Vikan - 24.01.1994, Page 58

Áhrif Úranusar eiga það til að gera þig eirðarlausa(n) og
opna augu þín fyrir nýjum draumsýnum sem þú vilt láta rætast
sem fyrst. Pú átt því líklega oft eftir að skipta um skoðun næsta
vor og fram eftir sumri. Pað gæti orsakað óstöðugeika í hjóna-
bandinu. Maki þinn finnur ekki aðeins fyrir óöryggi af þessum
sökum heldur áttu sjálf(ur) eftir að furða þig á því á stundum
hvað hlaupið hefur í þig. Þetta nýja frjálsræði er ekki slæmt í
sjálfu sér en sýndu makanum þó hæfilega tillitssemi.
ÁSTAMÁL ÓBUNDINNA:
Á síðasta ári snérusl helstu óskir þínar um starfsframa, jafnvel
svo að tækifæri til skemmtilegs einkalífs urðu stundum að sitja
á hakanum. Árið 1994 verður allt öðruvísi að þessu leyti. Press-
an er að mestu liðin hjá og stafsvettvangurinn er að komast í
sléttan jarðveg. Um leið opnast þér nokkrir nýir og spennandi
möguleikar í einkalífinu þótt þú getir átt erfitt með að gera
upp við þig hvað þú vilt fá út úr samskiptum þínum við fólk.
Úranus og Neptúnus hafa mest áhrif á þessar viðhorfsbreyt-
ingar sem lýsa sér í því að þú metur persónulegt frjálsræði
meira en áður. Ef þú ert ekki nú þegar í föstu ástarsambandi er
ekki líklegt að þú hefjir langvarandi samband á árinu, a.m.k.
ekki fyrr en um mitt haustið. Spennandi möguleikar á rómant-
ískum samböndum eru að vísu fyrir hendi en vegna hugsanlegs
tilfinningaágreinings er ekki líklegt að þau verið langvinn,
enda bendir ýmislegt til að til þeirra verði stofnað í þröngum
hópum, t.d. samkvæmum eða vinnustaðamótum.
Á rómantíska sviðinu verður þér mest ágengt í samskiplum
við fólk sem hugsar svipað og þú.
TÆKIFÆRI OG FREISTINGAR:
Ef þú getur tamið þér vissa aðlögunarhæfni mun þér farnast
vel á ýmsum sviðum árið 1994. Á meðan Úranus og Neplúnus
halda áfram að vera helstu áhrifavaldar merkis þíns (megnið af
árinu) má búast við að hugsanir þínar verði töluvert á reiki.
Ósveigjanleiki í skoðunum og tregða lil breytinga gætu gert
þér erfitt fyrir í mikilvægum málum. Lykilorðið er því: Aðlög-
unarhæfni.
56VIKAN