Vikan - 14.08.1980, Blaðsíða 25

í nógrenni minja fornaldar: Cannavota

-Séð frá hœðinni Capitolum yfir Forum Romanum. Colosseum sést aftast til Þetta er veitingastofan Cannavota, sem sagt er frá í greininni. (Ljósm. KH).
vinstri.
Cannavota heitir „verdure”, en viðast
hvar annars staðar „contorni”. Svo
koma ostarnir „formaggi”, isarnir og
terturnar „dolci" og ávextirnir „frutti".
ítalir borða mikið. Þeim finnst ekkert
mál að borða forrétt, hveitidrull, aðal-
rétt með grænmeti, eftirrétt og
heilflösku af víni, bæði í hádegi og aði
kvöldi. Stundum sleppa þeir forrétt-
inum, stundum aðalréttinum, jafnvel
hvoru tveggja, en sjaldnast sleppa þeir
hveitiástinni sinni.
Cannavota er talið hafa eitt öruggasta
eldhúsið i klassiskum, rómverskum stil.
Á matseðlinum eru sérstaklega raktir
einkennisréttir staðarins. Þar er
„Rigatoni alla Rigore” eða stórgert
macheroni með skinku og tómatsósu.
Ennfremur „Bucatini alla Cannavota"
eða þykkt spaghetti með fiski. Þá
„Risotto alla capricciosa" eða hrísgrjón
meðfiski.
Einnig „Spiedino di vitella alla
Parisié" eða kálfakjötssneiðar með
skinku, osti, hvítvínssósu og ristuðu
brauði. Loks fiskar eftir afla dagsins.
Aðrir kunnir réttir i Cannavota eru
„Lasagne all'ammiraglia”, eins konar
eggja- og fiskikássa, svo og „Scaloppe
alla verbena", kálfakótiletta með
sveppum og mozzarella-osti.
Eitt hinna tíu bestu
Við fengum okkur Ijómandi gott en
nokkuð ilmdauft — Frascati hvítvin
hússins, borið fram í leirkönnu. Frascati
er eitt helsta einkennisvín Rómar,
ræktað skammt sunnan við borgina,
mjúkt. gullið og stundum fullt af
vínberjaangan. Besti árgangur þess er
1975. Lítrinn kostaði 4.000 lirur i
Cannavota.
Við fengum i forrétt sérstaklega
mjúka og milda hráskinku, „Prosciutto
S. Daniele", eina hina bestu, sem við
höfum fengið. Daníelsskinkan þykir
ganga næst Parmaskinku að gæðum.
Verðið var 2.900 lírur.
Hinn forrétturinn var „Insalata di
mare", blandaðir sjávaréttir. Mest bar
þar á smokkfiski, en dálitið var af
rækjum og seljurót. Þetta var mildilega
kryddað með hvítlauk, graslauk og
papriku, vætt með blöndu af olífuoliu og
smjöri, mjög gott á bragðið. Verðið var
2.300 lirur.
Annar aðalréttur okkar var „Scampi",
grillaður humar með sitrónu, tæpast
eins góður og á bestu veingahúsum
Reykjavíkur. Þessi réttur var ekki á
matseðlinum, en var í tilboði dagsins og
kostaði 5.900 lírur.
Hinn aðalrétturinn var „Mazzancolle
alla Cannavota”, stórar rækjur í
skelinni, soðnar í hvítvíni og bornar
fram með soðinu. Þetta var mjög gott,
mun betra en humarinn, og kostaði
3.900 lírur.
Á eftir fengum við hinn fræga, ítalska
gráðaost „Gorgonzola”, mjög sterkan og
góðan, á 1.500 lírur. Ennfremur fersk
jarðarber á 1.800 lírur, enda var komið
fram í mai og jarðarberjatíminn i fullum
gangi. Kaffið á eftir var gott eins og
nærri allt kaffi á Italíu, 500 lírur.
Með 1.400 líra fastagjaldi og 15%
þjónustugjaldi kostaði þessi máltið
28.300 lírur fyrir tvo eða rúmlega 7.000
krónur á mann. Er það nokkurn veginn
meðalverðslíkra máltíða í Cannavota og
má það teljast mjög hagstætt i einu
af tíu bestu veitingahúsum Rómar.
Þetta hliðarspor tók okkur hálfan
þriðja tíma, en þá vorum við lika vel
búin undir langan göngutúr um Fori
Imperiali, Feneyjatorg, Panþeon og
Nýjatorg.
Skeggjaður Svissari
Ef þið gefist upp á miðri leið frá
Colosseum til Cannavota, er ekki um
annað að ræða en að læða sér inn á
Charlys Sauciere, sem áður er nefnt. Þar
ræður ríkjum Svisslendingurinn Carl
Zika, kallaður Charly, skeggjaður karl,
sem oft er i góðu skapi. Hann er alvöru-
maður í matreiðslu.
Leyndardómur Charly's er stuttur
matseðill, góð hráefni og einföld
matreiðsla. I forrétt er best að fá sér
lauksúpu eða kæfu dagsins, í aðalrétt
hryggvöðva (filet) og i eftirrétt Alaskais
eða danskar pönnukökur. Ágætt er vin
hússins frá Piemont og ekki siður peru-
brennivinið með kaffinu.
Charly’s Sauciere er næstum eins gott
veitingahús og Cannavota. En það er
líka 50% dýrara. Og það er
kostnaðurinn við að gefast upp á miðri
leið.
Jónas Kristjánsson
(Cannavota. Piazza San Giovanni in
Laterano 20, simi 77 50 07, lokað
miðvikudaga og i ágúst).
(Charly’s Sauciere, Via San Giovanni in
Laterano 268, sími 73 66 66, lokað
sunnudaga og í ágúst).
í næstu Viku:
Papa Giovanni
33. tbl. Vikan 2S