Kirkjuritið - 01.09.1948, Qupperneq 66

240
KIRKJUROTÐ
í húsmæðraskólunum með öðrum bóklegum greinum, en
þær eru: íslenzka, uppeldisfræði, sálarfræði barna, mann-
eldisfræði, efnis- og áhaldafræði, búreikningar, heilsufræði
og þjóðfélagsfræði Aðalverksvið þessara skóla er þó verk-
legt og fólgið í hússtjórnarnámi og handavinnu margs-
konar.
Þar sem hér er aðeins um níu mánaða skóla að ræða,
verksviðið ærið og f jöldi námsgreina mikill, gefur að skilja,
að erfitt er að fá mikinn tíma til að gera þeim, hverri
uircsig, mikil skil. Enda er það undanbragð leyft í V. kafla
laganna, að heimilt sé stjómum skólanna að fjölga eða
fækka kennslugreinum að fengnu samþykki fræðslumála-
stjórnar. Kemur í þessu sambandi einnig það til greina,
að ýmsir skólanna hafa til þessa búið við ófullkominn
húsakost og starfsskilyrði, enda engar hentugar kennslu-
bækur verið til í þessum fræðum við hæfi skólanna, Mun
því kennslutilhögun sú, sem gert er ráð fyrir í lögunum
frá 1946, mjög óvíða komin á, og það sem helzt hefir
verið kennt af hinum bóklegu námsgreinum er: íslenzka,
reikningur, heilsufræði, manneldisfræði og uppeldisfræði.
Hvort kristindómskennsla er almennt hafin í skólunum,
er mér ekki kunnugt, en veit þó, að sums staðar var krist-
infræði kennd s. 1. vetur.
Annars mun ekki vera búið að ganga endanlega frá
reglugerð og námsskrá skólanna, þar sem ákveðið er,
hversu mörgum kennslustundum skuli varið til hverrar
námsgreinar fyrir sig, þó að nokkurt undirbúningsstarf
sé búið að vinna í því efni á fundi, sem fræðslumálastjóri
átti með skólastjórum húsmæðraskólanna á s. 1. sumri.
Verður því ekki með fullri vissu sagt, hvað miklum tíma
þykir fært að fórna til þessarar kennslu, en gera má ráð
fyrir, að hann verði eigi mjög mikill. Stafar það engan
veginn af óvild þeirra manna, sem með þessi mál fara, í
garð kristindómsmála, heldur af hinu, sem áður er sagt,
að námstíminn er stuttur og miklu starfi er hlaðið á náms-
meyjarnar.