Vikan - 18.06.1987, Side 46

Varðstu var? - Veiðiþáttur
Geitabergsvatn og Kleifarvatn:
Stórurriöar á
Geitabergsvatn i Svínadal þykir
merkilegt vatn og á hverju ári veiðast
þar vænir urriðar, 8 til 10 punda. Lax
er töluverður í vatninu og bleikja sem
er reyndar frekar smá. Mætti að skað-
lausu veiða meira í net í vatninu og
mundi það grisja vel.
Fróður maður sagði umsjónarmönn-
um veiðiþáttarins að undir hlíðum
Geitabergsvatns, sömu megin og bærinn
Geitaberg er, væri djúp gjá í vatninu
og hefðu kafarar séð þar boltaurriða á
sveimi. Veiðimaður einn fór á þessar
slóðir fyrir fáum árum og veiddi fjóra
urriða, 4, 5, 8 og 9 punda fiska. Þessir
fiskar veiddust allir á spún og sá hann
stærri fiska elta. Veiðimenn hafa verið
að fá einn og einn vænan á hverju sumri.
Laxinn fæst oft til að taka í vatninu
og vænir sjóbirtingar hafa fengist. Einn
8 punda veiddist síðastliðið haust og
annar 4 punda.
Ýmislegt gæti því gerst við vatnið i
sumar enda ætla veiðimenn að fjöl-
menna og renna fyrir þá stóru í gjánni.
Veiðileyfi í vatninu kosta 400 krónur
Guðrún Guðjónsdóttir kastar flugu fyrir laxa í Myrkhylnum en þeir tóku ekki.
sveimi
dagurinn í sumar. Vatn, sem vakið hef-
ur athygli fyrir stóra fiska, er Kleifar-
vatn sem Stangaveiðfélag Hafnarfjarðar
hefur á leigu. Þar má finna mjög væna
urriða og hafa þeir stærstu, sem sést
hafa i vatninu, verið um 17, 18 punda.
Kannski maður fái einn svo stóran i
sumar? Hver veit?
Þessir stóru urriðar gefa veiðimönn-
um vonir um þann stóra í sumar og
ekki væri verra ef þeir tækju flugu. Það
yrði mikil barátta.
Umsjón: Gunnar Bender og
Stefán Kristjánsson
Frá opnun
Norðurár í
Borgarfirði
Laxveiðin hófst í Norðurá í
Borgarfirði 1. júní og þar vorum
við mættir, smelltum af myndum
í gríð og erg, en veiðin var mjög
góð fyrsta hálfa daginn sem við
vorum á staðnum. En sjón er
sögu ríkari.
46 VI K A N 25. TBL