Menntamál - 01.02.1976, Side 21

óreglulega og slitrótta söngkennslu veturinn 1968-
9. Vorið 1968 er viðhorf nemenda í skóla 1 já-
kvæðara til söngs en viðhorf nemenda í skólum
2-4; en viðhorf til annarra greina svipað. Ári seinna
er viðhorf nemenda í skóla 1 til söngs neikvæðara en
í skólum 2-4 og er sú skýring sennileg að óregluleg
og slitrótt kennsla í söng hafi skapað neikvætt
viðhorf til greinarinnar (nemendur missa sam-
hengið). í reikningi, lestri og skrift er viðhorf nem-
enda í skóla 1 nokkru jákvæðara en í skólum 2^1.
(Um mismunandi frávik einstakra skóla frá „meðal-
vinsældamynstri", sjá myndir 10A, B og C).
Viðhorf 1. og 2. bekkja til lesturs bóka, leiks,
tónlistar og sjónvarps í skólum 1 og 2-\ mælt 1968
er mjög svipað.
5. eining: „Sambærilegir“ skólar
Niðurstöðurnar fram að þessu sýna að mis-
munandi jákvætt eða neikvætt viðhorf nemenda
(eða öllu heldur frávik frá meðalviðhorfi) til ýmissa
námsgreina innan sama skóla eða milli skóla
virðast helst ákvarðast af bekkjunum, þ.e. þeim
kennslustíl sem ríkir í bekkjunum (kennaraáhrif),
svo og sennilega „gæðaflokkun“ bekkjanna.
Sú staðreynd að árgangar mismunandi skóla
höfðu mismunandi viðhorf til ýmissa námsgreina
gat einnig stafað af því að mismunandi fjöldi af
námsgreinum var kenndur í hinum ýmsu skólum.
Til þess að útiloka þessa breytu og til þess að ganga
úr skugga um hvort mismunandi stundatöflur hjá
sömu aldursílokkum í mismunandi skólum gætu
haft áhrif á viðhorf nemenda til námsgreina var
valin sú leið að finna fyllilega sambærilega nem-
endahópa í mismunandi skólum hvað stundatöflur,
þ.e. fjölda kennslugreina, varðar.
Myndir 5A, 5B og 5C sýna viðhorf TB og SB
í skólum 2 og 3 hjá 2. bekkjum 1968 (með sömu
stundatöfiu) til ýmissa námsgreina. Þrátt fyrir
sambærilega stundatöflu fyrir hópana í báðum
skólum er munur á viðhorfi hópanna til flestra
greina og má túlka þennan mun eins og áður
á þann hátt að kennslustíll (kennaraáhrif) og
bekkjarandi (,,bekkjargæði“) hafi hér áhrif. Alla
vega er myndin flókin og margs konar áhrifa
gætir. Það er því engan veginn hægt að segja að
sambærilegir skólar (hvað stundatöflu snertir) sýni
sömu mynd hvað snertir hlutfallsleg viðhorf nem-
enda til hinna ýmsu námsgreina, þ.e. að samræm-
ing á stundarskránni einni sé sterkasta aflið sem
ráði ferðinni. Breytingar á viðhorfum þessara hópa
MENNTAMÁL
21