Kirkjuritið - 01.09.1948, Side 23

BRÉF TIL SÉRA VALDIMARS BRIEM 197
hættast er við að geti heltekið andlegt atgervi, fátæktina,
skortinn, kannske beinlínis sultinn. Svo hefir séra Gísli
á Hrauni sagt mér, eða a. m. k. hafi legið nærri því. En
ekki vann það heldur á skáldinu af Guðs náð. Svo kvað
hann einhvern tíma (í niðurlagi erfiljóða):
Móður sinnar
á morgni lífs
barn er brjóstmylkingur.
En í vetrarhríð
vaxinnar æfi
gefst ekki skjól nema Guð.
Nú ertu víst búinn að fá nóg af rabbi mínu, sem lítið
er á að græða, og ekki einu sinni reynt að setja það í
neitt samanhengi. Andinn lifir nú einu sinni ekki á því
góðgæti hvort sem er, eins og Matthías sagði.
Verið þið nú blessuð og sæl.
Gleðilegt sumar í bæinn.
Þinn
G. H.
/