Heima er bezt - 01.09.1960, Qupperneq 15

Hann stökk upp í rúmið.
„Svo þú heldur það,“ sagði Singer. „Komdu, Mason."
Drengurinn í næsta svefnklefa var á gægjum og kom nú inn.
Þeir réðust á Philip og reyndu að svipta ábreiðunni ofan af hon-
um, en hann hélt fast á móti.
„Því látið þið mig ekki í friði?" hrópaði hann upp.
Singer greip bursta og lamdi með honum á fingur Philips, sem
voru krepptir um ábreiðuna. Philip hljóðaði.
„Því sýnirðu okkur ekki á þér fótinn með góðu?“
„Ég geri það ekki.“
1 örvilnun sinni kreppti Philip hnefann og sló drenginn, sem
var að kvelja hann, en hann stóð illa að vígi og drengurinn náði
taki á handleggnum og fór að snúa upp á hann.
„ó, æ, gerðu þetta ekki,“ sagði Philip. „Þú ætlar að brjóta á
mér handlegginn."
„Vertu þá stilltur og komdu með fótinn."
Philip gaf frá sér gráthljóð og tók andköf. Drengurinn herti
á takinu. Kvölin var óþolandi.“
Úr bókinni Fjötrar
102. LÍF OG LEIKUR
skáldrit eftir W. Somerset Maugham. „ W. Somerset
Maugham er mikill meistari í skáldsagnagerð, og „Líf og
leikur“ er eitt af glæsilegustu og vandgerðustu meistara-
verkum hans. . . .“ — Helgi Sæmundsson. „ . . . Það er
skemmzt af því að segja, að „Líf og leikur“ er gott og
merkilegt skáldrit. . . .“ — Kristmann Guðmundsson.
„Þessi saga er ein sú bezta, sem ég hef lesið eftir hinn
ágæta höfund W. Somerset Maugham. . . .“ — Guðmund-
ur Daníelsson. Bókin er 277 bls. Skúli Bjarkan þýddi.
í lausasölu kr. 60.00 Til áskr. HEB aðeins kr. 40.00
„ . . . Ég hef veitt því eftirtekt, að ef einhver spyr eftir mér
í síma, þegar ég er ekki við, og gerir mér boð um að síma til
sín strax og ég komi heim, og að það sé áríðandi, þá er það
jafnan meira áríðandi fyrir hann en mig. Þegar ætlunin er að
gefa mér gjöf eða gera mér einhvern greiða, geta flestir haldið
óþolinmæði sinni í skefjum. Því var það, að þegar ég kom heim
til mín, rétt mátulega til að fá mér vínglas og vindling og lesa
blaðið mitt, áður en ég færi að búa mig fyrir kvöldverðinn, og
fékk þau skilaboð hjá ungfrú Fellows, sem er húsráðandi minn,
að herra Alroy Kear bæði mig að hringja til sín tafarlaust, þá
hugsaði ég með mér, að óhætt væri að láta óskir hans sem vind
um eyrun þjóta."
Úr bókinni Lif og leikur
A. SVONA VAR ÞAÐ
eftir W. Somerset Maugham. Leikvangur þessa verks
hins aldna, brezka skáldjöfurs er ítalia á miðöldum. Þar
er allt laust í reipunum, svipað og hér á Sturlungaöld,
orð og eiðar rofnir, bál og brandur geisar um héruð, en
glæsilegir, siðvana höfðingjar koma og hverfa eins og
vígahnettir. Sagan lýsir viðskiptum þessara manna, ást-
um þeirra og ævintýrum, baráttu og brögðum. Margt
óvænt gerist í henni eins og í öðrum sögum höfundar, og
ekki bregzt honum nú, fremur en venjulega, bogalistin
mikla, að láta lesandanum aldrei leiðast, enda munu nú
örfáir skáldsagnahöfundar í heimi eiga slíkum vinsældum
og frægð að fagna og Somerset Maugham. Brynjólfur
Sveinsson, menntaskólakennari, íslenzkaði. — Bókin er
281 bls.
