Menntamál - 01.03.1944, Síða 14

60
MENNTAMÁli
Gætu bílar þessir þannig breytt strjálbýli í þéttbýli á
sviðum félags- og skólamála, eins og mjólkurbílarnir hafa
þegar breytt mörgum sveitum í þéttbýli á sviði verzlunar-
mála. Mundi þá sennilega margur una sér betur í sveit-
inni.
Skólabíllinn lækkar skólakostnaðinn.
Kostnaðarhliðin hefur vaxið mörgum í augum að óat-
huguðu máli, en strax við nánari aðgæzlu er augljóst, að
skólabíllinn mundi víða lækka skólakostnaðinn til muna.
Mundu þó margir vafalaust vilja greiða eitthvað fyrir
þau þægindi, sem væru að bílnum. En hitt væri þó bezt,
ef tvennt ynnist í senn, þægindi og sparnaður.
Fyrst er þá að líta á stofnkostnaðinn. Gert er ráð fyrir
í fræðslulögunum (frá 1936), að öllum börnum verði
kennt í föstum skólum, með það fyrir augum, að þau hafi
þá meira gagn af kennslunni: Er heimavistarskólum ætlað
að taka við af farskólum strjálbýlisins. En aftöku far-
skólanna hefur verið frestað, og liggja til þess ýmsar
ástæður, þar á meðal byggingarkostnaður heimavistar-
skólanna. En hann er miklu meiri en við byggingu heim-
angönguskóla. Á þeim stöðum, þar sem heimangönguskóli
með bíl gæti komið í stað heimavistarskóla, sparaðist í
stofnkostnaði munurinn á verði bílsins og húsnæði heima-
vistarinnar. Er það vafalaust drjúgur skildingur.*
Á þeim stöðum, þar sem bíll gæti sameinað tvo eða
* Ákveðnar upphæðir verða Iiér ekki nefndar vegna breytilegs
verðlags þessara tíma og mismunandi liúsakynna skólanna, en sé
miðað við heimavistarskóla eins og þá, sem teikningar og kostnaðar-
áætlanir eru af í bæklingi Helga Elíassonar „Um heimavistarskóla"
(gefinn út af fræðslumálastjórninni 1940), bls. 25—34, má gera ráð
fyrir, að tilsvarandi heimangönguskóli með bíl verði um helmingi
ódýrari.