Menntamál - 01.02.1976, Page 36

sýnd í töfluformi (tafla 4) neikvœðu atkvœóin hjá
piltum og stúlkum gagnvart reikningi, lestri, skrift,
söng og leikfimi yfir alla skólana samanlagt fyrir
allar mælingar (í prósentum), bæði yngri og eldri
aldurshópinn. Þessar 5 greinar voru valdar því að
þær voru einu greinarnar sem voru kenndar bæði
skólaárin í öllum viðkomandi skólum.
Á töflunni sést vel, hvernig jákvætt viðhorf nem-
enda til námsgreinanna minnkar frá 8-10 ára aldri.
Við nánari athugun kemur í ljós að nær und-
antekningarlaust er neikvætt viðhorf til reikn-
ings hærra en til lesturs. Viðhorf til skriftar er nei-
kvæðara hjá 8 ára en hjá 9 ára nemendum. 8 ára
nemendur eiga e.t.v. enn í erfiðleikum við að ná
valdi á fínhreyfingum, 9 ára nemendur hafa e.t.v.
náð þessu valdi og það virðist veita þeim ánægju.
Við 10 ára aldur virðast nemendur sjá minni til-
gang í því að gera skriftaræfingar og neikvætt
viðhorf til þessarar greinar vex. Á töflu 4 sést
einnig mjög greinilega að mjög Iítill munur er á
M2 og M3 hjá eldri hópnum í flestum greinum, bæði
hjá piltum og stúlkum. Viðhorf nemenda til þessara
greina virðist því hafa náð þar vissum stöðugleika
(í 4. bekk) sem lítið breytist á því skólaári.
Ef viðhorf nemenda til söngs og leikfimi eru
athuguð kemur eftirfarandi í ljós: Breytingar á
jákvæðu viðhorfí nemenda til leikfimi yfir árin eru
sáralitlar og enginn marktækur munur eftir kynferði
þar.
í söng tvöfalda stúlkur neikvæðu atkvæðin milli
M1 og M3 (í báðum aldurshópunum), frá ca. 10%
til 20%. Piltar byrja í 25% (þ.e. fjórðungur pilta
hefur ekki gaman af söng) og þessi tala vex í 58%
við 10 ára aldur. Undantekningarlaust er mjög
marktækur munur (við 1% markið1) eftir kynferði
á viðhorfi til söngs við allar mælingar á báðum
hópunum.
Eins og áður segir eru greinarnar sem njóta með-
alvinsælda hefðbundnu leiknigreinanna (sjá myndir
A og B). Til þeirra mætti einnig telja átthagafræði
að öðru jöfnu. Vinsælu greinarnar eru hins vegar
greinilega leikfimi, handavinna og einnig teikning;
sú síðastnefnda a.m.k. hjá stúlkum (sjá mynd B).
Flest nei-atkvæði fær söngurinn (myndir A og B)
og einnig „að hlusta á tónlist“. Þó er áberandi að
þar sem neikvætt viðhorf nemenda til hins síðar-
nefnda jókst hjá 2. og 3. bekk (mynd A) minnkar
neikvætt viðhorf í 4. bekk (sjá M2 á mynd B).
l. Einstakar greinar: nánar um mun eftir kynferði
Að framan hefur almennt verið rætt um reglu-
bundinn mun á viðhorfum pilta og stúlkna til
námsgreina. Skal nú kannað nánar hvernig þessum
mun er háttað m.t.t. einstakra greina.
Þessi munur er stundum mjög lítill, stundum
töluverður og stundum mjög mikill. Á máli töl-
fræðinnar er þá greint á milli hvort munur er
marktækur eða ekki.
Hér verður munurinn á viðhorfi eftir kynferði til
námsgreina greindur í 3 flokka: ekki marktækur
(e.m.), marktækur (m.) og mjög marktækur (m.m.).
(m) þýðir marktæki við 5% mörkin, en (m.m.)
marktæki við 1% mörkin. í öllum tilfellum er verið
að fjalla um heildarhópinn, þ.e. stúlkur og pilta í
öllum skólunum samanlagt.
Við fyrstu mælingu (Ml) á yngri aldurshópnum
vorið 1969 (Mynd A) er hvergi um marktækan
mun að ræða eftir kynferði (e.m.) nema í söng (m.
m. ) og „horfa á sjónvarp" (m.m.). Við M2 er mark-
tækur munur í reikningi (m.) og söng (m.m.). Við
M3 er marktækur munur í skrift (m.m.) og söng
(m.m.).
Við fyrstu mælingu (Ml) á eldri aldurshópnum
vorið 1969 (Mynd B) er marktækur munur eftir
kynferði í reikningi og átthagafræði (m.) og söng
(m.m.), einnig í „að horfa á sjónvarp“, en hér
eru það stúlkur sem hafa neikvæðara viðhorf en
piltar.
1 mælingum M2 og M3 er marktækur munur
eftir kynferði í Jlestum greinum (ýmist m.m. eða m.).
Einu greinarnar þar sem enginn marktækur munur
er á er leikfimi, handavinna, landafræði og saga.
Einnig er enginn marktækur munur á „að hlusta
á tónlist“. Munurinn í viðhorfi til sjónvarps er
marktækur (m.m.) við þriðju mælingu (M3).
Mjög athyglisverður er munurinn eftir kynferði i
fjórum greinum, sem kenndar eru í 4. bekk: staf-
setningu, kvæðum, kristinfræði og teikningu (bæði
við M2 og M3). Hér er munurinn mjög mark-
tækur (m.m.) í öllum tilvikum. Áberandi er
hve viðhorf pilta til þessara greina er miklu nei-
kvæðara en viðhorf stúlkna og sérstaklega hve
óvinsæl grein stafsetningin er hjá piltum (helmingur
pilta er á móti henni). Er stafsetning næst-óvinsæl-
ust eftir söngnum. Stafsetningarkennslan virðist því
ekki tilgangsrík í augum pilta og hjá stúlkum er
hún einnig tiltölulega óvinsæl.
1 Marktæki við 1% mörkin þýðir, að minna en 1% líkur eru á því, að mismunur sé tilkominn af tilviljun.
MENNTAMÁL
36