Vikan - 24.06.1982, Blaðsíða 24
Húsbúnaður
Gamli sólstóllinn
fær
andlitslyftingu
Þeir sem ekki eiga vefstól ættu
nú að nota tækifærið og fram
kvæma þessa hugmynd. Hér eru
nýttir gamlir efnisafgangar og
uppistaðan er sólstóllinn sjálfur.
Auðvitað má nýta þessa hugmynd
á annan tiátt, til dæmis
smíða einfaldan ramma og vefa i
hann eftir leiðbeiningunum.
EFNI:
250 g fiskigarn 12/30.
Um 1,5 cm breiðar ræmur úr
bómullarefnum.
Um 4 cm breiður flatur trélisti,
að minnsta kosti 20 cm lengri en
breidd stólsins.
Heklunál nr. 4 og gróf rianál.
Uppistaðan (fiskigarnið) er vafin
utan um og á milli þverstang-
anna tveggia. Stóllinn er látinn
liggja flatur á gólfinu. Garnið er
vafið um 40 45 sinnum utan um
stangirnar þannig að 80-90
þræðir myndi uppistöðuna. Gætið
þess að þræðirnir fari ekki hver
yfir annan. — Það á að vefja
nokkuð fast, en þó ekki það fast
að stóllinn ,,Iyftist" frá gólfinu.
Þegar uppistaðan er til klippið
þið endann og hnýtið hann fastan
við þverstafinn, eins og sýnt er á
teikningunni.
Passið að nokkurn veginn sé
jafnt á milli þráðanna (um 24
þræðir á 10 cm). Þræðið síðan
„skyttuna" (trélistann) undir og
yfir þræðina á víxl.
Fyrsta umferðin í vefnum er
ein röð af loftlykkjum og hver
lykkja er hekluð utan um einn
uppistöðuþráð. Heklið sæmilega
fast og hnýtið endana i þverstaf-
inn, sinn hvorum megin.
Á meðan er ofið er best að
geyma skyttuna uppi á bitunum,
eins og sést á myndinni. Nægilegt
er að herða með skyttunni í ann-
arri hverri umferð. Þið getið ýtt
með fingrunum á vefinn í hinni
umferðinni.
Fyrst vefið þið nokkrar
umferðir með uppistöðugarninu
en siðan.takið þið til við efnis-
afgangana. Mynstrinu ráðið þið
sjálf. Best er að vera óragur því
það getur verið þungt i vöfum að
hafa mynd á bak við sólstólinn.
Ekki vefa mynstur sem byggt er
upp á lóðréttum línum, það er of
erfitt fyrir óvana, og svo má
skipta um liti í miðri umferð,
þannig að útkoman ætti að geta
orðið verulega skrautleg.
Til að vefurinn verði fallegur í
jöðrunum er best að hnýta band
í jaðarinn og vefja því um hliðar-
listana með um 7-8 cm millibili.
Gleymið ekki að herða með
skyttunni með jöfnu millibili.
Þegar búið er að vefa svo til út
á enda verður skyttan fyrir.
Hún er dregin út og síðustu
umferðirnar heklaðar með I ekiu
nálinni. Að lokum eru ofnar
nokkrar umferðir með uppistöðu-
garninu.
Klippið þræðina af, sem héldu
vefnum að hliðarlistunum,
gangið frá öllum endum, stígið
nokkur skref aftur á bak og dáist
að listaverkinu.
A þessum myndum sést hvernig
uppistaðan er vafin utan um trélist-
ana og hvernig skyttunni er stungið
milli þráðanna.
24 Vikan 25. tbl.