Kirkjuritið - 01.09.1951, Blaðsíða 80

246
AÐALFUNDUR
Á fundi þeim, sem prestar héldu einir sér, ræddu þeir um
framtíðarstörf deildarinnar o. fl. í stjóm voru kosnir: Séra
Gunnar Árnason, formaður, séra Helgi Konráðsson og séra Guð-
brandur Björnsson.
Aðalfundur Prestafélags Suðurlands.
Aðalfundur Prestafélags Suðurlands var haldinn að Skóg-
um undir Eyjafjöllum dagana 2.—3. sept. s.l. í sambandi við
fundinn fluttu prestar guðsþjónustur í öllum kirkjum Landeyja
og Holts-prestakalla, en með því að Ásólfsskálakirkja hefir
verið rifin niður og hafin er bygging að nýrri kirkju, þá var
messað úti í skrúðgarðinum í Holti. Voru allar messur vel
sóttar og sumar fjölsóttir, ekki sízt útiguðsþjónustan.
Á sunnudagskvöld söfnuðust prestar saman í hinu fagra og
reisulega skólahúsi að Skógum, og var þá þegar gengið til
venjulegra aðalfundarstarfa, reikningar lagðir fram, félagsmál
rædd og stjórn kosin. Séra Sigurður Einarsson stýrði kvöld-
bænum í fundarlok, en sálmar sungnir á undan og eftir.
Á mánudagsmorgun hófust fundarstörf að nýju með morg-
unbænum fluttum af sr. Sigurði Haukdal.
Aðalumræðuefni fundarins var „Kirkjurækni", en framsögo
í málinu hafi sr. Hálfdan Helgason prófastur. Einnig flutti
sr. Helgi Sveinsson erindi, sem hann nefndi „Prestsstarfið •
Urðu um bæði erindin fjörugar umræður, þar sem nær alhr
viðstaddir tóku til máls, enda bæði erindin mjög tímabær og
vel til þess fallin að vekja áhuga og umræður meðal presta-
Síðar um daginn fluttu þeir séra Sigurbjörn Á. Gíslason og
séra Ingólfur Ástmarsson einkar fróðleg og skemmtileg erindi
um för sína til Jórsala á síðastliðnu vori.
í fundarlok var séra Bjarni Jónsson vígslubiskup einróma
kjörinn heiðursfélagi Prestafélags Suðurlands.
Fundinum lauk með altarisgöngu í Eyvindarhólakirkju, en
á undan altarisgöngunni flutti séra Gunnar Jóhannesson er'
indi: Réttlæting af trú samkvæmt Ágsborgarjátningunni.
Stjómin var endurkosin og skipa hana: Séra Hálfdan Helga'
sos prófastur, formaður, séra Sigurður Pálsson ritari og séra
Garðar Svavarsson gjaldkeri.