Vikan - 14.02.1980, Side 51

til sjúklingsins, sem iðulega leiðir til bata
í tilfellum sem læknavisindin hafa talið'
ólæknandi. Huglæknirinn er þó ekki í
neinum transi.
Þetta eru því heldur veigalitil rök gegn
því, að hér geti verið andar að verki. Sú
skynsemi og greind sem oft kemur fram í
ýmsum þáttum þessara fyrirbæra og oft
koma hinum sálræna manni í opna
skjöldu benda að minnsta kosti til að
þessu sé stjórnað af einhverri skynsemi.
Og hverjum skyldi hún tilheyra?
Sökum þessara fordóma verður það
skiljanlegt, að dr. Owen eyðir ekki miklu
máli í margt af því sem athyghsverðast
er í hæfileikum Matthews. Það ruglar
hann líka í ríminu, þegar atvik gerast
með þeim hætti að það samræmist ekki
þiekkingu hans. Eins og t.d. þegar hávaði
heyrist á heimilinu með sama hætti og
áður án þess að Matthew eða nokkurt
systkina hans sé heima, eins og átti sér
stað, þegar þau voru öll send að heiman
til þess að dveljast hjá öðrum fjölskyld-
um. Dr. Owen viðurkennir hreinskilnis-
lega, að hann botni ekkert í því. Um
arabisku handritin segir hann, að það
liggi í augum uppi, að þau geti Matthew
ekki hafa sjálfur skrifað. Það þurfti nú
tæpast sérfræóing til þess að komast að
þeirri niðurstöðu!
Þetta mál hlýtur að hafa valdið dr.
Owen miklum vonbrigðum, því hér fer
allt úr þeim skorðum, sem hann hefur
sett slíkum fyrirbærum. Þó að vísu
enginn falli í trans, þá rignir niður
boðum frá látnum, sem iðulega sanna
sig með þeim hætti, að engar skýringar
eru nema þær, að þetta fólk sé það
sem það segist vera, framliðnir menn.
Það er því ekki furða þótt doktorinn fari
fljótt yfir sögu hvað þessi fyrirbæri
varðar. Úr því vísindin hafa ekki viður-
kennt líf að þessu loknu, þá er vissara
fyrir vísindamann að vera ekki að undir-
strika það sem til þess bendir!
Þessi skýrsla dr. George Owens er birt
orðrétt í fyrstu bók Matthew Mannings
um öll þessi undur sem gerðust í
kringum hann og hann kallaði THE
LINK. en höfundur þessarar greinar
sneri á íslensku og leyfði sér að kalla
TVEGGJA HEIMA TENGSL. *