Vikan - 18.06.1987, Blaðsíða 20

E L D H 0 S
Gestur í Viku-eldhúsinu er Ingibjörg Kolbeinsdóttir
Kaldur fiskréttur á
heitum sumardegi
Einfaldara getur það varla orðið. Þessi
fiskréttur er hafður kaldur og er því tilval-
inn á heitum sumardegi. Þetta er léttmelt
fæða og Ingibjörg tók fram að ef fólk vildi
hafa eitthvað í eftirmat mælti hún með ís
með ferskum ávöxtum.
1 ýsuflak, ca 700 grömrn
200 grömm rækjur
1 agúrka
6 tómatar
salatblöð eða kínakál
4 egg
Sósa:
Vi bolli tómatsósa
2 matskeiðar chilisósa
4 matskeiðar majónes
4 matskeiðar sýrður rjómi
2 matskeiðar indian relish
2-3 matskeiðar undanrenna
salt og pipar
Sjóðið fiskinn, kælið hann og hreinsið.
Harðsjóðið eggin, kælið þau og takið skurn-
ina af.
Raðið fiskinum á fat. Hreinsið salatblöðin
og raðið þeinr í kringum fiskinn. Dreifið
rækjum, sneiddri agúrku og niðurskomum
tómötum yfir fiskinn. Skerið eggin í báta
og raðið þeim í kring.
Setjið allt sem á að fara í sósuna í skál
(vél) og hrærið vel saman. Hellið helmingn-
um af sósunni yfir fiskinn en látið hinn
hlutann í skál og berið fram með réttinum.
Berið ennfremur hvítlaukssmurt brauð með
þessurn rétti.
Þessi uppskrift er fyrir fjóra.
Umsjón: Esther Steinsson
Mynd: Ragnar Sigurjónsson
X
20 VIKAN 25. TBL