í lausasölu kr. 35.00 Til áskr. HEB aðeins kr. 25.00
„ . . . Piero og þjónarnir biðu eftir honum. Strætin voru myrk
og mannauð. Dauðir menn, flestir allsnaktir, lágu enn hér og
þar, og í gálgunum á aðaltorginu dingluðtt lík af ránsmönnum,
öðrum til viðvörunar. Þeir héldu til gistihússins. Rammger hurð-
in var harðlæst, og slagbröndum skotið fyrir hana. Er þeir börðu
að dyrum, voru þeir athugaðir gegnum útsýnisaugað, og þeim
síðan hleypt inn. Nóttin var nöpur og hráslagaleg, og Machia-
velli naut þess að orna sér í eldhúsinu. Sumir gestanna sátu enn
að drykkju, aðrir léku að teningum eða spiluðu, nokkrir voru
sofnaðir á bekkjum og á gólfinu. Gestgjafinn breiddi ábreiðu á
gólfið í hjónaherberginu. Áttu Machiavelli og Piero að hafast
við á henni um nóttina. Var hún rétt fyrir framan rúmið, en í
því voru kona hans og börn og þegar x fasta svefni. Þeir lögðust
niður hlið við hlið og sveipuðu um sig kápunum. Piero var
uppgefinn eftir reiðina frá Fano um morguninn, æsandi viðburði
dagsins og biðina í höllinni og féll þegar í svefn. En Machiavelli
var varnað að sofa. Hann hafði um of mikið að hugsa."
Úr bókinni Svona var það
(9. MARY ANNE
eftir Daphne du Maurier. Hin heimsfræga skáldkona og
höfundur ,,Rebekku“ segir hér ævisögu langa-langömmu
sinnar í skáldsögu formi.
í lausasölu kr. 115.00 Til áskr. HEB aðeins kr. 80.00
„ . . . Á fimmtudag lagði Wardle ofursti til „að frú Mary Anne
Clarke yrði kölluð fyrir.“
Samkvæmt þessu var skipað, að hún skyldi kölluð inn, en
nokkur töf varð, áður en hún kæmi. Þegar hún kom, virtist hún
leið, og menn kölluðu: „Stól, stól,“ þar eð þingmenn gerðu ráð
fyrir, að hún væri ekki frísk. Hún settist þó ekki, heldur horfði
til bekkja stjórnarflokksins og sagði: „Ég var freklega móðguð,
er ég kom hingað. Það var ómögulegt að komast út úr vagninum
fyrir fólki, sem lagðist á gluggana, og sendimaðurinn gat ekki
verndað mig. Ég sendi eftir forseta deildarinnar til að fylgja mér
inn í forsalinn. Af því stafar töfin.“
Úr bókinni Mary Anne
31. FÓRN SNILLINGSINS
eftir A. J. Cronin. Ein af nýjustu skáldsögum hins heims-
fræga læknis og rithöfundar.
í lausasölu kr. 140.00 Til áskr. HEB aðeins kr. 100.00
„ . . . Ekkert var jafn unaðslegt, hugsaði Stefán, sem að sjá
aftur fornar og kærar stöðvar, þá sýnast þær fegurri en nokkru
sinni fyrr. Hann lá endilangur á bakka Chillinghamsvatnsins með
veiðistöngina hjá sér og horfði á Davíð, sem var að veiðum.
Himinninn var heiður og blár, villt blóm hvarvetna og trén í
fullum skrúða. Dúfumar flögruðu um og í fjarska heyrði hann
klakið í hænunum.
Hann gat naumast áttað sig á því, að hann hefði verið heima
í fjórtán daga. Frá þeirri stundu, að Davíð og Karólína höfðu
tekið á móti honum á Halborough-stöðinni, hafði allt leikið í
lyndi. Já, það var unaðslegt að vera heima, ef þau aðeins hættu
því að umgangast hann eins og hinn glataða son, sem nú hafði
hlotið fyrirgefningu, en þurfti umfram allt á nærgætni að halda.
Morgunverðurinn var færður honum í rúmið, unz hann and-
mæld því, og kvaðst heldur vilja klæða sig og drekka kaffið með
Davíð. Uppáhaldsréttir hans á hverjum degi og allt á fleygiferð
i eldhúsinu. Sífelldar skemmtiferðir og öllum óskum hans full-
nægt. Það duldist ekki, að öll fjölskyldan var einhuga í þessu
björgunarstarfi sínu.“
Úr bókinni Fórn snillingsins
24. SUMARÁST (BONJOUR TRISTESSE)
eftir Frangoise Sagan. Fyrsta bók skáldkonunnar, sem
gerði hana á svipstundu heimsfræga, þá aðeins 18 ára
gamla. Bókin hlaut gagnrýnendaverðlaunin frönsku,
Grand prix de critiques, og hefur selzt í milljónum ein-
taka víðs vegar um heim síðan hún kom út.
Bókin er 160 bls. Guðni Guðmundsson, menntaskóla-
kennari, þýddi.
I lausasölu kr. 78.00 Til áskr. HEB aðeins kr. 55.00
Heima er bezt 339