Æskan - 01.05.1970, Blaðsíða 30

Mótssetning: 27. júlí kl. 2 e.h. (mánudagur).
Mótsslit: 3. ág. kl. 4 e.h. (mánudagur, frídagur
verzlunarmanna.)
Dagskrá verður mjög fjölbreytt, alls konar
keppni og þrautir fyrir flokka og einstaklinga.
Þá má og minna á þrautabrautina — markar-
ferðir — gönguferðir og svo bílferðirnar, sem
Ferðaskrifstofa mótsins sér um. (Ekki innifalið
í mótsgjaldi).
Ein bílferðin verður sennilega I Stykkishólm,
og væntanlega út í eyjarnar. Önnur á sögustaði
í nágrenninu, og síðan ein fyrir þá, sem sjá vilja
helli.
Auðvitað verða varðeldar — messur — næt-
urleikur, og þar að auki verða ýmiss konar verk-
efni og skemmtanir fyrir dróttskáta, en þeirra
dagskrá verður að miklu leyti út af fyrir sig.
Heimsóknardagurinn er 2. ágúst, sem er
sunnudagur í verzlunarmannahelginni. Þá eru
ylfingar og Ijósálfar sérstaklega velkomin, svo
og foreldrar skátanna og aðrir gestir. Þann dag
verður stærsti varðeldurinn, ef að líkum lætur.
Uiilcgusvunta
Tjaldbúðir:
Tjaldborgin verður í 5 hlutum:
1. Tjaldbúðir drengja — Gula sléttan
2. Tjaldbúðir stúlkna — Bláfjöll
3. Tjaldbúðir Dróttskáta — Græna hlið
4. Fjölskyldutjaldbúðir — Rauða torg
5. Foringjabúðir.
Nafngiftir í tjaldbúðum félaganna skulu minna
á lit.
Fjölskyldubúðirnar verða ,,opnar“ (fólk getur
komið og farið að vild) allan tímann meðan pláss
er. Sérstök matvöruverzlun verður fyrir fjöl-
skyldubúðirnar.
Framkvæmdastjóri Landsmótsins er Sigurjón
Mýrdal, Landnemum R. Hann er til viðtals á
skrifstofu B. í. S. Tómasarhaga 31 á mánudög-
um milli kl. 1700 og 1900, og á miðvikudögum
milli kl. 1700 og 1800.
Eitt af því sem skáiar ættu að hugsa fyrir, er skáta-útilegu-
svunta. Það er nauðsynlegt til þess að hlífa skátabúningnum, og
svo er m,'ög leiðinlegt að vera við matreiðslu og að bera fram
mat annað hvort í einkennisbúningnum eða síðbuxum, peysu eða
úlpu og hafa ekki svuntu, sem eingöngu er ætluð matargerðinni.
Hver flokkur getur haft sína sérstöku gerð með nafni og við-
eigandi myndum, gæti það orðið skemmtileg flokkakeppni að
útbúa sniðugar svuntur handa flokknum fyrir Landsmótið. Það
íylgja hér með riss af kokksvuntu og meðlimasvuntu, flokkurinn
ætti þá að eiga kokksvuntuna, sem um leið gæti verið geymsla
íyrir sleif, ausu, þeytara, upptakara, tappatogara o. íl. sem
flokkurinn þarf að eiga af ýmsum eldhúsáhöldum. Brjóstvasinn
er góður íyrir litla uppskriftabók í útilegumatreiðslu. Þá er lítill
vasi fyrir tappatogara, snúra úr honum er fest á tölu, og í hinum
endanum er fastur upptakari, sem smellt er á svuntuna. (Þá týnist
hvorki upptakari né tappatogari. Gætu einnig verið lítil skæri,
því nú eru sjaldan notaðir tappatogarar). Athugið, að svuntan er
engu slður nauðsynleg fyrir skátadrengi, og gaman væri ef þeir
gætu saumað sína svuntu sjálfir engu síður en stúlkurnar.
v.
298