Kirkjuritið - 01.09.1951, Blaðsíða 86

252
KmKJURITIÐ
Ný kennslubók f kristnum fræðum.
Séra Árelíus Níelsosn hefir samið lesbók í kristnum fræð-
um handa framhaldsskólum, og kom hún út í septemberlok í
mjög vandaðri útgáfu.
í bókinni eru leskaflar úr Gamla testamentinu og Nýja testa-
mentinu, og fylgja skýringar.
Framhaldsskólana hefir á undanfömum árum skort slíka
lesbók, og á nú að vera bætt úr þeirri þörf.
Séra Árelíus hefir um mörg ár verið bæði prestur og kenn-
ari og kann að rita það mál, sem unga fólkið skilur. Er þess
að vænta, að allir framhaldsskólar taki upp þessa lesbók, og
það sem fyrst.
Ritdómur um þessa merku bók mun síðar verða birtur hér
í ritinu.
Kirkjukórasamband íslands.
Laugardaginn 23. júní var stofnað Kirkjukórasamband ís-
lands að heimili söngmálastjóra þjóðkirkjimnar. í sambandið
gengu 16 kirkjukórasambönd. Formaður þess var kosinn Sig-
urður Birkis söngmálastjóri, enda er það einkum dugnaði hans
og áhuga að þakka, að þessum áfanga er náð.
Nýir prófastar.
Séra Jón Auðuns hefir verið skipaður dómprófastur í Reykja-
víkurprófastsdæmi, séra Þorsteinn B. Gíslason í Húnavatns-
prófastsdæmi og séra Andrés Ólafsson í Strandaprófastsdæmi.
Vfsitazía biskups.
Biskup vísiteraði í júlímánuði síðastl. allar kirkjur í Borg-
arfjarðarprófastsdæmi.
Frú Guðrún Jónsdóttir,
kona séra Jónmundar Halldórssonar að Stað í Aðalvík, and-
aðist 23. ágúst, 86 ára að aldri.
Séra Hermann Gunnarsson,
prestur að Skútustöðum, beið bana af byltu 10. okt. s. 1. —
Minningargrein um þennan unga og áhugasama prest mun verða
birt í næsta hefti ritsins.
Útkoma þessa heftis hefir verið látin dragast til þess, að
lesendur gætu fengið frumvarp og greinargjörð prestakallaskip-
unarnefndar nú þegar.