Afturelding - 01.01.1981, Blaðsíða 6

MQOtMMB
VITNISBURÐUR
Alfons Hannesson
í Jóhannes 12:24 stendur: „Sannlega, sannlega
segi ég yður: Deyi ekki hveitikornið, sem fellur á
jörðina verður það einsamalt, en deyi það, ber það
mikinn ávöxt.“
Jesús var að tala um sjálfan sig, þegar hann sagði
þetta. Hann vissi, að ef hann gengi ekki alla leið, ef
hann fórnaði ekki lífi sínu, yrði vinna hans á jörð-
inni til einskis. Ef hann hefði gefist upp á miðri leið,
hefði enginn átt möguleika á að frelsast. Hefurðu
hugsað svolítið um, hversu Jesús er mikill vinur
þinn? Hefur nokkur vinur þinn (annar en Jesús)
fórnað lífi sínu fyrir þig? Fórnað lífi sínu svo að þú
mættir eiga hamingjusamara og betra líf? Fórnað
lífi sínu svo þú mættir eiga eilíft líf? Hversu mikils
virði er Jesús þér? Hversu mikils virði eru aðrir
bræður og systur þér?
í versi 25 og 26 í sama kafla Jóhannesar stendur:
„Sá sem elsl^ar líf sitt, glatar því, og sá sem hatar líf
sitt í þessum heimi, mun varðeita það til eilífs lífs.
Hver sem þjónar mér, fylgi mér eftir, og hvar sem ég
er, þar skal og þjónn minn vera. Hvern sem mér
þjónar, hann mun faðirinn heiðra.“
Sá sem elskar sjálfan sig, er ekki að sönnu frels-
aður, og þar sem hann vill ekki fórna sjálfum sér
fyrir Jesú, mun hann glata lífinu á dómsdegi.
Það er mjög líklegt, að sá sem elskar sjálfan sig
muni, þegar þrengingarnar koma, snúast gegn Jesú
Kristi til að bjarga sjálfum sérfrá smáþrengingum.
Það er auðvelt að lofa Guð saddur af öllu því,
sem við þurfum, en það eru ekki allir, sem geta
lofað Guð með tóman maga og engan pening. Þá
eru menn fljótir að snúa sér við og segja: „Það er
enginn Guð“. Á þennan hátt mun Guð hreinsa
kirkju sína. Margir munu afneita Jesú, en þökk sé
Guði fyrir, að margir munu styrkjast í trúnni og
vera fúsir til að fylgja Jesú.
„Hver sem þjónar mér, fylgi mér eftir!“ Fylgja
Jesú hvert? Fylgja honum í þjónustu fyrir guðsríkið.
Fylgja honum upp á Golgatakross. Jesús fórnaði lífi
sínu fyrir heiminn og okkur ber að fylgja honum og
vera fúsir að fórna okkur í dauðann fyrir guðsríkið.
Sa, sem er fús til að fórna lífi sínu fyrir guðsríkið,
mun varðveita það til eilífs lífs.
Á hverju sumri streyma hundruð manna á fót-
boltavellina um allt land til að horfa á tuttugu og
tvo menn elta bolta. Margir áhorfendanna eru
þátttakendur í huganum og í huganum skora þeir
mörkin, en er það nóg?
I Matteus 9:38 stendur: Uppskeran er mikil, en
verkamennirnir fáir.“ Síðasta sumar var uppskeran
svo sannarlega mikil (metár). En verkamennirnir
voru svo fáir, að það tókst ekki að koma nema
litlum hluta uppskerunnar í hús. Hins vegar voru
margir áhorfendur, sem í huga sér komu allri upp-
skerunni inn í hús, en var það nóg?
Jósúabók 1:9 segir: „Ver þú hughraustur og ör-
uggur! Lát eigi hugfallast og óttast eigi. Því að
Drottinn, Guð þinn er með þér í öllu, sem þú tekur
þér fyrir hendur.“
Margur er hræddur við að fara til ókunnugs
manns, sem hann sér á gangi, til að segja honum að
Jesús elski hann. Ég skammast mín fyrir að viður-
kenna, að ávallt er við gengum hús úr húsi síðasta
sumar, brást mér kjarkur. Hvað eftir annað var ég
að biðja Jesúm að hjálpa mér, og ekki brást, að
hann kom og hjálpaði mér í gegn.
Að boða Drottinn, boðskap þinn,
ávallt bregst mér kjarkurinn.
Við hússins dyr í drjúga stund,
ég leita Drottinn á þinn fund.
►