Vikan - 05.02.1987, Side 50

D R A U M A R
r
DÁNIRVINIR
Kæri draumráðandi.
i nótt sem leið dreymdi mig
óþægilegan draum. Mér þótti sem
krakkarnir I hverfinu, vinir barn-
anna minna, væru dánir, að
minnsta kosti flestir. Ég ályktaði
sem svo að því hefði valdið eitt-
hvað sameiginlegt, sennilega
eitrun í einhverju boði, fannst mér
trúlegast. Ég var afskaplega leið
og mér fannst erfitt að tala um
þetta við börnin mín. Mér leið illa
þegar ég vaknaði, fannst einhvern
veginn eins og þetta væri rétt og
var lengi að átta mig á því að allt
væri í lagi. Ég man að sum barn-
anna voru enn á lífi en ég man
að minnsta kosti að besti vinur
sonar míns var dáinn. Mér fannst
jafnvel að ég ætti að fara til for-
eldra hans með fallega mynd sem
er til (í alvörunni) af þeim tveim-
ur, svona sem máttleysislega
tilraun til að sýna samúð mína.
Ekki veit ég hvers vegna mér datt
þetta í hug en það kann þó að
vera út af atburði sem gerðist fyrir
alllöngu og tengdist mynd af látnu
barni.
Viltu reyna að segja mér hvað
þetta merkir, ef það merkir þá eitt-
hvað?
Móðir.
Þessi draumur merkir allavega
ekkert illt fyrir börnin, hvorki þín
nú önnur. Að vera leiður í draumi
merkir gleði og því verður þessi
draumur að teljast hafa jákvæðan
boðskap. Sennilega er það þessi
gamli atburður (sem þú segir nán-
ar frá i þeim kafla sem ég ekki
birti) sem vekur þá hugsun hjá
þér að gefa myndina, en sé þessi
hluti tekinn táknrænt merkir hann
breytingar á högum þinum og þá
væntanlega til hins betra.
DÁNIR
FORELDRAR
Kæri draumráðandi.
Ég vona að þú getir ráðið draum
minn. Hann er svona: Mig
dreymdi að pabbi og mamma
hefðu dáið og bróðir minn og
frændfólk hefðu ekki haft peninga
til að hafa mig þannig að ein kon-
an í þessum bæ og maðurinn
hennar tóku mig að sér (þau eiga
17 ára son). Ég náttúrlega grét af
því að mamma og pabbi voru dáin
í draumnum. Svo tók ég mig til
og fór fram, fékk mér að borða og
hjálpaði mömmu hans, sem við
skulum kalla X. Pabbann skulum.
við kalla 0 og strákinn W. Svo fór
ég í sturtu. Ég kom fram á nærbux-
unum og með handklæði utan um
mig. Svo tók hann það af mér en
þegar hann sá að ég var á nærbux-
unum og hélt fyrir brjóstin á mér
þá fór hann bara og fannst þá
ekkert varið í það. Svo var raf-
magnið farið eitt kvöldið og þá
kom hann upp í til mín og sagði:
Er þér ekki kalt, elskan. Svo morg-
uninn eftir þá keyrði pabbi hans
okkur í skólann og allar stelpurnar
voru svo móðgaðar því að ég var
með honum í bíl eða átti heima
hjá honum. Það eru svo margar
stelpur hrifnar af honum en mér
finnst hann ömurlegur.
Kær kveðja eða bæ, bæ.
Z...
Draumurinn bendir nú reyndar
til að þú hafir áhuga á þessum
strák en það getur verið ímyndun.
Táknrænt séð er hann aðeins fyrir
góðu, iangtifi foreldra þinna og
góðum viðburðum hjá þér. Hins
vegar er hann engin visbending
um að eitthvað verði á milli þin
og þessa stráks.
SUNDFIT
MILLI TÁNNA
Kæri draumráðandi.
Mig dreymdi allsérstæðan og
satt að segja óþægilegan draum
nú fyrir stuttu. Það var þannig að
ég sat og var að skoða á mér tærn-
ar. Skyndilega sé ég mér til
undrunar að ég er kominn með
sundfit milli tánna. Ég hugsaði
mér að þetta gæti komið sér vel.
Næst þegar ég lít á tærnar sé
ég mér til mikillar hrellingar að
sundfitin hefur þróast yfir í nýjar
tær sem vaxa upp á milli hinna
tánna (sem sagt níu tær). Ég tek
það fram að þetta var á hægra
fæti og allt mjög raunverulegt.
Ég ætla nú að taka til hendinni
og rífa upp þessa óboðnu gesti.
Það reyndist ekki unnt bví að bein
uxu innan í og leist mér nú síður
en svo á blikuna.
Mín síðasta hugsun, áður en ég
vaknaði, var að fá lækninn til að
fjarlægja þessi lýti.
Með von um góða ráðningu.
Áhyggjufullur.
Best er að taka strax fram að
það misræmi, sem fram kemur um
annars vegar niu tær og hins veg-
ar að þetta hafi verið hægri fótur-
inn (eingöngu?), breytir merkingu
draumsins ekki, enda er svona
misræmi algengt i draumum.
Almennt séð er þessi draumur
fyrir einhverjum hremmingum i
fjármálum en góðu I mannlegum
samskiptum, ef til vill nýjum vin-
um og þá jafnvel allt upp i níu
talsins. Vera má að þetta tengist á
einhvern hátt og vináttan þróist
beinlínis upp úr þessum fjárhags-
erfiðleikum, sem þó taka enda eins
og allt sem á bjátar gerir venju-
lega.
LÆRBROT
Kæri draumráðandi!
Fyrir nokkru dreymdi mig draum
sem ég vil biðja þig að ráða fyrir
mig.
Þannig var að mér fannst vera
gamlárskvöld og ég og strákurinn,
sem ég var með, X, ákváðum að
fara saman á ball. Eftir ball ætluð-
um við svo í partí. Þegar ballið var
búið ákváðum við að fara beint
heim til hans en er þangað kom
og ég var að labba inn lærbraut
ég mig. Þá bið ég hann að fara í
partíið, segist redda mér sjálf til
læknis og segi um leið að ef hann
fari ekki muni hann sjá eftir því
alla ævi að hafa hangið yfir mér í
stgðinn fyrir að fara í partíið. Mér
finnst hann fara. Svo kemur ekk-
ert fram fyrr en ég vakna á sjúkra-
húsinu og er að tala við vinkonu
mína og segja henni hvað mér
finnist það skítt af X að hafa farið.
Þá segir hún mér að líta til hliðar
og sé ég þá hvar X liggur þar í
rúmi og hafði hann verið þar alla
nóttina og ekki farið í partíið.
Ein sem þarf að fá ráðningu.
Þessi draumur er þér fyrir hugs-
anlegum skaða eða tjóni, senni-
lega I óeiginlegr/ merkingu ef þú
ert ekki nógu hreinskilin og þorir
ekki að segja það sem þér kann
að þykja óþægilegt. Draumurinn
er hvatning til þín um að vera
heiðarleg i samskiptum við aðra
þvi annars kann það að bitna á
sambandi þínu við þá. Einnig get-
ur verið að þú verðir fyrir annars
konar tjóni og þá þarftu einnig að
huga vel að samskiptum þinum
við aðra og hreinlyndi þínu iþeirra
garð. Sennilega er um fjölskyld-
una að ræða en gæti einnig verið
einhver utan hennar sem er þér
kær.
50 VlKAN 6. TBL