Æskan - 01.12.1994, Qupperneq 46

vinsælli í Finnlandi en fólk gerir sér
grein fyrir hérlendis. Hann hefur verið
ofarlega á vinsældalistum þar. Og
Sykurmolarnir eru auðvitað þekkt nafn
víða um heim. En Unun er íslensk
hljómsveit fyrir íslendinga. Við semjum
og syngjum alla texta okkar á íslensku
og höfum ekki gert neinar áætlanir um
að flytja tónlist okkar til útlanda. Hins-
vegar hefur útgáfufyrirtæki okkar,
Smekkleysa, ýmis sambönd eriendis.
Öllum plötum hennar er t.a.m. dreift til
margra landa. Ef einhverjir sýna Unun
áhuga erlendis er það gott og bless-
að. Við tökum ákvörðun um framhald
á því ef um það verður að ræða.“
Það vakti athygli í sumar þegar
þessir kunnu pönk- og nýrokkarar
fengu Rúnar Júlíusson til liðs við sig í
laginu Ég mun aldrei gleym’enni.
Rúnar tilheyrir einkum bítlatímabilinu
(Hljómar) og hippaárunum (Trúbrot)
þó að hann hafi komið fram á ný í
rokkdeildinni með GCD fyrir nokkrum
árum...
„Þetta lag þurfti á kántrísöngvara
að halda. Það kom varla annar til
greina en Rúnar.“
- Sykurmolarnir byrjuðu sem ein-
hvers konar sprell. Margir álíta Unun
vera eitthvað af því tagi. En hver eru
framtíðaráformin?
„Við ætlum að starfa áfram sem al-
vöruhljómsveit. Óbó, trommarinn úr
Yukatan, er kominn til liðs við okkur.
Við munum fylgja nýju plötunni okkar
eftir með kröftugri spilamennsku. Og
við erum þegar farin að huga að næstu
plötu,“ segir Þór Eldon að lokum.
PLÖTUDÓmR
ÞÉTT NÝROKK
Titill: Allar kenningar heimsins og ögn
meira
Flytjandi: Hljómsveitin Maus
Maus kvartettinn sigraði í Músíktil-
raunum 1994. Allar kenningar... staðfest-
ir að hann var vel að sigrinum kominn.
Þeir félagar spila hávært, nýstárlegt og
þétt gítarrokk á millihraða. Keyrslan er
jöfn og ákveðin.
Við fyrstu hlustun renna lögin saman
í eitt. Það er fátt um hrífandi laglínur
eða áberandi einleikskafla. Fyrir bragð-
ið fær samstilltur hljóðfæraleikur að
njóta sín undir hröðum trommuhama-
gangi. Söngurinn er fremur lágvær í
samanburöi við hann.
Þegar lengur er hlustað öðlast lögin
vinalegt yfirbragð. Þau venjast vel,
einkum Drukknandi ég, Lost og þó sér-
staklega Ljósrof. Reyndar venst öll plat-
an svo vel að hún leitar oftar á fóninn en
aðrar nýjar plötur.
Einkunn: 6,5 (lög),
3.5 (textar),
9.5 (túlkun)
= 6,5
HEFÐBUNDIÐ
ÞUNGAROKK
Titill: My Own Wings
Flytjandi: Hljómsveitin Dos Pilas
Dos Pilas gæti verið hvaðan sem er af
meginlandi Evrópu. íslensk sérkenni
heyrast engin. Þess í stað bergmála
margir kunnuglegir kaflar frá breskum og
bandarískum þungarokkurum á plötunni.
Ozzy, Black Sabbath, allar Deep Purple
sveitirnar og hefðbundnir bandarískir
iðnaðarrokkarar koma upp í hugann.
Svona hljómuðu flestar þungarokksplöt-
ur áður en „þrassið", „spídið",
dauðarokkið og það allt endurnærði
þungarokkið í upphafi níunda áratugar-
ins.
Flest lögin eru róleg. Allt er slétt og
fellt.
Flutningur er pottþéttur, hljóðfæra-
leikur vitnar um fingrafimi og fag-
mennska einkennir hvern tón.
Ósannfærandi textar á ensku draga
plötuna niður. Textar á íslensku hefðu
hleypt auknu lífi í flutninginn.
Einkunn: 7,0 (lög),
2.5 (textar),
5.5 (túlkun)
= 5,0
4 6 Æ S K A N