Vikan - 23.07.1987, Síða 23

kvikmyndir/myndbönd
Sigurfbr Hannah and Her
Sisters um heiminn er varla lok-
ið þegar snillingurinn Woody
Allen er kominn með enn eitt
meistaraverkið, Radio Days. Nú
er það óður til hinna gömlu
góðu daga rétt fyrir seinni
heimsstyijöldina, þegar fjöl-
skyldan safnaðist saman í
stofunni til að hlusta á útvarpið,
ekkert sjónvarp komið og helg-
argamanið var að fara í kvik-
myndahús.
Woody Allen er sögumaður
myndarinnar og rifjar upp
minningar úr æsku. Staðgengill
hans er Joe, strákur sem úr fjar-
lægð fylgist með veruleika og
draumum fjölskyldu sinnar sem,
eins og vænta má í kvikmynd
eftir Woody Allen er nokkuð
skrautleg gyðingafjölskylda.
Einnig fylgjumst við með sígar-
ettusölustúlkunni sem óvænt
verður útvarpsstjama. Það er
Mia Farrow er leikur hana, en
hún hefur leikið í öllum nýjustu
myndum Allens með frábæmm
árangri.
Ein frænkan er í örvæntingar-
fullri leit að karlmanni svo hún
pipri ekki. Er það Diane Wiest
er leikur frænkuna en hún fékk
einmitt óskarsverðlaun í vor fyr-
ir leik sinn í Hannah and Her
Sisters.
Uppáhaldsútvarpsþáttur fjöl-
skyldunnar er framhaldsþáttur
um grímukkeddan mann er
berst fyrir lítilmagnann og fáum
við að kynnast lífi þeirra er leika
í þeim þætti. Þá má nefna að
Diane Keaton, er lék í nokkrum
mynduni Allens fyrr á ámm,
kemur fram í litlu hlutverki sem
hún skilar af snilld.
Þrátt fyrir að persónurnar séu
yfirborðskenndar tekst Woody
Allen eins og ætíð að gæða þær
lífi og verður því hver og eiii
persóna í Radio Days eftir-
minnileg. Svo er bara að vona
að þetta nýjasta verk eins snjall-
asta kvikmyndagerðarmanns,
sem nú starfar, komi sem fyrst
á hvíta tjaldið í einhveiju kvik-
myndahúsanna í höfuðborginni.
THE COLOR PURPLE ★ ★ ★
Leikstjóri: Steven Spielberg.
Aðalleikarar: Danny Glover, Whoopi Goldberg og Margareth Avery.
Sýningartími: 150 min. - Útgefandi: Tefli hf.
Mikið hefur verið rætt og skrifað um The Color Purple og sýnist sitt
hverjum. Allir eru þó sammála um að þessi mannlega mynd búi yfir mik-
illi hlýju sem menn áttu ekki von á frá Steven Spielberg sem, eins og allir
vita, hefur sérhæft sig í ævintýramyndum á borð við myndirnar um Indiana
Jones og E.T. The Color Purple er saga ungrar fátækrar svertingjastúlku
sem nýtur lítilla mannréttinda í lífinu. Fyrst er það faðir hennar sem beitir
hana kynferðislegu ofbeldi og síðan tekur maður hennar við, ber hana til
hlýðni og gerir að þræl sínum. En hjarta þessarar ungu konu er stórt og
þrátt fyrir eymdarlífið dreymir hana betri tíð með börnum sínum, sem tek-
in hafa verið frá henni, og systur sinni en eiginmaður hennar skildi þær
að. Það er í raun öllum hollt að sjá The Color Purple og enginn hverfur
ósnortinn frá henni.
THE BERLIN AFFAIR ★★
Leikstjóri: Liiiana Cavani.
Aðalleikarar: Gudrun Landgrebe og Mio Takaki.
Sýningartími: 103 mín. - Útgefandi: Tefli hf.
Tvær konur, einn maður, hinn klassíski þríhyrningur hefur oftar en talið
verður verið þema kvikmyndar og í The Berlin Affair er einn slikur. Þessi
þríhyrningur er samt öðruvísi. Við höfum eiginkonu hátt setts embættis-
manns nasista í Berlín er nemur myndlist. Einnig er í myndlistarnámi ung
japönsk stúlka og áður en við vitum af eru þær komnar í heitt ástarsam-
band. Eiginkonan getur samt ekki slitið sig frá eiginmarininum sem er
skiljanlega ekkert um þetta ástarsamband gefið. Hlutirnir taka á sig breytta
mynd þegar hann fellur einnig fyrir þeirri japönsku og er nú komin upp
staða sem ekki getur endað vel. The Berlin Affair er að mörgu leyti hag-
lega gerð kvikmynd. Helsti galli er persónusköpunin. Það er helst að
Gudrun Landgrebe nái tökum á hlutverki eiginkonunnar. Helsti kostur
myndarinnar er að hún er öðruvísi.
FORTRESS ★ ★
Leikstjóri: Arch Nicholson.
Aðalleikarar: Rachel Ward, Sean Gorlick og Rebecca Rigg.
Sýningartími: 86 mín. - Útgefandi: Steinar hf.
Fortress er áströlsk kvikmynd og ástæðan fyrir því að breska leikkonan
Rachel Ward fer með aðalhlutverkið í myndinni er sjálfsagt sú að hún er
gift einum þekktasta leikara Ástrala, Bryan Brown. Leikur hún kennslu-
konu í litlum sveitaskóla. Henni og börnunum er rænt og þau lokuð inni
í helli. Ræningjarnir, sem eru grimuklæddir, ætla sér lausnarfé fyrir ráns-
fenginn. Áður en það kemur til tekst hópnum að flýja, en beint í fangið á
ræningjunum og komast krakkarnir að því að ræningjarnir drepa ef þeim
sýnist svo. Hópurinn nær að flýja aftur og hefst nú eltingarleikur upp á líf
og dauða í óbyggðum Ástralíu og hinir friðsömu krakkar læra fljótt að til
að lifa þessa martröð af verður að svara í sömu mynt. Söguþráðurinn er
nokkuð ósennilegur og mörg atriði þola ekki nána skoðun, en kvikmynda-
taka og leikur er allur fyrsta flokks og gera þessa mynd að ágætri afþreyingu.
PIRATES ★ ★
Leikstjóri: Roman Polanski.
Aðalleikarar: Walter Matthau, Cris Campion og Charlotte Lewis.
Sýningartími: 106 min.-Útgefandi: Háskólabíó.
Það hafði lengi verið draumur Romans Polanski að gera sjóræningja-
mynd. Draumur hans hefur ræst en því miður hefurekki tekist sem best
til þrátt fyrirgóða leikara og mikið fjármagn, fyrst og fremst kannski vegna
þess að ntyndir á borð við Pirates gera sig varla lengur. Þetta voru vinsæl-
ar myndir þegar Douglas Fairbanks og Errol Flynn voru upp á sitt besta
og fólk þekkti ekki geimferðamyndir. Pirates er samt ekki alslæm. Það má
hafa gaman af Walter Matthau í hlutverki Red sjóræningjaforingja. Sögu-
þráðurinner ekki upp á marga fiska, ósköp líkur því sem maðurátti að
venjast í gömlu sjóræningjamyndunum, gamansemin heldur meiri að vísu.
Enn eru það Spánverjarnir sem eru óvinir sjóræningjanna. Pirates er í heild
kannski misheppnuð stórmynd og engin rós i hnappagat Romans Polanski
en stendur vel fyrir því að vera sæmileg afþreyingarmynd.
30. TBL VIKAN 23