Vikan - 18.04.1991, Blaðsíða 22

Stærðfræöi
Tölvunarfræði
Eðlisfræði
Efnafræði
Líffræði
Jarð- og landfræði
Próf í raunvísindadeild er
nefnt B.S. og þar eins og í
félagsvísindadeild er krafist 90
eininga. Ýmsar reglur gilda um
námsframvindu í deildinni
sem ekki verður farið í hér að
öðru leyti en því að miðað er
við að nám til B.S. prófs taki
þrjú ár og hámarkstími er fjög-
ur ár. Einnig er hægt að taka
svonefnt M.S. próf við deildina
en þá eru teknar 60 einingar til
viðbótar. Það nám byggist
einkum á vfsindalegum vinnu-
brögöum; eigin rannsóknum
og ritgerð. Engar sérstakar
kröfur eru gerðar um það af
hvaða braut stúdent braut-
skráist en bent er á að æski-
legt sé að nemendur komi úr
eðlisfræði- eða náttúrufræði-
deildum menntaskólanna þar
sem námið byggist að mestu
leyti á raungreinum eins og
nafn deildarinnar bendir til.
Deildin hefur skrifstofu í húsi
sem nefnt er VR II og er að
Hjarðarhaga 2-6 í Reykjavík.
Skráðir stúdentar f raunvís-
indadeild eru 477 og þar af
309 karlar.
VERKFRÆÐIDEILD
Verkfræðinámið byggist á
þremur undirstöðugreinum
verkfræði:
Byggingarverkfræði
Rafmagnsverkfræði
Vélaverkfræði
Gert er ráð fyrir að nám í
verkfræðideild taki fjögur ár og
sé í heild 120 námseiningar
minnst. Þá getur deildin skipu-
lagt framhaldsnám til M.S.
prófs. Það er framhaldsnám
eftir B.S. próf og miðast við
eins árs nám eða 30 einingar.
Engar sérkröfur eru gerðar
um stúdentspróf en verkfræði-
deild getur sett skilyrði um
nám eða einkunnir í einstök-
um greinum eða greinaflokk-
um. Bent er á að námið bygg-
ist mest á raungreinum og því
sé æskilegt að stúdentar út-
skrifist úr eðlisfræðideildum
menntaskólanna eða jafngild-
um námsbrautum. Þeir sem
útskrifast úr verkfræðideild
öðlast sjálfkrafa rétt til að kalla
sig verkfræðinga þar sem
deildin hefur hlotið viðurkenn-
ingu félags verkfræðinga á ís-
landi (VFÍ). Skrifstofa verk-
fræðideildar er á annarri hæð í
húsinu VR II við Hjarðarhaga.
Skráðir stúdentar eru 283, þar
af eru 252 karlar.
TANNLÆKNADEILD
Engin tilefni eru til upptalning-
ar námsgreina í tannlækna-
deild þar sem tannlækningar
skipa öndvegið. Það tekur sex
ár að verða tannlæknir, það er
að segja fyrir þann sem kom-
inn er inn og stenst prófkröfur.
Eins og mörgum er kunnugt er
mikil samkeppni í þessari
deild vegna hins takmarkaða
fjölda stúdenta sem tækifæri
fær til að stunda nám eftir
fyrsta misseri. (desember eru
haldin svokölluð samkeppn-
ispróf þar sem sjö efstu
stúdentarnir öðlast rétt til
áframhaldandi setu í deildinni.
Engar kröfur um stúdentspróf
úr ákveðinni deild eru gerðar
en bent á að námsefnið er að
langmestu leyti á erlendum
málum. Auk þess kemur undir-
stöðuþekking í uppeldis- og
sálarfræði, félagsfræði og
skyldum greinum að notum
vegna náinna samskipta tann-
lækna við fólk. Stúdentar við
tannlæknadeild bjóða vinnu
sína fyrir brot af verðskrá
tannlækna og hefur umtals-
verður fjöldi fólks nýtt sér þá
þjónustu. Skrifstofa tann-
læknadeildar er í húsinu
Læknagarði, Vatnsmýrarvegi
16 í Reykjavík. í tannlækna-
deild er alls skráður 71 stúdent
og eru karlar í naumum meiri-
hluta eða 39.
HEIMSPEKIDEILD
í heimspekideild eru kenndar
eftirtaldar greinar:
Heimspeki
íslenska
Sagnfræði
Erlend tungumál
Almenn bókmenntafræði
Almenn málvísindi
(flokknum erlend tungumál
eru latína, gríska, danska,
norska, sænska, finnska,
enska, þýska, franska,
spænska og rússneska. Til að
Ijúka fullgildu B.A. prófi úr
heimspekideild þarf að Ijúka
90 einingum og er miðað við
að fullt ársnám sé 30 einingar.
Hægt er að velja um eina eða
tvær greinar innan sama B.A.
prófs. Ef teknar eru tvær er
lokið 60 einingum í annarri en
30 einingum í hinni. Þannig er
hægt að útskrifast með eitt
próf úr tveimur greinum. Um
þessa samtvinnun greina gilda
ákveðnar reglur sem ekki
verða útlistaðar hér. Miðað er
við að námið takið þrjú ár þó
að töluvert sé um að því sé
dreift á lengri tíma en engin
tímamörk gilda um nám f
deildinni. Að loknu B.A. námi
er hægt að fara í framhalds-
nám í nokkrum greinanna og
Ijúka svokölluðu M.A. námi
sem er 60 einingar. í heim-
spekideild er, auk þess sem
nefnt hefur verið, kennd ís-
lenska fyrir erlenda stúdenta
og tekur það nám tvö eða þrjú
ár. Aðeins eru gerðar kröfur
um almennt stúdentspróf.
