Menntamál - 01.02.1976, Síða 23

(TB og SB) sem 3. bekkir 1969 og 4. bekkir 1970
sjást á myndum 5B og 5C, og gætir þá töluverðra
breytinga, t.d. á viðhorfi TB í skóla 3 til lesturs
1969 og 1970 samanborið við 1968, svo og á við-
horfi TB í skóla 2 til leikfími 1969 samanborið við
1968. Athyglisvert er að athuga viðhorf nemenda
í skóla 3 árið 1970 (mynd 5C) til teikningar miðað
við nemendur í skóla 2. Bæði TB og SB í skóla 3
hafa jákvæðari afstöðu til teikningar en sambæri-
legir hópar í skóla 2. Vafalítið má m.a. skýra þennan
viðhorfamun með mismunandi kennsluháttum í
þessari grein í báðum skólunum.
6. eining: Samanburður á bekkjagæðum úr öllum
skólum
Á myndum 6A, 6B og 6C getur að líta 2.-4. bekki
árin 1968-70 frá öllum skólum aðskilda eftir gæð-
um, þ.e. allir „lökustu“ bekkir saman, allir „bestu“
bekkir og allir TB. Einkar athyglisvert er að við-
horf nemenda til hinna ýmsu námsgreina og tóm-
stundaþátta á fyrsta skólaári virðast vera mjög
svipuð, óháð því hvort þeir eru í „góðurn" eða
„lökum“ bekkjum (6A). Árin 1969 og 1970 virðist
þó marktækur munur á viðhorfum nemenda í
„lakari“ bekkjum borið saman við nemendur í
„betri“ bekkjum svo og TB. Áhugi á lestri hjá
„löku“ bekkjunum helst 1969 og einnig 1970
(hækkar jafnvel þar) en dvínar hjá hinum. Sömu
sögu er að segja um reikning. Þetta bendir til þess,
að nemendur í löku bekkjunum hafi enn áhuga á
að lesa (eða læra að lesa) og reikna; greinar sem
þeir eru vafalaust „veikir“ í, meðan betri bekk-
irnir eru að glata áhuganum á þessum greinum,
m.a. vegna þess að þeir eru læsir og kunna að reikna
og sjá ekki lengur mikinn tilgang í því að þjálfa
sig í leikniatriðum sem þeir þegar ráða við.
Ef munur á viðhorfum einstakra „gæðahópa"
nemenda til námsgreina er borinn saman við þær
myndir sem sýndar voru að framan kemur í ljós
að áhrif „bekkjagæða“ á viðhorf til námsgreina
virðast samt minni en ýmis önnur áhrif, svo sem
skólastíll, kennslustíll (kennaraáhrif) o.fl.
7. eining: Viðhorf til tónmenntar
Vegna aukinnar kennslu í tónmennt í TB var
áhugavert að vita hver viðhorf nemenda í TB yrðu
til þessarar greinar borið saman við viðhorf nem-
enda í SB. Mynd 7 sýnir viðhorf TB og SB 1.-3.
bekkja og 2.^4. bekkja frá 1968-70. Þar sést greini-
lega að þreföldun tónmenntartímanna hefur ekki
menntamAl
23