Fróði - 01.12.1911, Blaðsíða 16

IÓ2
FRÓÐI.
framkomuna hennar ásamt framérskarandi feguiö. Hann at-
hugaöi hana eins og hann mundi hafa athugaö fagurt blóm eöa
fagran fugl- Þótt hún talaði h'tið við hann eöa aðra svo hann
heyrði, þá varð hann samt var við það, að hún mundi bœði ein-
ráð og um leið glaðlynd. Honum var það undrunarefni, hve
mikil áhrif hún hafði á séra Beret, En brátt fór hann að verða
var við djúpa og þróttmikla lyndiseinkunn og glæsilegar gáfur
undir léttúðarhamnum, og að hún hafði lesið meira en lítið af
góðum bókum.
Hítill viðburður varð til þess að opna augu hans enn betur
fyrir fegurð og yfirburðum hennar, og auka á kunningsskap
þeirra.
Séra Beret var batnað; hann var aftur kominn í kofa sinn
og tekinn til starfa; en Beverley kom í hús Roussillons eftir sem
áður á hverjum degi. Þótt ótrúlegt muni þykja, þá féll hann
húsfrú Roussillon ve) í geð, og hún ruddi sjaldan úr sér illyrðum
er hann var í nánd.
Jean komst líka brátt í kunningsskap við Beverley og hélst
hann með þeim, Auðvitað sýndi Alice honum að eins viðmót
það, er sannri gestrísni sómdi. Hún vissi naumast hvort henni
féll hann í geð eða ekki. En hann var svo afarfróður og veitti
henni vel af þeim nœgtabrunni sínum. Fróðleikshungrið í sálu
hennar fékk þar saðning eins og líkamlegt hungur í stórveislu.
Þetta frœðsiuhungur þrýsti henni fastar að honum
Eins og eðlilegt var, fóru J>au að umgangast hvert annað
hispurslaust og blátt áfram, og lærðu því betur að þekkja hvort
annað í raun og veru. Þar hitti Grikki Grikkja í nýrri Arcadiu.
Honum kom hún fyrir sjónir sem gyðjan Díana, sterk, einkenni-
leg, blátt áfram, jafnvel sem hreint náttúrubarn, en um leið
tárhrein og kvenleg í öllu. En henni virtist Beverley sein ímynd
mannlífsins sem hún þekti ekki. Hann kom til hennar úr Undra-
landinu fvrir handan skógana og slétturnar. I honum sá hún
stórborgir, lystigarða, skrautsali, leikhús; í einu orði: draum-
ríki sitt.
Pramhald