borðhaldi hins vegar?
Hornið fær sex fyrir matreiðslu, átta
fyrir þjónustu og átta fyrir unthverfi.
Heildareinkunn veitingastofunnar er sex
af tíu mögulegum. Jónas Kristjánsson
/ næstu Viku: Hótel Borg
7. tbl. VlkanS