Vikan - 28.08.1980, Blaðsíða 10

Draumar
Uggur í okkur
bádum
Ágæti draumráðandi.
Mig dreymdi í morgun
draum sem ég býst svo sem við
að rætist á einhvern hátt í dag
(eins og hálfpartinn fyrir
daglátum). Samt voru viss
atriði sem mig langar að fá
skýringu á sem mér fundust
skrýtin, jafnvel þótt svarið
komi of seint. Af hverju koma
svörin annars svona seint? Ég
hef skrifað þér áður en þótt
það svar kœmi of seint eru
sumir draumar þannig að mér
finnst að þeir segi meira en
bara fyrir daginn í dag. En
hérna er draumurinn, hann er
einfaldur en var svakalega
sterkur og ég vaknaði svolítið
< hissa. Hann var ekki mjög
skýr. Mér fannst ég vera að
fara að hitta mann sem skipti
dálítið miklu málifyrir það
sem ég er að gera I vinnunni,
ekki svoleiðis samt að það hafi
nein úrslitaáhrif. Ég hef samt
verið svolítið spennt út af
þessu en ekki sérstaklega
kvíðin. Syo þegar ég hitti hann
þá var eins og hann væri
eitthvað óánœgður ogjafnvel
hræddur við mig. Ég var
voðalega vinsamleg en samt
var eins og ekki gengi nógu vel
að skilja hann. Það kom sér
heldur illa fyrir mig. Svo
uppgötvaði ég líka að ég hafði
ekki náð því sem hann var að
segja, nema því seinasta. Hann
var samt ofsalega indœll og það
endaði með því að mér fannst
hann vera mjög skilningsríkur
og hlýlegur, þrátt fyrir
einhvern ugg I okkur báðum.
Og ég var að hugsa um að það
sem hann hefði sagt seinast
skipti miklu meira máli en það
sem ég hafði misst af og allt í
einu fann ég svo að það sem
hann ætti eftir að segja skipti
mestu máli. Ég held ég hafi
sagl honum það, alla vega var
hann glaður.
Er eitthvað í þessum draumi,
ég er ekki viss?
Ein óörugg
Að einhverju leyti er hérna um
að ræða afleiðingu hugsana í
vökunni. Kvíði þinn fær útrás í
draumi og sjaldnast eru slíkir
draumar mjög marktækir. Þó
er ýmislegt sem bendir til erfið-
leika samfara þessari fyrir-
huguðu samvinnu og líklega
verður þú sjálf ekki sem
ánægðust með atburðarásina.
Forðastu samt að taka of mikið
mark á draumnum því
langsennilegast er að áhyggjur í
vökunni stjórni þar draumnum
og rugli því merkinguna. Vikan
er unnin margar vikur fram í
tímann og þvi er lágmarksbið
eftir ráðningu um fjórar vikur.
Flestir draumar eru þess eðlis
að ráðningin gildir um langtíma
og því kemur það í fæstum
tilvikum að sök þótt einhver
bið verði eftir birtingu
draumsins.
Kjötkássa fyrir
Guðlaug
Þorvaldsson
Kæri draumráðandi.
Mig dreymdi fyrir nokkru
furðulegan draum, viltu ráða
hann fyrir mig? Mér fannst ég
vera á vinnustað mínum og þar
var margt manna. Þar þekkti
ég og man sérstaklega eftir
einum og það var Helgi sem er
fréttamaður á Sjónvarpinu.
Hann var heilmikið að segja en
ekki man ég hvað. Allt I einu
var ekki á hreinu hvar ég og
allt þetta fólk var, það var eins
og við værum öll komin eða að
fara heim til mín. Og þá þekkti
ég meðal annarra Guðlaug
Þorvaldsson, fyrrverandi
forsetaframbjóðanda. Hann var
kominn með svo undarlegt sítt
hár, eins og það hefði verið
svart en var nú grásprengt og
frekar gróft. Svo heyrði ég að
einhver var að tala um að allt
þetta fólk vœri orðið svo
svangt og þá fannst mér að ég
yrði að búa til eitthvað handa
mannskapnum en ég átti ekkert
nema fullan pott af hýðishrís-
grjónum, sem voru soðin, og
einhverja kjötafganga ísósu.
