Muninn - 01.03.1965, Page 34

Margt hefur gerzt í íþróttamálum innan
skólans síðan um áramót. Fyrst ber að geta
ferð körfuknattleiksmanna suður á land og
heimsókn sunnan-manna. Blakmóti skólans
er lokið og handknattleiksmót hafið. Um
suðurferð körfuknattleiksmanna og heim-
sókn sunnanmanna verður getið síðar, og
segir fyrst af blakmótinu.
Blakmót skólans hófst strax að loknu jóla
fríi með keppni í fyrri riðli, en þar kepptu
3. og 4. bekkur. Sigurvegari varð 3. bekkur
E, og keppti hann í síðari riðli. Blakmótinu
lauk svo 20. febrúar með úrslitaleik milli 5.
bekkjar m. a liðs og 5. bekkjar s. a liðs.
Leiknum lauk með sigri máladeildar, og
eru þeir sigurvegarar í þessu móti, unnu alls
22 hrinur. í öðru sæti var stærðfræðideild 5.
bekkjar, vann alls 20 hrinur, og í þriðja
sæti 6. bekkur s. Lið 5. bekkjar m. var skip-
að þessum mönnum: í framlínu voru Kjart-
an Guðjónsson, Ingi Tómas Björnsson og
Arnar Einarsson, í afturlínu voru þeir Hösk
uldur Þráinsson, Karl Helgason og Gunn-
ar Gunnarsson. Um einstaka liðsmenn er
það að segja, að Kjartan er aðal-driffjöðrin.
Bæði vegna hæðar og krafta er erfitt að
verja bolta frá honum, og gerði hann flest
þau stig, sem gerð voru af því liði. Ingi
Tómas hefur gott vald yfir boltanum, og eru
flestar hans sendingar góðar og nákvæmar.
Liðið í heild er ekki nógu vel samstillt og
samspil og fyrirgjafir ekki nógu góðar, en
það myndi koma með æfingu. Mikill bar-
áttuvilji var meðal leikmanna, og eru þeir
því vel að sigrinum komnir. Lið 5. bekkjar
s. var samstilltara, og var oft skemmtilegt
samspil milli leikmanna. Sérstaklega vil ég
geta afturlínunnar, sem sýndi oft góð til-
þrif til varnar.
Nú stendur yfir handknattleiksmót, en
það er það skammt á veg komið, að ekki er
gott að spá fyrir um úrslit, þó er lið 5. bekkj
ar líklegast til sigurs.
Á næstunni hefst keppni í badminton.
Keppt verður um farandbikar, sem aðeins
einu sinni hefur verið keppt um áður, fær
sigurvegari nafn sittgrafið á bikarinn. Blak-
mót kvenna hefst einnig á næstunni, og
vildi ég benda væntanlegum keppnisliðum
á, að æft er í leikfimihúsinu á miðvikudög-
um frá 7,30 til 8,30 með tilsögn Páls Bergs-
sonar. B. G.
- Viðvatnið
(Framhald af bls. 97).
Stúlkan er þögnuð. Ég sé á svip hennar,
að hún hefur spurt mig að einhverju, en ég
tók ekki eftir, hvað það var.
,,Heyrðu,“ segi ég. „Segðu bara engum,
að ég hafi veitt silunginn."
Hún fellst á þetta og er nú búin að
gleyma, að hverju hún spurði, og mér er
aftur orðið sama, þótt hún sé stelpa.
S.
Saga í VI. sb. Aðalsteinn: „Stéttaþingið kom
saman á blaðsíðu 86 í París.“
Latína í V. b. Hákon Loftsson: „Hvað þýð-
ir sögnin oro, Ólafur? Ólafur: (þegir). Há-
kon: „Þú átt að gera það á hverju kvöldi
áður en þú ferð að sofa. Guðm. Kr.: (hvísl-
ar) „Bursta í sér tennurnar."
Stærðfræði í IV mb. Þórir: „í raun og veru
starfar hugur stærðfræðingsins alltaf, jafn-
vel þegar hann sefur.“ Ragnar: „Er það ekki
martröð?"
102 MUNINN