Æskan - 01.12.1994, Blaðsíða 13

KVIKMYNDALEIKARAR
ÞURFA AÐ VERA
ÞOLINMÓÐIR
- Reynir ekki mikið á þig í sýning-
unni?
„Jú, reyndar. Ég er mestallan tím-
ann á sviðinu og fer með mikinn
texta. En það er allt í lagi.
Mér finnst þetta mjög skemmti-
legt og vel samið leikrit.“
- Þú fórst með stórt hlutverk í Svo
á jörðu sem á himni. Hvort finnst þér
hafa verið erfiðara?
„Það er afskaplega ólíkt að leika í
kvikmynd og á sviði og erfitt að bera
það saman. Maður þarf að vera
mjög þolinmóður sem kvikmynda-
leikari því að oft er löng bið milli at-
riða. . u.i ■'■'..■■ - ■
Mér fannst einna erfiðast að
gráta. Ég yar,ð líka -a,4.vera með
mjög sterk gleraugu. Ég hafði reynd-
ar linsur til að vega upp á móti þeim
en sá samt mjög illa.
En það var mjög gaman að leika í
kvikmyndinni.“
- Fleiri í fjölskyldunni en þú hafa
leikið...
„Já, mamma mín, Helga Jóns-
dóttir, er leikkona. Bróðir minn, Árni
Egill, lék í myndinni, Það var
skræpa, sem var sýnd í sjónvarpinu
um jólin í fyrra. Hann er ellefu ára.
Eldri systkini mín léku í Óvitunum og
nokkrum öðrum leikritum."
- Hafa þau snúið sér að öðru?
„Já, þau eru tónlistarfólk. Jón
Ragnar er í framhaldsnámi í sellóleik
í Manchester. Margrét var í Sykur-
molunum. Hún er núna að útsetja
lög og vinna við upptöku á barna-
plötu - eins og í fyrra.“
ELLEFU SINNUM Á SÖNG-
LEIKINN VESALINGANA
- Áttu eitthvert draumahlutverk?
„Nei - en ég hef alltaf fengið
skemmtileg hlutverk. Og ég held að
maður geti gert öll hlutverk
skemmtileg."
- Á hvaða leikara hefur þú mest
i dálæti?
„Judie Foster hefur alltaf verið eft-
irlætisleikkona mín. Ég sá hana fyrst
í „Bugsy Malone". Það var mjög
fyndin og skemmtileg mynd.
Kannski langaði mig mest til að fá
að leika það hlutverk."
- Hvaða leikrit hefur þér þótt
skemmtilegast?
„Þau hafa mörg verið skemmtileg.
En kannski ég nefni Vesalingana.
Þegar ég var lítil fór ég ellefu sinnum
á þann söngleik. Ég kunni öll lögin í
honum!“
- En kvikmynd?
„Auk „Bugsy Malone" er það
Punktur, punktur, komma strik. Ég
hef séð hana enn oftar en Vesaling-
ana af því að ég á hana á mynd-
bandi.“
- Áttu gæludýr?
„Ég átti kött í fjögur eða fimm ár
en hann dó fyrir hálfu ári. Hann hét
Dúlli Ólsen.“
- Stefnir þú að því að starfa sem
leikkona?
„Mig langar að gera svo margt að
ég hef ekki tekið ákvörðun enn. En
það er eitt af því sem kemur til
greina."
NÍU ÁRA BALLETTNÁM
Gunnlaugur Egilsson er fimmtán
ára nemandi í 10. bekk Austurbæjar-
skóla. Hann kom fyrst fram í kvik-
myndinni Útlaganum eins árs að
aldri! Síðan hefur hann birst í litlum
hlutverkum í nokkrum kvikmyndum,
leikið í Söngvaseiði og einu sinni í
áramótaskaupi. En aðaláhugamál
hans er ballett...
Æ S K A N 13