Vikan - 23.07.1987, Blaðsíða 11

NAFN VIKUNNAR: BJARNI ARASON
Látúns-Bjami
Hann verður sextán á þessu ári, er hress
og skenuntilegur strákur seni sló í gegn á einu
kvöidi. Það gerðist í Hveragerði, á látúns-
barkakeppni Stuðmanna. Bjarni Arason hefur
aldrei lært að syngja og eftir því sem hann
segir eru engir frægir söngvarar í ættinni. En
til að fræðast meira um þennan unga söngv-
ara byrjuðum við á að spyrja hvernig honum
hefði dottið í hug að taka þátt í keppninni
um látúnsbarkann.
„Mér datt þetta eiginlega ekki i hug. Það
var kunningi minn og umboðsmaður. Hjalti
Þorsteinsson, sem sá auglýsingu um keppnina
í blöðunum. Hann hringdi í mig og sagðist
vera búinn að skrá mig. Ég sló þá bara til
og tók þátt i keppninni. Að vísu urðu einhver
mistök í skráningunni svo ég varð að syngja
i Stapa í Njarðvíkum. Þess vegna virðast
margir halda að ég sé Keflvíkingur. En ég er
Reykvíkingur í húð og hár, bý í Reykjavík,
varí skóla í Reykjavik ogvinn i Reykjavík."
- Var tilgangurinn nieð þátttöku í keppn-
inni sá að slá í gegn?
„Auðvitað vonaðist ég til að vinna en samt
bjóst ég alls ekki við því. Allir sem tóku þátt
í lokakeppninni voru mjög góðir söngvarar.
Mér finnst að nokkrir þeirra hefðu alveg verð-
skuldað titilinn. En auðvitað er þetta alveg
frábært, að minnsta kosti svona til að byrja
með. Það er gaman að fá alla þessa athygli.
Fyrstu dagana eftir keppnina varð ég strax
var við að fólk þekkti mig. Mjög margir hafa
komið til mín, tekið i höndina á mér og ósk-
að mér til hamingju nieð árangurinn. Það
finnst mér mjög gaman. Ég er nefnilega mont-
inn að eðlisfari. En maður reynir samt sem
áður að láta frægðina ekki stíga sér til höfuðs.
Sennilega er erfitt að vera þekkt andlit -
svona til lengdar. Samt gæti ég vel hugsað
mér að fara út í skemmtanabransann og verða
frægur. Þó er eitt atriði sem háir mér þegar
ég kem fram. Ég fæ svo mikinn sviðsskrekk.
Það mætti segja að ég væri einn stressaðasti
skemmtikrafturinn í veröldinni. í lokakeppn-
inni var ég stressaðastur af öllurn. Allir hinir
krakkarnir virtust sallarólegir. En þegar ég
er kominn inn á sviðið og byrjaður að syngja
finnst mér það ekkert mál og fíla mig vel."
Hefurðu lært að syngja?
„Nei, ég hef aldrei lært það en ég hef stund-
að hljóðfæranám. Ég spila meðal annars á
trompet."
Hvað tekur svo við hjá þér i framtíð-
inni. Bjarni?
„Ég vinn í matvöruverslun i sumar en í
vetur fer ég í skóla. Ég féll nefnilega í blessuð-
um níunda bekknum síðastliðinn vetur,
einfaldlega fyrir það að ég gerði ekki annað
en að spila. Tónlistin er númer eitt, tvö og
þrjú hjá mér. Skólinn er aftur á móti ntun
neðar á vinsældalistanum. En maður verður
að klára samræmdu prófin. Það er lágmarkið,
annars kemst ég ekki langt. Svo ég sé frarn á
að verða í skóla næsta vetur. Eftir það veit
ég ekki hvað tekur við. Ég er nokkuð örugg-
ur um að fara ekki í menntaskóla. Ahuginn
beinist meira að tónlistinni, ég gæti vel hugsað
mér að læra meira á trompet. Tilvera mín
snýst aðallega uin tónlist. Áður var ég mikið
í fótbolta en íþróttirnar og tónlistin fóru fljót-
lega að rekast of mikið á, þá varð ég að velja
á milli. Ég valdi tónlistina og tel mig hafa
valið rétt. Fótbolti er bara fyrir stráka sem
hafa ekkert annað fyrir stafni.
