Vikan - 14.08.1980, Blaðsíða 26

Draumar
Ad geyma kjól
Kæri clraumráðandi!
Mig dreymdi nokkuð sem ég
er forvitin að vita hvort hefur
einhverja meiningu.
Mér fmnst ég vera að tala
við strák sem ég þekki aðeins
lítillega og bið hann að geyma
fyrir mig kjól sem ég á (hann
er dökkblár. Ijósblár og rjóma-
litur). Ég segist bara sækja
hann heim til hans seinna þar
sem mér fannst eitthvað svo
óþægilegt að vera að drattast
með kjólinn um allt. Hann tók
við kjólnum. Lengri var
draumurinn ekki. Einforvitin
Þarna vantar að vísu ákveðnari
tákn til þess að eitthvað verði
fullyrt um nierkingu draumsins
en þó má telja fullvíst að um ein-
hverja breytingu verður að ræða
fljótlega, líklega ferðalag. í því
sambandi verður þú að gera
ráðstafanir til þess að annar
komi í þinn stað. Það tekst ágæt-
lega og þú losnar við áhyggjur af
þeirri hlið málanna. Ferðalagið
verður bæði skemmtilegt og þó
frekar stutt og nafn drengsins og
rjómaliturinn á kjólnum bendir
til þess að þessar ráðstafanir
standi í sambandi við eitthvað
sem veitir þér peninga í aðra
hönd, sennilega er þarna um
launað starf að ræða. Blái
liturinn táknar svo að af starfinu
hafir þú mikla ánægju.
Dreymdi ad
ég væri ófrísk
Kæri draumráðandi!
Mig dreymdi að ég væri
ófrísk og það var farið að sjást
á mér. ég var kominn 3-4
mánuði á leið og ég var reglu-
lega sár og reið í draumnum,
ég grét og hló ég var svo hissa
og ég man að mamma var mín
stoð og stytta og mjög
skilningsrík. Hvað getur þetta
boðað . . . ég man allt mjög vel
sem í draumnum gerðist þess
vegna skrifa ég þér. Með þökk
(fyrirfram).
AJ
Flest bendir til að þú eigir í
vændum velgengni hvað varðar
fjárhaginn, en þó ber þar ein-
hvern skugga á. Þú þarft ekki að
óttast að þetta sé berdreymi, því
til þess eru táknin of óljós og
ruglingsieg. Ekki er hægt að
segja nákvæmlega til um
hvernig þetta breytir fjárhags-
afkomunni, en líklega kemur þér
mjög á óvart ýmislegt í þessu
sambandi og átt bágt með að
átta þig á atburðum um tima.
Plús, prósent
og ex
Kæri draumráðandi!
Eg sendi þér draum. sem
mig langar sérstaklega til að fá
ráðinn. Eg vona að þú sjáir þér
fært að ráða hann sem fyrst
fyrir mig.
Mér fannst ég vera í
Vaglaskógi og að ég væri með
vinkonu minni. sem við skulum
kalla X. og við vorum i
hjólhýsi. Ég er hrifmn af strák
og hann var líka þarna í
skóginum. Hann var með %
en þeir voru saman í hjólhýsi.
Eg átti 4 glös og það var sama
munstrið á þeim öllum. Eg, +
X og % vorum að drekka úr
glösunum. Þá brotnuðu tvö
glös og það voru glösin sem +
og % drukku úr. Ég og +
áttum að drekka úr sama glasi
og svo fórum ég og + að rífasl
um, hvort ætti að drekka úr
glasinu fyrst. Það skiptir mig
verulegu máli að fá þennan
draum ráðinn og vona því að
hann hafni ekki í rusla-
tunnunni. ,268-9489
Yfirleitt er talið að skógur sé
fyrir farsæld, einkum ef dreym-
anda finnst hann búa þar og
hræðist ekki að villast I
skóginum. Margt bendir til þess
að varasamt væri fyrir þig að
bindast einhverjum einum aðila
af gagnstæða kyninu of sterkum
böndum því hætt er við að slík
reynsla yrði ekki að öllu leyti
jákvæð. Þar yrði ungur aldur
þér talsverður fjötur um fót og
hætt við að þroskaleysi
mótaðilans hefði þar einnig
nokkuráhrif.
Flest táknin í draumnum eru
þó nokkuð góð og því likur á að
þarna sé frekar um tímabundna
erfiðleika að ræða hvað þig
sjálfa varðar.
