Kirkjuritið - 01.09.1948, Qupperneq 32

206
KIRKJURITIÐ
skjóls og trausts hinum veikbyggðari og veigaminni við-
um . . . . “
Eina ráðið, sem hér gæti komið að haldi, telur hann að
sé bamaskóli, er veitt geti viðtöku til kennslu og heimavist-
ar 26—30 börnum yfir skólaárið. Þá víkur hann að fjár-
hagshliðinni, og frá henni séð reiknast honum vel fært að
koma upp hæfilegu skólahúsi.
Daginn eftir að þetta bréf er skrifað, er það tekið til
meðferðar á hreppsnefndarfundi. Taldi nefndin fjárhags-
ástæðurnar að vísu ekki eins glæsilegar og presturinn vildi
vera láta. En málinu vildi hún eigi að síður vera hlynnt
og gera sitt ýtrasta því til eflingar. Fól hún þriggja manna
nefnd að rannsaka möguleikana, leita upplýsinga um fyrir-
komulag og verð hæfilegs skólahúss, gera tillögu um skóla-
staðinn, hvernig heimavistinni yrði bezt við komið o. fl.,
leggja svo fram upplýsingar og tillögur í málinu. — Sama
dag skrifaði nefndin séra Þórði og tjáði honum afstöðu
sína. Bréfið endaði þannig:
,,Um leið og hreppsnefndin vottar yður þakklæti fyrir
áhuga yðar og starfsemi í þarfir málsins, vonast hún — og
sérstaklega hin kosna nefnd — eftir að mega njóta liðsinnis
yðar og samvinnu framvegis í þarfir málsins."
Nefndin starfaði samkvæmt því, er henni var falið. Hún
útvegaði teikningu hússins og kostnaðaráætlun hjá bygg-
ingameistara Rögnvaldi Ólafssyni, lagði til, að húsið yrði
reist og því valinn staður á svonefndum Núpsflötum.
Hreppsnefndin féllst á tillögur hennar, málið var rætt á
almennum sveitarfundi 7. maí 1903, og fundurinn sam-
þykkti, að skólinn væri bezt settur einhvers staðar á svæð-
inu milli Núps og Núpsár, nefnd var kosin til fjársöfnunar
og heppilegast talið, að fela hreppsnefndinni allar fram-
kvæmdir — þannig féll allt í ljúfa löð. Sumarið næsta á
eftir var grafið fyrir kjallara hússins og vatnsleiðslu í það,
lögð drög til efniskaupa o. fl. Efnið kom þó ekki eins og
ætlað var, var því ekki meira aðhafzt það sumar. En úr
því fór líka að breytast veður í lofti.