Nú i nánustu framtíð á ýmislegt eftir að
gerast. Ég fer í vinningsferðina til London í
ágúst. Svo eru tvær plötur á dagskránni.
Onnur er í beinu framhaldi af látúnsbarka-
keppninni. Allir barkarnir úr úrslitakeppninni
syngja sitt lag. Ég syng mitt og verð svo með
tvö önnur lög. Hina plötuna gefur Torfi 01-
afsson út. Ég kem til með að syngja eitt lag
á henni ásamt ýmsum þekktum söngvurum."
- Heldurðu að látúnsbarkatitillinn eigi eftir
að breyta lifi þínu i framtíðinni?
„Sennilega að einhverju marki. Það er vel
líklegt að ég eigi auðveldara með að koma
mér á framfæri í framtíðinni. Vonandi fær
hljómsveitin, sem ég er í, meira að gera. Það
er rosalega erfitt að vera á markaðnum og
reyna að vekja athygli á sér. En nú er verslun-
annannahelgin að minnsta kosti bókuð. Egill
Olafsson stakk upp á því að það yrði ekki
bara ég sem skemmti með Stuðmönnum í
Húsafelli heldur myndi öll hljómsveitin vera
með. Það verða því Vaxandi og Stuðmenn
sem skemmta í Húsafelli um verslunarmanna-
helgina."
- Er Vaxandi búin að starfa lengi?
„Við, stofnendur hljómsveitarinnar, spiluð-
um saman í lúðrasveit Árbæjar og Breiðholts.
Þá datt okkur í hug að stofna dixíband. Upp
úr því varð hljómsveitin til. Við skiptum yfir
af blásturshljóðfærunum á rafmagnshljóðfæri.
Við fikruðum okkur bara áfram. Síðastliðið
haust komurn við fram í sjónvarpsþættinum
Unglingarnir í frumskóginum. Síðan erum við
búnir að spila við öll möguleg tækifæri. í raun
höfum við verið á öllum tegundum af böllum
nema gömlu dönsunum. Svo höfum við verið
að spá í að fá söngkonu inn í hljómsveitina.
Það stendur til að ein úr látúnsþarkakeppn-
inni kíki á æfingu hjá okkur en það er ekkert
ákveðið í þeim efnum ennþá.
Það er gaman að geta þess hvernig nafnið
á hljómsveitinni varð til. Þannig var að við
vorurn að koma af æfingu og einhver okkar
var að lesa Dagblaðið. Þar slóð í fyrirsögn:
VAXANDI ÁHUGI Á HVALVEIÐUM.
Allir voru sammála um að þar væri nafnið
komið.“
- Myndirðu syngja í Eurovisionkeppninni
á næsta ári ef þú yrðir beðinn um það_?
„Jah, það er ansi erfitt að svara því. Ég hef
aldrei hugleitt það. Það er svo stutt síðan ég
vann titilinn. Hlutirnir hafa gerst svo hratt
að ég er ekki búinn að átta mig á öllu um-
stanginu ennþá. í fljótu bragði held ég samt
að ég myndi slá til ef lagið væri að mínu skapi
og hæfði mínu raddsviði. Eins og Slá í gegn,
það er lag sem hæfir minu raddsviði mjög
vel. Ég varð virkilega hissa þegar ég las í blöð-
unum að ég hefði verið að stæla Egil þegar
ég söng lagið. Það var alls ekki ætlunin. Aft-
ur á móti hef ég mikið reynt að stæla Elvis
Presley. Ég veit ekki hvort hægt er að líkja
þessum tveimur söngvurum saman."
Við kvöddum Bjarna. Hann gekk glettinn
á svip út í sumarið, til móts við frægð og
frama.
Viðtal: Jóna Björk Guðnadóttir
Mynd: helgi skj. friðjónsson
30. TBL VIKAN 11