Vikan - 20.12.1998, Qupperneq 9

Halla Linker hefur verið nokkuð áberandi að undanförnu þar sem hún lét nýlega af starfi sínu sem
ræðismaður íslendinga í Los Angeles og svo er hún nýgift í annað sinn og ástfangin upp fyrir
haus. Halla hefur lifað ævintýralegu lífi eins og kom fram í bók hennar „Uppgjör konu“ sem hún
skrifaði fyrir liðlega áratug. Halla var ásamt bandarískum eiginmanni sínum Hal Linker þjóðþekkt
persóna í Bandaríkjunum. Vikulegir ferðaþættir þeirra í bandaríska sjónvarpinu voru gífurlega
vinsælir og Halla varð þekkt andlit í Los Angeles eins og leikaraandlitin. Og ekki spillti fýrir að
Halla er gædd norrænni fegurð, Ijóshærð og bláeygð með dillandi hlátur og mikla útgeislun. Hún
féll vel inn í hóp fallega og fræga fólksins í draumaborginni.
Með Hal manni sínum kynntist hún borgarstjóra Los
Angeles, þekktustu leikurunum, auðkýfingum og
þjóðhöfðingjum. Sem ræðismenn íslands héldu þau
hjónin margar veislur og bjuggu í rúm tuttugu ár í glæsilegu
fjögur hundruð og tuttugu fermetra húsi með sundlaug og æv-
intýralegu útsýni yfir borgina. Einbýlishúsið höfðu þau byggt
utan um mikinn fjölda listmuna sem þau höfðu safnað við
sjónvarpsþáttagerð á ferð um heiminn og þar þurfti að vera
hátt til lofts og vítt til veggja. Stór uppstoppuð dýr, dýrahaus-
ar og gripir þurftu að komast vel fyrir og svo þurfti að vera
pláss fyrir mannmargar veislur. Það var því átak þegar Halla
minnkaði við sig og losaði sig við stærsta hlutann af öllum
dýrgripunum. En Halla hefur aldrei verið háð veraldlegum
munurn og þegar hún varð ekkja seldi hún húsið sem var
allt of stórt fyrir hana eina, en sonur þeirra Davíð var
fluttur til Seattle þar sem hann starfar sem læknir. Og
íbúðin sem Halla keypti inni í borginni á Wilshire Bou-
levard er glæsileg eins og allt sem Halla kemur nálægt.
Og Halla lítur aldrei til baka, hún horfir bara fram á við
og í dag er hún alsæl í minni en mun þægilegri húsakynn-
um.
Eitt af því sem Halla var að sækjast eftir í nýju húsnæði var ör-
yggi sem alltaf þarf að huga að hér í Los Angeles. Og nýja húsið
uppfyllti allar þær kröfur. Húsið er hátt fjölbýlishús þar sem for-
dyrið er stórt og glæsilegt og líkist helst fínu hóteli. Þar eru stórir
hægindastólar og borð, speglar þekja veggina og öryggisvörður
sem hleypir engum inn í lyfturnar nema vera búinn að hringja
upp í íbúðina fyrst og kynna viðkomandi. Einnig eru nokkrir
skjáir þar sem vörðurinn fylgist með ferðum allra á göngunum.
Og þegar okkur var að garði tók bílavörður bílinn við útidyrnar
og lagði honum. Að heimsókninni lokinni hringdi Halla niður og
bað um að bíllinn okkar yrði sóttur. Og auðvitað var einn af dyra-
vörðunum töskurnar okkar. Hvílíkur lúxus. En öryggið er mikil-
vægast finnst Höllu og auðvitað hefur hún ekkert á móti þægind-
unum. Hér var allt sem hún þurfti og hér leið henni strax vel.
„Þegar ég sá íbúðina fyrst fannst mér nafnið mitt skrifað á hvern
einasta vegg og mér fannst íbúðin passa alveg ótrúlega vel fyrir
alla okkar muni sem ég flutti með mér úr húsinu,“ segir Halla
þegar við tyllum okkur hjá henni í stofuna.
Stóra einbýlishúsið hafði verið byggt í austurlenskum stíl og er
það sá stíll sem Halla hrífst mest af.
„Ég hef alltaf verið hrifnust af austurlenskum stfl og hef haldið
mér við hann síðan um 1955. Ég hreifst svo af Austurlöndum. Ég
gæti vel hugsað mér að búa í Japan. Ég hef aldrei verið mikið fyr-
ir nútímahönnun og þoli ekki nútímahúsgögn. Finnst þau yfirleitt
köld og karakterlaus. Mér finnst eitthvað svo vinalegt við þennan
austurlenska stfl. Hjá mér eru að vísu stólar og sófar bara klass-
ískir, hvorki mjög nýtískulegir né gamaldags. En hér er samt allt
samtengt því á sófunum er til dæmis mynstrið í damaskáklæðinu
kínverskir drekar.“
Fyrri eigendur íbúðarinnar höfðu greinilega verið á sömu
bylgjulengd og Halla. Veggfóðrið á veggjunum er til dæmis með
austurlenskum myndum.
„Veggfóðrið á veggjunum var hér þegar ég kom hingað. Þetta
fellur alveg saman eins og púsluspil. Ég hefði ekki þorað að
kaupa þetta veggfóður. Ég hefði verið svo hrædd um að það færi
of yfirþyrmandi. En það er mjög fallegt. Svo var mér sagt að
veggfóðrið og uppsetningin hefði kostað um tíu þúsund dollara
og það hefði ég aldrei borgað fyrir veggfóður,“ segir Halla sposk
á svip.
„Svo höfðu fyrri eigendur látið smíða barskáp sem er með svört-
um hurðum sem falla alveg að svörtu austurlensku skápunum og
öðrum hlutum í þeim stfl.“
Ibúðin er á sjöundu hæð í húsinu og frábært útsýni yfir borgina á
milli stórhúsanna í götunni. Hvert sem litið er má sjá verðmæta
listmuni sem hún hefur safnað í gegnum árin.
9