Æskan - 01.12.1992, Blaðsíða 5

í girðingu. Öðrum gengur betur að
feta sig áfram í lífsgöngunni. En
öll þurfum við á leiðarljósi að
halda. Við verðum að geta byggt
lífið á öruggum grundvelli, fundið
réttan veg til að ganga á.
Þú manst kannski eftir orðum
sem ákveðin persóna sagði eitt
sinn:
„Ég er vegurinn, sannleikurinn
og lífið.“
Hann sagði líka:
„Ég er Ijós heimsins. Sá sem
fylgir mér mun ekki ganga í myrkri
heldur hafa Ijós lífsins."
Þessi persóna er Jesús Kristur.
Hann er bæði vegurinn okkar og
Ijósið sem vísar okkur veginn. Þeg-
ar við fylgjum stjörnunni hans
Jesú, Ijósinu sem hann gefur okk-
ur, getum við örugg fetað götuna
fram á veg.
Núna í desember erum við að
undirbúa okkur fyrir jólin. Tíminn
þangað til er kallaður aðventa eða
jólafasta. Orðið „aðventa" er latína
og þýðir „koma.“ Hver er það sem
er að koma? Jólasveinninn? Eða
pakkarnir? Eða jólaskrautið? Nei.
Allt þetta er ekki annað en venjur
sem við höfum mótað okkur á jól-
unum til þess að halda upp á þann
atburð sem mestu máli skiptir. Og
það er auðvitað koma Frelsarans.
Jesús Kristur fæddist í heiminn
fyrir nærri tvö þúsund árum. Við
höldum jól til að minna okkur á að
Jesús kom í heiminn til þess að
lýsa mönnunum og sýna þeim
veginn heim til Guðs. Þess vegna
fögnum við á jólunum og gleðj-
umst yfir því að við getum ratað
réttan veg í lífinu með hjálp Jesú.
Og við hlökkum til jólanna af því
að þá höldum við upp á komu Jesú
í heiminn. Biblían segir okkur líka
að Jesús muni koma aftur og þá
muni allt verða gott í heiminum og
enginn muni framar gráta eða vera
leiður.
Aðventan er þannig tími eftir-
væntingar og tilhlökkunar. Við skul-
um núna á þessari aðventu hugsa
um til hvers jólin eru haldin hátíðleg
í raun og veru. Undirbúum okkur
með því að hugsa um Jesú og
hvernig hann er Ijós heimsins, Ijós-
ið okkar. Munum líka að Jesús bað
okkur um að vera Ijós heimsins. Við
getum verið eins og Ijós fyrir aðra
með því að leyfa stjörnuskininu
hans Jesú að skína í gegnum okk-
urtil annarra í því sem við hugsum
og segjum og gerum. Þá verðum
við eins og endurskin af Ijósi Jesú.
Jesús Kristur vill vera stjarnan
þín, leiðarljósið í lífinu þínu. Hann
kom í heiminn til að vísa þér veg-
inn og hjálpa þér. Biddu hann um
að vera eins og skæra stjörnu inni
í þér núna á aðventunni, á jólun-
um og um alla framtíð. Fel Drottni
vegu þína og treystu honum, hann
mun vel fyrir sjá, því að hann er
„stjarnan mín og stjarnan þín,
stjarnan allra barna.“
Gleðileg stjörnujól!
María Ágústsdóttir.
æ s K a n s