Æskan - 01.12.1992, Page 18

svein og setningin mín var: „Þetta
var nú góður grautur!““
Gunnar: „Fyrsta reynslan mín á
sviði var í Álftamýrarskóla. Þar kom
ég fram átískusýningu og sýndi kjól!
Ég var líka rosalega spældur við
kennarann fyrir að láta mig gera
þetta. En fyrsta hlutverkið sem ég
fékk eftir að ég lauk námi frá Leik-
listarskólanum var í Dúfnaveislunni
í fyrra.“
Sigrún Edda: „Eftir að ég braut-
skráðist hljóp ég í skarðið fyrir Lilju
Þórisdóttur og lék Elskuna í Ofvit-
anum eftir Þórberg Þórðarson."
....ÞÁ ÁKVAÐ ÉG AÐ
VERÐA LEIKARI1
- Hefur ykkur alltaf langað til
að verða leikarar?
Sigrún Edda: „Nei, ég var ekki á-
kveðin í að verða leikari fyrr en ég
var orðin sautján ára. Ég ætlaði að
verða hjúkrunarfræðingur, meina-
tæknir, flugmaður og ég veit ekki
hvað og hvað... Það er svo margt
sem kemurtil greina í lífinu. Maður
þarf ekkert endilega að vera með ein-
hverja köllun alveg frá æsku til að
verða eitthvað."
Gunnar: „Ég fórtil Bandaríkjanna,
í leiklistarskóla í New York. En ég
var svo einmana þar og lítill í mér
að ég vildi bara komast aftur heim.
Þá fór ég í lyfjafræði sem mérfannst
enn þá verra svo að mér fór að líða
voðalega illa. Þá ákvað ég að verða
leikari. Frænka mín sagði reyndar
einu sinni að ég yrði leikari. Þá var ég
bara sjö ára og æ síðan hefur þetta
bergmálað í hausnum á mér þangað
til ég gerði upp hug minn.“
- Hvaða önnur hlutverk hafið
þið leikið?
Gunnar: „Ég lék í Dúfnaveislunni
og í Ljóni í síðbuxum þar sem ég
sagði ekki orð, stóð bara með bakka
og hélt svo á stultum! Síðar lék ég
Kínverjann í Ruglinu sem enginn
skildi hvort eð var svo að ég gat sagt
hvað sem var! En fyrsta stóra hlut-
verkið mitt er það sem ég er að leika
núna í Heima hjá_ömmu.“
Sigrún Edda: Ég hef leikið meira
og minni í ellefu ár. Ég hef tekið þátt
í barnaleikritum, lék m.a. Línu
langsokk í Þjóðleikhúsinu. Ég lék líka
í Gosa. Einnig lék ég stelpuna í
Rympu á Ruslahaugnum. Svo hef
ég leikið svolítið fyrir börn í Sjón-
varpinu."
Gunnar: „Já, ég lék einu sinni hjá
henni í sjónvarpinu!I Hún réð mig í
hlutverk, samdi það fyrir mig og sá
um allt...!“
Sigrún Edda: „Já, Bóla og Hnút-
ur!“
Gunnar: „Knútur!!“
Sigrún Edda: „Ég lék Bólu
tröllastelpu sem fékk svo frænda
sinn að norðan í heimsókn. Gunnar
lék hann, Hnút.“
Gunnar: „Knút!“
Sigrún Edda: „Hann hét Knútur
en Bóla hélt að hann héti Hnútur!"
LÍTILL KÍNVERJI
í OKKUR ÖLLUM
- Hvernig kom til að þið fóruð
að vinna saman þar?
Sigrún: „Ég þekkti hann og fannst
hann svo skemmtilegur að ég ákvað
að hafa hann með.“
Gunnar: „Já, við lékum saman í
Ruglinu og kynntumst þar. Ég þótti
svo ágætur Kínverji ... Það er lítill
Kínverji í okkur öllum og hann braust
út hjá mér í þessu hlutverki!! - Svo
var ég með þátt á Stöð 2 í sumar
sem hét Krakkavísa og var um íþrótt-
ir krakka á sumrin. Þar lék ég nú ekki
nema bara sjálfan mig!“
- Hvernig var unnið að þeim
þætti?
Gunnar: „Við vissum af leikja-
námskeiðum og fengum upplýsing-
ar hjá ÍTR (fþrótta- og tómstunda-
ráði Reykjavíkurborgar). Svo fórum
við á þá staði þar sem krakkar voru
að leika sér, skautasvell og þess
háttar. Við fórum líka í sumarbúðir,
í Vatnaskóg og á Úlfljótsvatn, Kjarn-
holt og Kerlingarfjöll. Það var mjög
gaman að gera þessa þætti.“
- Hver eru skemmtilegustu
hlutverk sem þið hafið ieikið?
Gunnar: „Ég held að Birkir Borka-
son sé skemmtilegasta hlutverkið
rnitt."
Sigrún Edda: „Það er mjög erfitt
að segja því að ég hef leikið mörg
skemmtileg hlutverk og á ekki auð-
velt með að gera upp á milli þeirra.
En Ronja er örugglega með þeim
skemmtilegri."
- Hvað er það skemmtilegasta
við hvert hlutverk?
Sigrún Edda: „Hlutverkin eru auð-
vitað mismunandi svo að það er ó-
líkt hvað manni finnst skemmtilegt
hverju sinni. Það sem mér finnst
skemmtilegast við Ronju er hvað
hún hugsar fallega og svo sakar ekki
að leikritið er gott og söngvarnir og
tónlistin eru frábær. Það eru marg-
ar skrýtnar og skemmtilegar persón-
ur í því og það er alltaf eitthvað nýtt
og spennandi að gerast."
Gunnar:...og allir í „stuði“! Mér
finnst Birkir ofsalega skemmtilegur.
Hann er svo mikill „töffari“!“
Sigrún Edda: „Þau eru svolítil villi-
dýr, alin upp í skógi hjá ræningjum.
Þau eru mjög frjáls."
Gunnar: „Ætli það sé ekki einmitt
það skemmtilegasta við þau hvað
þau eru frjáls?"
- Hvert er erfiðasta hlutverk
sem þið hafið leikið?
Sigrún: „Ég held að þau hlutverk,
sem maður leikur illa, séu erfiðust."
Gunnar: „Erfiðasta hlutverkið mitt
hingað til er það sem ég er að leika
í Heima hjá ömmu.“
LEIKLISTIN
FJÖLBREYTT OG
SKEMMTILEGT STARF
- Hvað finnst ykkur skemmti-
legast við að leika?
Sigrún Edda: „Það sem mér
finnst skemmtilegast er að maður
er alltaf að fást við nýja hluti og eng-
inn dagur er öðrum líkur. Starfinu
fylgir ákveðin spenna sem á oftast
vel við mig. Maður kynnist líka alls
konar skemmtilegu fólki í leiklistinni.
Svo blandast líka aðrar listgreinar
inn í, svo sem myndlist og dans ..."
Gunnar: „... og förðunarlist og
hársnyrtilist! Ekki má gleyma þeim.
Þetta er mjög fjölbreytt og skemmti-
legt og maður eignast marga góða
vini í starfinu. En það getur líka ver-
ið leiðinlegt þegar illa gengur."
- Hefur Ronja rænjngjadóttir
verið sýnd áður á íslandi?
Gunnar: „Nei, bara kvikmyndin
sem er allt öðruvísi. Kvikmynd get-
ur aldrei jafnast á við góða leiksýn-
ingu.“
Sigrún Edda: „Þetta leikrit er með
söngvum og dönsum, bíómyndin
var ekki þannig."
18 Æ S K A N