Vikan - 24.06.1982, Blaðsíða 10
Texti Hrafnhildur
ROMY
SCHNEIDER:
Ástsæl leikkona kvödd í hinsta sinn
l_iátin er ein virtasta og vinsælasta
leikkona um árabil, Romy Schneider.
Hún lék undir stjórn þekktustu leik-
stjóra hvers tíma og var í stormasöm-
um ástarsamböndum sem lýst var í
smáatriðum á forsíðum heimsblað-
anna. Hún dró sig í hlé frá kvikmynda-
leik um tíma er hún þurfti að gangast
undir mikla nýrnaaðgerð. Þá helgaöi
hún sig börnum sínum tveimur, David
og Söru. Þegar sonur hennar dó í
hræðilegu slysi á síðasta ári var hún
harmi slegin og segja kunningjar
hennar aö hún hafi aldrei náð sér aö
fullu eftir það áfall. — Hún þurfti þó að
rífa sig upp úr sorginni, einbeitti sér að
vinnu og uppeldi dóttur sinnar, Söru,
sem er fimm ára. En einmitt þegar
hún var farin að brosa á ný fékk hún
hjartaslag og fannst látin í íbúð sinni í
París.
Romy Schneider var fædd árið 1938 í
Vínarborg. Foreldrar hennar voru
leikararnir Wolf Albach-Retty og
Magda Schneider. Skírnarnafn hennar
var Rosemarie Albach-Retty en þar
sem það þótti langt og óþjált tók hún
upp eftirnafn móöur sinnar.
Romy var aöeins 15 ára þegar henni
bauðst fyrsta hlutverkiö í kvikmynd.
Hún varð síöan hebnsfræg í hlutverki
austurrísku keisaraynjunnar Eliza-
beth, í myndaflokki um austurrísku-
ungversku konungsfjölskylduna, sem
sýndur var í þýskumælandi löndum viö
miklar vinsældir á sjötta áratugnum.
Þættirnir voru sýndir í Bandaríkjun-
um árið 1962 og hétu þar Forever My
Love. Leikstjórinn, Visconti, hreifst
mjög af Romy í þessu hlutverki og
bauð henni að leika í kvikmynd sinni
Boccaccio ’70 og seinna lék hún undir
hans stjórn á leiksviöi. Romy þakkar
honum og Orson Wells alþjóðlega
frægð sína, en hún lék undir stjórn
Orson Wellsí The Trial (1962).
Ferill hennar var nær óslitinn frægö-
arferill eftir 1960. Hún lék aðallega í
þýskum, frönskum og ítölskum kvik-
myndum fram til ársins 1962 og var ein
ástsætasta leikkona Þjóðverja til
dauðadags. Eftir leiksigurinn í
Boccaccio sneri hún sér að enskum og
amerískum markaði og lék í mörgum
vinsælum kvikmyndum. Eftir 1972
sneri hún þó viö blaðinu og eyddi kröft-
um sínum eftir það í þágu franskrar,
þýskrar og ítalskrar kvikmyndagerð-
ar.
Fremur en annað heimsfrægt fólk
hefur Romy Schneider ekki haft stund-
legan frið fyrir blaöamönnum. Einka-
líf hennar hefur þótt það merkilegt að
hún hefur verið stööugt á forsíöum
tímarita í 20 ár. Hún sagði sjálf aö fæst
af því sem í þeim stæði væri rétt og
ekki einu sinni þess virði aö leiðrétta
það. Þaö væri að mestu uppspuni og
ýktar athugasemdir, hafðar eftir fólki
sem þekki hana ekki einu sinni. Hún
var sérstakt eftirlæti ljósmyndara þau
fimm ár sem hún bjó með Alain Delon
sem á þeim árum var vinsæll, ungur og
myndarlegur leikari. Þeim var báðum
spáð miklum frama á þeim árum, spá-
dómur sem rættist.
Romy Schneider giftist áriö 1966
Harry Meyen og átti með honum son-
inn David. Eftir stormasama sambúð
skildu þau árið 1975 og framdi hann
sjálfsmorð fjórum árum seinna. Hún
giftist síöan einkaritara sínum, Daniel
Biasini, og átti með honum eina dóttur,
Söru. Þau skildu árið 1981.
Romy bjó síðasta æviárið með Laur-
ent Pétin, frönskum kvikmyndagerð-
armanni sem reyndist henni ómetan-
leg stoð og stytta eftir að hið hörmu-
lega slys átti sér stað. Hún hélt alltaf
kunningsskapinn við Alain Delon og
það voru þeir Pétin og Delon sem
skipulögöu jaröarför Davids og sáu um
að hin syrgjandi móðir fengi að vera í
friði meöan á henni stóö. Og nú eftir
dauða hennar koma upp í hugann þau
orð sem hún sagði er hún var spurð eft-
ir jarðarför sonarins hvaö nú tæki viö:
„Ég hef þurft að horfa á eftir föður
hans, nú missti ég son hans. En ég hef
ekki yfirgefiö þá og þeir hafa ekki yfir-
gefiðmig.”
Romy Schneider í hlutverki austur-
risku keisaraynjunnar Elizabet, að
neðan til vinstri.
Romy Schneider giftist tvisvar sinnum. Efst er hún með fyrri manni sín-
um, Harry Meyen, og nýfæddum syni þeirra, David. Að ofan til vinstri er
hún með fyrstu ástinni, leikaranum Alain Delon, en heimspressan gerði
mikið úr sambandi þeirra. Til hægri er hún með seinni manni sínum, Daniel
Biasini, en á myndinni að neðan með Laurent Pétin sem hún bjó með
siðasta æviár sitt.
xo Vlkan XS. tbl.