Vikan - 03.09.1998, Blaðsíða 54

...þröngu íslandsbolunum
sem fást í bókabúð Máls og
menningar. Þeir eru bara til
í barnastærðum og fara vel á
íslenskum stúlkum. Gleymdu
þessum XL auglýsingabolum
sem gera konur ólögulegar.
...Evu Maríu í sjónvarpinu í vetur.
Hún verður með hálftíma langan þátt á föstu-
dagskvöldum frá og með 9. október á RÚV. Ef
að líkum lætur verður þátturinn léttur, ferskur
og óvenjulegur eins og Evu Maríu er lagið að
gera dagskrárefni. Vonandi verður Skari skrípó
(Oskar Jónasson, eiginmaður hennar) einhvern
tímann með uppákomu í þættinum. Eva og
Skari eru engu lík.
...leikhúsferð í Iðnó.
Leikhúslífið við tjörnina er alveg
frábært þessa dagana. Guðrún Ás-
mundsdóttir og Erlingur Gíslason
fara á kostum í Rommí. Þegar
saman fara svona falleg húsakynni
og jafn góður leikur og hjá leikur-
unum í Rommí er það pottþétt
ávísun á góða kvöldstund.
...frönsku brauðunum í La
Baquette á Tryggvagötu 14.
Þessi franska brauðstofa býður
upp á smjördeigsbökur með
fyllingu. Hægt er að borða á
staðnum, eða koma þar við t.d.
í hádeginu á laugardögum og
taka með sér brauð með
frönsku pate og franskri
svínapylsu eða sælkerabrauð
með myntusúkkulaði. Þannig
getur maður töfrað fram dýr-
indis hádegisverð sem ætti
helst að standa yfir langt fram
á dag.
■jTosnarrtr^."
M
- UKi