Fjórir draumar
og þrír um X
Kæri draumráðandi!
Eg vona að þú getir ráðið
þessa drauma fyrir mig en ég
hef hugsað mikið um hvað þeir
tákni. Fyrsta drauminn
dreymdi mig í mars sl. Mér
fannst ég vera á leið heim af
vertíð, sem ég var á í vetur. Ég
var i rútu og sat ein I sæti
framarlega. Ég var að skoða
eyrnalokka. sem mér fannst ég
eiga. Þeir voru mjögfallegir úr
gulli með bláum steini
(svipaður mánaðarsteinum).
Blái liturinn var frekar dökkur,
en svo skœr að það lýsti af
honum. Allt í einu fór rútan
ofan i holu og við það missti ég
annan lokkinn, en hinn stakkst
í baugfingur hægri handar og
festist þar. Ég reyndi að losa
hann en gat samt ekki annað
en dáðstað þvíhvað hann
var fallegur, og hvað blái
liturinn færi vel við gullið.
Þegar ég var búin að bjástra
við lokkinn um stund tókst
ekki betur til en svo að hann
stakkst á kaf í fmgurinn og sást
ekki annað en lítið gat eins og
eftir nál. Egfann ekkert til en
þegar ég strauk fingurinn fann
égfyrir lokknum undir
húðinni.
Draumur 2
Ég var að byrja að vinna í
frystihúsi, sem ég vinn
stundum í, og þar hitti ég X
kunningja minn, sem var líka
að fara að vinna. Stelpa, sem ég
þekki, (X og hún þekkjast ekki)
stóð við hliðina á honum og ég
varð hálfsár yfir því að þau
væru líklega farin að vera
saman. Eg reyndi að láta á
engu bera og spurði X, hvernig
honum litist á staðinn. Hann
sagði að sérþætti hálfsóðalegt.
Ég gekk svo út en var dálítið
miður mín en þá kom X á eftii
mér og tók utan um mig og vii
gengum saman eitthvað og ég
var mjög ánægð.
Draumur 3
Eg var að skoða bók eða
bækling og hélt þá á Ijós-
grœnu gljáandi spjaldi. Á það
var grafið fullt nafn X og
heimilisfang undir. Það var
mjög ógreinilegt þ.e.a.s.
heimilisfangið, en nafnið var
vel skrifað.
Draumur 4.
Ég var að fara að eiga barn
og var mjög kvíðin og einmana
þvi enginn vildi vera hjá mér.
Hríðirnar voru sársaukafullar
og ég var alltaf að vonast til aö
hafa einhvern hjá mér til að
hughreysta mig. Þegar barnið
varfœtt fór ég að gá hverjum
það líktist og fann þá sterkan
svip með því og X. Barnið var
eins og ca 5 mánaða börn eru
á stœrð.
Með fyrirfram þökk fyrir
ráðningu. 7218-0984
Þótt allir fjórir draumarnir séu
ólíkir við fyrstu sýn tengjast þeir
allir og í ráðningu hneigjast flest
aðaltáknin í sömu átt. Þarna er
um einhverja viðvörun að ræða
og þér farsælast að fara að öllu
með gát. Líklega tákna eyrna-
lokkarnir þér einhverja tvo nána
vini eða ættingja og annan
muntu missa samband við en
hinn veldur þér talsverðum
vandræðum. Þér er vissara að
fara mjög varlega í að trúa öllu,
sem þér er sagt og margt bendir
til þess að vandræði verði á fleiri
en einn veg. 1 versta falli gætir
þú eða þessi náni vinur eða
ættingi lent í útistöðum við
lögin. Varastu að láta ota þér
fram til að framkvæma vafa-
sama hluti fyrir aðra og bregstu
hart við ef reynt er að nota þig
sem skálkaskjól í slíkum
efnum. Góð tákn eru einnig í
þessum draumum, sem benda
frekar til þess að erfiðleikana
yfirstígir þú að lokum og þá
reynslunni ríkari. X þarf hins
vegar alls ekkert að tengjast
þessum atburðum sem persóna í
vökunni heldur er hann frekar
tákn þess sem gerist síðar og
hvort um samband milli ykkar
tveggja verður að ræða síðar
verður ekki ráðið af þessum
draumum.
26 Vikan 33. tbl.