Afturelding - 01.04.1987, Page 5
mér, hvarf. Henni var lyft af
mér.
Daginn eftir var samkoma í
safnaðarheimilinu. Þar var
margt fólk, m.a. Pétur skipstjóri
á Stapafellinu. Willy talaði og
sagði frá því að á samkomunni
væri ungur maður, sem hefði
gefið Jesú líf sitt kvöldinu áður.
Svo benti hann á mig. Ég stóð
upp og um leið kom kraftur
Heilags anda yfir mig eins og
heitur straumur. Þarna vitnaði
ég í fyrsta sinn um Jesú.
Þriðjudaginn næsta fór ég með
tilhlökkun á samkomu, ég þráði
að fá meira frá Guði. Fólkið
hafði sagt mér að það væri meira
að fá — skím í Heilögum anda.
Ég hugsaði með mér hvort virki-
lega væri hægt að öðlast meira
en það sem ég hafði fengið að
reyna. Þegar ég kom inn á
samkomuna fann ég mjög
sterklega fyrir krafti Heilags
anda þar inni. Ég fann kraftinn
bæði innan í mér og utan um
mig. Þeir Willy og Garðar töl-
uðu um skím í Heilögum anda.
Að sérhver, sem tryði á Jesú,
gæti eignast þessa gjöf. í lok sam-
komunnar var beðið fyrir fólki
sem vildi skírast í Heilögum
anda. Willy lagði hönd sína á
mig og bað. Kraftur Guðs kom
yfir mig og ég fór að lofa Drottin
í nýjum tungum — tala tung-
um. Á þessari sömu samkomu
skírðist einnig vinur minn Svan-
ur Magnússon í Heilögum anda.
Það sem breyttist þó mest var
að Guð varð svo sérstaklega lif-
andi fyrir mér eftir þennan dag.
Ég fann að ég átti annað líf með
Drottni, Biblían varð lifandi
bók. Drottinn leiddi mig inn í
bænalíf. Mér fannst stórkostlegt
að tala við Drottin í nýjum tung-
um. Ég fór alltaf á fætur að
minnsta kosti klukkustund áður
en ég átti að mæta um borð til að
biðja. í gegnum þessar stundir
fann ég að Drottinn leiddi mig
inn í mjög náið samfélag við sig.
Hann gaf mér kraft á hverjum
degi, og ekki veitti af, því ég
hafði verið í miklu syndalífi.
Eftir að ég mætti Jesú Kristi
urðu algjör umskipti í lífi mínu.
Ég kúventi um 180 gráður! Það
fór ekki framhjá neinum í Olafs-
vík. Strákarnir á bátnum þekktu
mig ekki fyrir sama mann, breyt-
ingin var svo algjör. Margir
töldu þetta endast stutt, en það
heldur enn í dag.
Ég fór svo aftur til Færeyja
1972, giftist kristinni konu og
eigum við fjórar stúlkur í dag.
Við tilheyrum söfnuðinum í
Evangeliihúsinu og tökum þátt í
starfi hans.