Menntamál - 01.02.1945, Blaðsíða 4

30
MENNTAMÁL
nemendum Hessianhæðaskólans farið í háskóla, og staðið
sig þar vel, og má það teljast nægilegur prófsteinn á
kennsluna í skólanum, — enda halda kennararnir sam-
bandi við þá nemendur, sem farnir eru lengra út á mennta-
brautina og fræðast af þeim um það, hvar skórinn helzt
kreppi að.:!:
Landsvæðið, sem skólinn stendur á, hefur allt verið
skógi vaxið, en skógurinn hefur verið ruddur á allstórri
spildu. Þessu landnemastarfi er þó á engan hátt lokið og
vinna kennarar og nemendur að því sameiginlega eftir
því sem tími og kraftar leyfa. Jafnframt vinna þeir í
sameiningu að því að nytja það land, sem búið er að rySSja,
og ræktun er hafin á, og venur þetta börnin og ungling-
ana við margs háttar störf og ýmis konar skylduvinnu,
sem krefst árvekni og ábyrgðar. Er þetta að sjálfsögðu
einn merkasti þátturinn í uppeldisstarfi skólans. Skólinn
stendur allmikið út af fyrir sig, þótt ekki sé ýkja langt til
næstu þorpa. Svæði skólans er utan í hlíð, sem veit mót
suðri, og sléttlendi nokkurt fyrir neðan. Er þetta gott
ræktunarland, og auk þess mjög vel fallið til þess að iðka
þar alls konar íþróttir, bæði sumar og vetur.
II.
Húsakynni eru af skornum skammti, og svo hefur verið
frá stofnun skólans. Vegna vinsælda hans, raknar þó ár-
lega úr fyrir honum í þessum efnum. Er byggt eftir
* Fræðslukerfið í Ameríku er þannig, að ungmennin innritast
í háskóla á því ári, sem þau verða 18 ára, ef allt liefur farið með
felldu, og er þá á undan gengið nám í gagnfræðaskóla (Junior High
Scliool og Senior I-Iigh School) frá 12 ára aldri. Háskólaárin eru fjög-
ur, áður en próf er tekið, og verður nemandinn að taka almenn fræði
hin fyrri tvö árin, en sérgreinar eftir áhuga og kjöri á lífsstarfi síðari
árin. Eftir B.A. eða B.S.-próf að þessum fjórum árum liðnum, tekur
við sérhæfara háskólanám, ef fólk ætlar sér að taka hærra háskóla-
próf eða nema ýtarlegar á kjörsviði sínu.