Vikan - 05.02.1987, Síða 23
sem hann vekur fyrst athygli.
Sjálfur segir hann að fram-
leiðendurnir hafi í fyrstu
viljað þekkt nafn í titilhlut-
verkið en vegna þess hversu
líkur hann þótti mynd af
Kólumbusi fékk hann hlut-
verkið og var hann um-
kringdur þekktum leikurum í
- þessari sjónvarpsseríu sem
sýnd var í íslenska ríkissjón-
varpinu á sínum tíma.
Svo kemur vendipunktur-
inn á ferli hans, lilutverk
rannsóknarblaðamannsins í
Defence of Realm. Þetta er
sakamálamynd er gerist i
London. Byrne leikur Nick
Mullen, blaðamann sem gerir
allt fyrir fréttina eins og
áhorfendur fá að kynnast.
Þegar hann kemst á snoðir
um ,,heitt“ mál stöðvar hann
ekkert, þótt vinur hans verði
fórnarlamb hildarleiksins.
Gabriel Byrne hefur nýlok-
ið við að leika í Lionheart sem
tekin var upp í Ungverja-
landi. Meðleikarar hans þar
eru Eric Stoltz og Connie
Booth. Næst mun hann leika
í The Easter Egg Chase sem
leikstýrt verður af Robert
Altman. Það er því ljóst að
Gabriel Byrne mun ekki
skorta verkefni á næstunni.
Myndbönd
ALIEN ★★★
Leikstjóri: Ridley Scott.
Aöalhlutverk: Sigourney Weaver, John Hurt og Harry Dean Stanton.
Sýningartími: 116 mín. - Útgefandi: Steinar hf.
Mynd Ridleys Scott, Alien, er á góðri leið með að verða klassísk í kvik-
myndasögunni enda ekki margar hryllingsmyndir sem hafa haft eins
afgerandi áhrif. Athygli hefur beinst að henni að undanförnu vegna vel
gerðrar framhaldsmyndar, Aliens. Alien er öllu einfaldari í gerð. Fylgst er
með áhöfn geimfars sem kemur til óbyggðrar plánetu. Þar slæst í förina
heldur óhuggulegt fyrirbrigði sem tekur sér fyrst bólfestu í maga eins áhafn-
armeðlimsins. Eftir að skrímslið hefur brotið sér leið úr maga fórnarlambsins
í atriði, sem ábyggilega enginn á eftir að gleyma, stækkar það og fer að herja
á áhöfnina. Að lokum er aðeins einn eftir til að kljást við skrímslið. Með
Alien breytti Ridley Scott ímynd geimmynda. Horftnn er glansinn sem ein-
kennir myndir á borð við Star Wars. Alien er mynd sem enginn unnandi
spennumynda ætti að láta fram hjá sér fara.
HIGHLANDER ★★★
Leikstjóri: Russel Mulcahy.
Aðalleikarar: Christopher Lambert, Sean Connery og Roxanne Hart.
Sýningartími: 110mín.-Útgefandi: Háskólabíó.
í miklum bardaga á sautjándu öld er Connor (Christopher Lambert)
særður banasári. Ollum til undrunardeyr hannekki. Hann er ásakaður
um galdra og rekinn burt úr heimabyggð sinni. Seinna kemur í ljós að hann
er einn hinna ódauðlegu. Víkur nú til New York nútíðarinnar. Connor er
nú forngripasali. Nú er komið að því sem spáð hafði verið, aðeins einn
hinna ódauðlegu fær að lifa lengur. Eftir blóðugt stríð standa tveir eftir
lifandi, Connor og Kurgan, boðberi hins illa. Highlander er virkilega spenn-
andi og vel gerð kvikmynd þar sem tækniatriði njóta sín til fulls. Skylminga-
atriðin í New Y ork eru tilkomumikil og í mótsögn við nútímann, enda
stendur lögregla borgarinnar á gati þegar höfuðlaus lík fara að frnnast.
Leikur er góður. Senuþjófarnir eru Sean Connery í litlu en bitastæðu hlut-
verki og Clancy Brown í hlutverki Kurgans.
THE NAKED PREY ★★
Leikstjóri: Cornel Wilde.
Aðalleikarar: Cornel Wilde og Ken Gambu.
Sýningartimi: 92 mín. - Útgefandi: Háskólabíó.
Frumraun leikarans Cornel Wilde sem leikstjóra, The Naked Prey, er
eftirtektarverð kvikmynd. Fyrir utan að vera leikstjóri og framleiðandi er
hann aðalleikarinn í þessari ágætu mynd sem gerist á síðustu öld og fjallar
um leiðangur í Afríku. Þegar leiðangursstjórinn rnóðgar innfædda er fjand-
inn laus og eru allir leiðangursmennirnir drepnir á hryllilegan hátt. Einn
sleppur þó, eingöngu vegna þess að hann sér við innfæddum sem ætluðu
að leika sér að honum og elta hann uppi og drepa hann. Hefst nú mikill
og ójafn eltingarleikur inni í miðri Afríku. Hvíti maðurinn kann ekki að
nýta sér gæði frumskógarins á sama hátt og innfæddir... The Naked Prey
er vel gerð mynd. Sjaldan hefur Afríka verið kvikmynduð í leikinni kvik-
mynd á þann hátt sem sjá má hér. Talað mál er lítið og þegar talað er þá
er það á einhverju máli innfæddra sem enginn skilur.
THE NIGHT OF THE JUGGERNAUT ★
Leikstjóri: George Fenady.
Aðalleikarar: David Hasselhoff, Edward Mulhare og Patricia McPherson.
Sýningartími: 90 min. - Útgefandi: Laugarásbió.
Aðalsöguhetja Night ofthe Juggernaut er Michael (David HasselhofQ
sem er einhvers konar lögreglumaður. Það sem hann hefur fram yfir aðra
er að hann keyrir á bíl sem getur allt ef svo má að orði komast. Bíllinn er
hin glæsilegasta kerra, heldur betur tölvuvæddur. Tölvan talar, aðvarar
bílstjórann þegar hætta er í grennd og getur flogið smáspöl ef það er til bóta.
í þessurn þætti er þó bíllinn að mestu eyðilagður af vondu köllunum sem
sjálfir hafa smíðað bíl sem helst líkist skriðdreka og hefur sá yfir í fyrstu
tilraun. Glæsikerran er samt byggð upp á nýtt, enn fullkomnari en áður og
þá erekki að spyrjaað endalokunum. The Night of the Juggernaut er
hvorki verri né betri en sams konar sjónvarpsmyndir. Það er í lagi að horfa
á myndina. Hraðinn er mikill en þegar sýningu lýkur er fátt minnisstætt.
6. TBL VIKAN 23