Kirkjuritið - 01.09.1951, Síða 83

FRÉTTIR
249
sínu að halla. Alþjóða kirkjuráðið í Genf hefir unnið mjög að
þessum málum og útvegað fjölda fólks landvistarleyfi, einkum
í Bandaríkjunum, Canada, Nýja-Sjálandi og Ástralíu. Talið er,
að Kirkjuráðið hafi þannig hjálpað 81000 manns til þess að
eignast ný heimili í þessum löndum.
Niemöller og endurvopnun Þýzkalands.
Martin Niemöller er einn af þekktustu kirkjumönnum Þýzka-
lands nú á dögum. Nýlega flutti hann erindi fyrir stúdenta í
Bonn, þar sem hann mælti mjög gegn endurvopnun Þýzkalands
og sýndi fram á, að endurvígbúnaður hlyti að leiða til styrj-
aldar, kreppu og gengishruns, þegar til lengdar léti. Sem gam-
all hermaður varaði hann við þeirri villu, að hægt væri að
tryggja frið með vígbúnaði. Hlutlaust sameinað Þýzkaland gæti
eitt brúað djúpið milli austurs og vesturs.
Tveir merkir danskir kirkjumenn látnir.
C. I. Scharling biskup í Ríbum lézt 13. ágúst s. 1. Hann var
einn af þekktustu kirkjumönnum Dana og hafði verið biskup
í Ríbum síðan 1940. Hann var lærður guðfræðingur og hafði
ritað nokkrar bækur og fjölda greina í kirkjuleg tímarit.
Niels Dael, prestur og forstöðumaður Liselund-stofnunarinn-
ar, er nýlega látinn, 94 ára að aldri. Með honum er horfinn
é braut merkur kirkjumaður, sem með stofnuninni í „Lise-
lund“ hafði víðtæk áhrif í Danmörku og á Norðurlöndum.
Liselund var eins konar safnaðarskóli, þar sem menn hlutu
trúarlegan undirbúning til starfa í þjónustu kirkjunnar. Þar
voru haldin kristileg mót, og í þeim tóku þátt merkustu kirkju-
menn Norðurlanda, og þangað komu menn víða að, til þess að
taka þátt í hinu andlega samfélagi í Liselund.
^ýr erkibiskup á Finnlandi.
Hmari Salomies biskup í Viborg hefir verið kjörinn erki-
biskup í Finnlandi.
Kristniboð aukið í Japan.
Eins og kunnugt er orðið af fregnum frá Kína, hefir komm-
unistastjómin þar bannað alla kristniboðsstarfsemi vestrænna
þjóða í landinu. Kristnir Kínverjar verða því að halda starf-
inu þar áfram á eigin spýtur, meðan þetta ástand ríkir.
17