Gerðar eru þær kröfur til nem-
enda að þeir hafi gott vald á
íslensku og bent er á að mikið
af fræðibókum, sem notaðar
eru, er á erlendum málum,
einkum ensku. Skrifstofa
heimspekideildar er í húsinu
Árnagarði á Háskólalóðinni.
Skráðir stúdentar eru hvorki
meira né minna en 1105 enda
er deildin sú fjölmennasta inn-
an Háskólans. Konur eru í
meirihluta eða 726.
LAGADEILD
Lögfræðináminu er skipt í þrjá
hluta og Ijúka má því á fimm
árum þó sumir hafi notað
lengri tíma. Við lagadeildina er
starfrækt Lagastofnun sem oft
er leitað til meö stærri deilumál
þar sem hún er vísindaleg
rannsóknastofnun auk þess
að vera kennslustofnun fyrir
kandidata og stúdenta sem
vinna að fræðilegum verkefn-
um. Auk þess veitir Orator,
félag laganema, ókeypis lög-
fræðiaðstoð og sitja þar
stúdentar sjálfir fyrir svörum. Á
fyrsta ári laganáms sitja nem-
endurtíma í almennri lögfræði
og má ef til vill segja að þar
skiljist hismið frá kjarnanum.
Farið er vítt og breitt um lög-
fræðina eins og nafnið bendir
til og er námskeiðið kjörið til aö
nemendur geti kynnst lög-
fræðinni og áttað sig á því um
hvað fagið, og ekki síður
námið, snýst. Ekki eru gerðar
kröfur um stúdentspróf af
sérstakri námsbraut en nauð-
synlegt er að nemendur hafi
gott vald á íslensku máli. Þá
getur rektor Háskólans veitt
undanþágu frá kröfum um
stúdentspróf hafi umsækjandi
lokið prófi eða prófum sem tal-
in eru næg undirstaða til
námsins. Skrifstofa lagadeild-
ar er í húsinu Lögbergi á
Háskólalóðinni. Skráðir stúd-
entar voru í október 1990 alls
439 og er kynjaskipting nokk-
uð jöfn en karlar þó fleiri eða
222.
LÆKNADEILD
Innan læknadeildar eru
kenndar eftirtaldar greinar:
Læknisfræði
Lyfjafræði
Hjúkrunarfræði
Sjúkraþjálfun
Til að Ijúka embættisprófi í
læknisfræði þarf að Ijúka sex
námsárum og auk þess einu til
viðbótar eftir lokapróf, til kand-
idatsprófs í lyfjafræði fimm
árum, B.S. próf í hjúkrunar-
fræði tekur fjögur ár og B.S.
próf í sjúkraþjálfun einnig.
Flestir sem Ijúka læknisprófi
fara síðan utan til að afla sér
menntunar (sérlækningum og
er algengur tími til þess á bil-
inu fjögur til sex ár. Allir sem
lokið hafa stúdentsprófi hafa
rétt til innritunar í læknisfræði.
Skrifstofa læknadeildar er í
Læknagarði við Vatnsmýrar-
veg. Skráðir stúdentar í
læknisfræði í október 1990
voru 335 og þar af 177 karlar.
Aðgang að lyfjafræðinámi
hafa þeir sem lokið hafa stúd-
entsprófi úr stærðfræði-, nátt-
úrufræði- eða eðlisfræðideild-
um framhaldsskóla. Skrifstofa
lyfjafræði er á fyrstu hæð aðal-
byggingar Háskólans. Skráðir
stúdentar í október 1990 voru
86, þar af 56 konur. Stúdents-
próf er inntökuskilyrði í hjúkr-
unarfræði og er æskilegt að
nemendur hafi þekkingu á
raungreinum, svo sem efna-
fræði, líffræði og eðlisfræði,
auk enskukunnáttu. Skrifstofa
námsbrautar í hjúkrunarfræði
er í Eirbergi við Eiríksgötu í
Reykjavík. Skráðir stúdentar
voru í haust 330, þar af 326
konur. (sjúkraþjálfun er krafist
stúdentsprófs og hefur val úr
hópi umsækjenda miðast við
einkunnir á stúdentsprófi auk
þess sem tekið hefur verið tillit
til náms á háskólastigi og
starfsreynslu. Skrifstofa og
kennslustofur námsbrautar í
sjúkraþjálfun eru á Vitastíg 8 í
Reykjavík. Skráðir voru 100
stúdentar í haust, þar af 79
konur.
GUÐFRÆÐIDEILD
Til að Ijúka B.A. prófi i guð-
fræði þarf að Ijúka 90 eining-
um en miðað er við að ársnám
sé 30 einingar. Nám til
embættisprófs í guðfræði tek-
ur fimm ár og er þá krafist
minnst 150 eininga. Hámarks-
tími til B.A. prófs er fimm ár en
átta ár til embættisprófs en
deildarfundur getur þó veitt
undanþágu frá þessum tíma-
mörkum þegar aðstæður krefj-
ast þess. Til að öðlast rétt til
náms í guðfræðideild nægir
stúdentspróf. Námið byggist
mjög á vinnu með texta og er
22 VIKAN 8. TBL. 1991