Vikan - 31.08.1939, Page 5

Nr. 35, 1939
VIK AN
5
„Allt á scsma stað11
Fimm mínútur á verkstæði
að er ekki nema aldarf jórðungur síð-
an, að hestarnir voru aðal-samgöngu-
tæki okkar Islendinga.
Nú eru tímarnir breyttir á þessu sviði
sem öðrum. Tækni síðustu áratuga hefir
gripið um sig hér, eins og annars staðar
í heiminum, og þá ekki sízt á sviði sam-
göngumálanna. í stað hestsins, sem áður
flutti fólk og farangur, eftir troðnum
brautum, milli byggðarlaganna, er komn-
ar stórar bifreiðar, sem æða um malbik-
uð stræti og rudda vegi.
I dag getum við naumast hugsað okk-
ur lífið án bíla. Það er víst, að ef bílun-
um yrði allt í einu kippt af okkur og við
mættum til með að taka upp samgöngu-
og flutningaaðferðir feðra okkar, þá mundi
mörgum finnast lífið erfitt og gleði-
snautt.
Þegar æskulýður Reykjavíkur ýtti
Thomsens-bílnum upp Túngötu brekkuna,
agndofa yfir tækni þeirra stóru manna í
útlandinu, þá hefir menn ekki órað fyrir
því, að bílarnir ættu eftir að fá svo rík
ítök í þjóðinni, sem raun er á orðin. Senni-
lega eru margir af þeim mönnum, sem í
æsku styttu sér stundir við að tosa hinu
hrörlega farartæki, Thomsens-bílnum, upp
Túngötuna, orðnir bílaeigendur, sem aka
um landið þvert og endilangt í krafti hinna
aflmiklu og gangvissu véla.
Á gatnamótum Laugavegar og Hring-
brautar, stendur stór steinbygging með
stórum auglýsingum á gaflinum. Þetta er
bifreiðaverkstæði Egils Vilhjálmssonar,
eitt stærsta og fulíkomnasta vinnuverk-
stæði þessa lands. Fyrirtæki þetta stofn-
aði Egill Vilhjálmsson árið 1930. Fyrstu
tvö árin starfaði fyrirtækið í húsi við
Grettisgötu 16—18, en húsakynni þau, er
það hafði þar til umráða, urðu brátt of lítil.
Var þá ráðizt í að reisa húsið nr. 118 við
Laugaveg og flytja þangað.
I byrjun hafði fýrirtækið aðeins þrjá
menn á verkstæði, en nú eru þar starf-
Egils Vilhjálmssonar.
andi í kring um 50 manns, og má það telj-
ast góð aukning á ekki lengri tíma.
Jafnframt því sem Egill Vilhjálmsson
hefir aukið starfsmannalið sitt hefir hann
og bætt húsakynni sín mjög. I gamla hús-
inu hefir hann góða sölubúð og mjög rúm-
góðar geymslur fyrir allskonar varahluti,
sem bílum tilheyra. Þar er og viðgerðar-
verkstæði, er annast allar viðgerðir bifvéla,
hverju nafni sem nefnast. Á lofti hússins
er málningarvinnustofa. Þar er fram-
kvæmd allskonar bifreiðamálun. Einnig er
á loftinu bílageymsla, sem sérstaklega er
notuð að vetrinum, og rúmar hún um 50
bíla. í stórri viðbótarbyggingu, sem full-
gerð var í fyrra haust, hefir verið inn-
réttað mjög vistlegt trésmíðaverkstæði.
Þar vinnur nú fjöldi ungra og hraustra
manna að yfirbyggingum bíla. Einnig eru
þar framkvæmdar hvers konar viðgerðir
á bifreiðahúsum, sem oft koma þangað
illa útleikin. Það er voðalegt að sjá,
hvernig veröldin getur skeytt skapi sínu
á litlum bíl.
Egill Vilhjálmsson byrjaði á yfirbygg-
ingum bíla árið 1932 og hefir nú verið
byggt yfir 126 bíla á verkstæði hans, allt
frá vörubílum og upp í 26 manna fólks-
Egill Vilhjálmsson.
flutningavagna. Hér hefir verið byggt yfir
alla strætisvagna Reykjavíkur, nema 6 þá
fyrstu, sem Stefán Einarsson byggði yfir.
Nú sem stendur er verið að ljúka við nýja
byggingu. Er það smurningshús, þar sem
bílar verða smurðir, með þeim hætti, að
þeir eru teknir upp á loftknúðar lyftur.
Þetta er til mikils léttis, þegar þess er
gætt, að áður þurftu menn alltaf að skríða
undir bílana, þegar smurning var fram-
kvæmd.
Á vetri komanda er í ráði að hita allt
verkstæðið upp með gufuhituðu lofti. Telur
Egill, að það muni verða ódýrara, en venju-
leg miðstöð. Reglusemi og snyrtileg um-
gengni er það, sem maður veitir hér fyrst
athygli. Hver verkstæðismaður hefir sér-
stakan fataskáp og verkfæraskáp. Verk-
stæðið stendur eflaust mörgum erlendum
fyrirtækjum, af sama tagi, á sporði, hvað
nýtízku áhöld og aðbúð alla snertir.
Oft koma 20—30 bílar á dag inn á verk-
stæði Egils Vilhjálmssonar, brotnir og
bramlaðir á ýmsan hátt. En fara út aftur
sem nýir.
„Allt á sama stað“ — er kjörorð þessa
fyrirtækis — og hér er allt á sama stað!
R. J.
Flugvél, bílar og hópur starfsmanna á vcrkstæöi Egils Vilhjálmssonar.