Svo hugsaði ég mér að blanda
þessu öllu saman fyrir fólkið og
setja ferskt grænmeti, tómata
og gúrkur með. Mér fannst ég
líka eiga lauk sem éggæti
saxað út I. Út úr þessu gæti
sem sagt orðið sæmilegur pott-
réttur og hlyti að verða skárra
en ekkert fyrirfólkið. Eitthvað
fleira gerðist víst en þetta er
það sem ég man.
Hvað á þetta að tákna?
Ein hissa.
Fremur ólíklegt er að
draumurinn boði áðurnefndu
fólki eitthvað sérstakt, miklu
líklegra að þarna sé um að
ræða tákndraum sem hafi tals-
verða þýðingu fyrir
dreymandann í framtíðinni.
Flest táknin eru jákvæð og
boða þér bættari hag en áður
en þó væri þér hollast að
minnast þess að engin rós er án
þyrna. Miklar kröfur eru
gerðar til þín einmitt þetta
tímabil ævinnar og það er ekki
síst að þú gerir miklar kröfur til
sjálfrar þín. Með seiglu og
þrautseigju mun þér takast að
sigla milli þeirra skerja sem á
vegi verða og standa talsvert
styrkari eftir en áður. Þér
hættir ef til vill til þess að
treysta öðrum um of, þótt
öllum sé hollt að hafa jákvætt
viðhorf til samferðamannanna
er sjálfsagt að hafa augun opin
fyrir hugsanlegum svikum.
Margir eru því marki brenndir
að hugsa einungis um eigin hag
og ekki er ósennilegt að þú
munir eiga eftir að kynnast
óvenjumörgum af því sauða-
húsi í tengslum við framtíðar-
störf þín. Þú mátt eiga von á
að lenda í miklum gleðskap
næstu daga, ef til vill á vinnu-
staðnum, og þar munu þér
verða ljósari en áður bæði
jákvæðar og neikvæðar hliðar
á samferðamönnunum.
Að lokum: mörg táknanna
gefa í skyn að fjármálin verði
þér auðleystari en áður þegar
fram líða stundir. Einmitt núna
stendur yfir erfiðleikatímabil
sem varla verður langvinnt og
verður furðu fljótt að hverfa í
minninguna sem svo margt
annað.
Tveir stuttir
draumar
Kæri draumráðandi!
Mig langar að fá ráðna tvo
stutta drauma, sem mig
dreymdi: Sáfyrri er svona:
Mér fannst ég standa á tún-
bletti við bæ sem frændi minn
á og horfa upp á fjall. Ég sá
marga fallega hesta en ég tók
þó sérstaklega eftir einum sem
pabbi minn átti. hann var
hvítur og ég horfði á hann fara
úr hárum en þegar hárin fóru
af honum þá var hann jarpur
undir. Svo er það hinn:
Mérflnnst ég standa inni í
baðherbergi og horfa í spegil.
ég var stokkbólgin vinstra
megin I andlitinu og hafði
mikla verki i því. Og ég horfði
á sjálfa mig en mér fannst
önnur manneskja standa við
hliðina á mér gjörólík mér en
samt fannst mér það vera ég.
8589-4609
Fyrri draumurinn er tákn veðra-
brigða um það leyti sem þig
dreymir drauminn. Hvíti
hesturinn er fyrirboði snjó-
komu, hvernig þú horfir á hann
fara úr hárum merkir hlákuna
og rauður eða jarpur hestur
táknar yfirleitt úrkomu.
Siðari draumurinn er þér að
líkindum fyrir óvæntum
hagnaði og velgengni því
samfara. Draumurinn er ekki
nægilega skýr til þess að hægt sé
að fullyrða á hvern máta
þennan hagnað ber að höndum,
hvort þarna er um að ræða arf
eða einhvers konar annan
ávinning.
loVikan 35. tbl.