Vikan - 13.03.1980, Síða 23

Erlent:
Viktoría heiðruð
Sænska þingið hefur nú ákveðið að
Viktoría prinsessa taki við krúnu og
riki eftir föður sinn, Karl Gústaf, og í þvi
tilefni hefur sænska póstþjónustan sýnt
henni sérstakan heiður. í febrúar eru
væntanleg á markaðinn tvö frímerki
með mynd hinnar tveggja ára gömlu
prinsessu og væntanlegu drottningar
ásamt föður sinum. Verð frímerkjanna
verður 1.30 og 1.70 sænskar krónur.
Ný frimerki: VlktoHa og Karl Gú«taf.
BEINBROT
Nei, Rudolf Nurejew er ekki að æfa
nýtt dansspor á þessari mynd heldur
gengur hann um í gifsi síðan hann
braut á sér hægri fótinn. Það gerðist á
sýningu í Berlin en þar kom hann
heldur illa niður úr einu af sínum
heimsfrægu stökkum. Afleiðingin er
sú að hann hefur orðið að hætta við
allar fyrirhugaðar sýningar þar til
hann er orðinn heill meina sinna. Að
Rudolf Nurejew: Silfurbúinn stafur.
vísu dansaði hann til enda sýninguna
á ballettinum Le Lac des Cygnes þó
hann liði vítiskvalir en þá varð að bera
hann af sviðinu. Nú gengur hann við
staf úr íbenviði með silfurbúnu hand-
fangi. Hann tók þessu þó með mestu
ró og tjáði vinum sínum að þetta væri
ágætis æfing fyrir vöðvana í vinstra
fæti. Og ekki hindrar þetta hann í að
stunda eftirlætis tómstundaiðju sína:
Hann er tiður gestur í samkvæmum
hefðarfólksins þar sem hann unir sér
vel við daður og kampavínsdrykkju.
Nurejew, sem er eins og flestir vita
rússneskur flóttamaður, hefur kosið
sér aðsetursstað í Paris.
XI. tbl. Vikan 23