Vikan - 24.01.1994, Qupperneq 61

Fjölskyldumálin koma sterklega inn í myndina í vor og fram
á mitt sumar þegar heimilið verður ofarlega í huga þínum.
Seinni hluta sumars getur verið að þér fari að leiðast aðgerðar-
leysið heimafyrir og eirðarleysis verður vart. Samskipti við fólk
er það sem þú sækist eftir auk framfara í eigin málum. Þetta
gæti orsakað einu verulegu árekstrana milli þín og maka þíns
þegar sumri fer að halla en þér er óhætt að standa á meiningu
þinni því að í september verður andlegur uppskerutími þinn
þetta árið.
Vertu samt ekki of hlutlaus á heimilinu.
ÁSTAMÁL ÓBUNDINNA:
Líklega á rómantíkin ekki eftir að ónáða þig rnikið á árinu
vegna þess að þú átt eftir að vera upptekin(n) af öðrum hugð-
armálum. Fast ástarsamband, sem þegar hefur verið stofnað til,
á alla möguleika á því að dafna vel þar sem hinn aðilinn fær
mörg tækifæri til að vera stoltur af þér. Ef þú ert hins vegar
ekki í föstu sambandi gætirðu sjálf(ur) spillt fyrir langtímasam-
böndum í febrúar og desember. Þá hefur Mars áhrif á skapgerð
þína og þér gæti hætt við að verða uppstökk(ur).
í janúar, maí, júní til ágúst og síðla hausts er líklegt að fólk
laðist að þér. Tækifærin verða því á vegi þínum þótl ekki sé lík-
legt að sambandið verði langvinnt nema þá helst ef stofnað er
til þess síðla sumars. Það gæti virst hagsýnt í byrjun en þótt
rómantíkin sé ekki með í leiknum í upphafi gæti hún þróast
hægt og bítandi síðar.
Að öðru leyti er líklegt að margt áhugavert fólk verði á vegi
þínum, aðallega varðandi áhugamál þín eða starfsvettvang.
Þetta verður því ekki mjög rómantískt ár en því áhugaverðara
að öðru leyti, sérstaklega hvað varðar persónulega framþróun
þína.
TÆKIFÆRI OG FREISTINGAR:
Helstu tækifæri þín út á við árið 1994 verða líklega helst al-
menns eðlis eða tengd starfi þínu. Tækifærin innan þíns eigin
huga verða sennilega enn meira spennandi og gætu jafnvel skil-
að árangri þegar frá líður.
VIKAN 59