Kirkjuritið - 01.09.1948, Side 64

238
KIRKJURITIÐ
en 2 tímar á viku. Og ef gagnfræðadeildir verða áfram í
sambandi við Menntaskólana, virðist augljóst, að þar sé
kristindómskennsla eins og í miðskólunum. 1 báðum þess-
um skólum eru börnin á sama aldri, og í Menntaskólana
sækir að mörgu leyti úrval barnanna, mesta námsfólkið,
sem væntanlega síðar, að loknu námi, skipar ábyrgðar-
stöðurnar í þjóðfélaginu. Sama máli skiptir um húsmæðra-
og kvennaskólana. Þangað sækja hinar væntanlegu mæð-
ur, sem leggja grundvöllinn að uppeldi komandi kynslóða.
Um þá skóla er mér lítt kunnugt, en grunur minn er sá,
að víða þar sé kristindómsfræðslunni lítið sinnt.
Það væri fróðlegt, ef tími væri til, að ræða hér um hin
nýju fræðslulög almennt, en það skal ekki gert. Aðeins
skal ég geta þess, af þeirri litlu reynslu, sem þegar er
fengin, að vafasamt er, hvort heppilegt er að flytja 13
ára börn í miðskóla, sem eru í sambandi við Gagnfræða-
skóla, og vafasamt er líka, að framlenging skólaskyld-
unnar, fyrir öll börn, fram að 15 ára aldri, nái tilætluðum
tilgangi, sérstaklega hvað drengina snertir. 1 þeim bekk,
sem ég kenndi í vetur, voru nokkur börn, sem ekkert er-
indi sýndust eiga þangað. En þetta getur að vísu allt stað-
ið til bóta, þegar verknámsdeild er tekin til starfa.
Reynslan ein sker úr því.
En ég get ekki látið svo staðar numið, að minnast ekki
á atriði, sem hefir valdið mér talsverðum heilabrotum.
Það er viðvíkjandi fermingunni. Svo er til ætlazt, að við
fermum börnin fullra 14 ára, eða á því ári, sem þau verða
14 ára. Fermingin lendir því á árinu, sem börnin eru í
1. bekk Gagnfræðaskólanna eða miðskólanna. Væri ekki
eins heppilegt, að fermingin væri annaðhvort samferða
fullnaðarprófinu úr bamaskólanum, þá 13 ára, eða í náms-
lok miðskólanna, þá 15 ára? Mér hefir oft komið til hug-
ar, hvort við fermdum ekki einmitt á allra-óheppilegasta
tímanum, einmitt á mesta umbrotaskeiðinu milli bernsku-
og unglingsáranna. Sérstaklega er fermingarárið, eins og
það er nú, samferða kynþroskaskeiði margra stúlkubarna.