Kirkjuritið - 01.10.1955, Blaðsíða 24

358
KIRKJURITIÐ
þjónustu, og er hvort tveggja fágætt, að ná svo háum
þjónustualdri og vera allan tímann í sama prestakallinu.
Þann 28. maí 1884 kvæntist séra Pálmi önnu Jóns-
dóttur prófasts í Glaumbæ Hallssonar, hinni mestu at-
gervis og ágætiskonu, bæði í sjón og raun. Eignuðust
þau hjón 12 börn, og komust 11 þeirra til fullorðinsaldurs,
9 eru enn á lífi. Hefir systkinahópur þessi þótt glæsilegur,
svo að orð hefir verið á haft. Bræðumir eru: Jón Sig-
urður bóndi á Þingeyrum, kvæntur Huldu Stefánsdóttur
skólastjóra húsmæðraskólans á Blönduósi, Jóhann verzl-
unarmaður á Hvammstanga, Stefán bústjóri á Korpúlfs-
stöðum og Þórður kaupfélagsstjóri í Borgarnesi, kvæntur
Geirlaugu Jónsdóttur frá Bæ á Höfðaströnd. Tvær systr-
anna eru dánar: Þorbjörg, gift Jóhanni Möller kaupmanni
á Sauðárkróki, og Þóranna, gift Pétri Péturssyni kaup-
manni á Akureyri. Hinar eru: Lovísa, gift Guðmundi
Sveinbjörnssyni skrifstofustjóra í dóms- og kirkjumála-
ráðuneytinu, Hallfríður, sem áður er nefnd, Jóhanna, gift
Jóni Isleifssyni verkfræðingi í Reykjavík, Sigrún, kona
Jóns Sigurðssonar alþingismanns á Reynistað, og Bryndís,
kona Steindórs Gunnlaugssonar lögfræðings í Reykjavík.
Foreldrar séra Pálma voru hjónin Þóroddur Magnússon
og Anna Guðbrandsdóttir frá Kothúsum í Garði. Bjuggu
þau hjón í Garðinum og munu hafa verið fátæk, en
sóknarpresturinn séra Sigurður Br. Sívertsen á Útskálum
veitti athygli góðum hæfileikum Pálma og studdi hann til
náms með vináttu sinni og hvatningum og ef til vill einnig
með nokkrum fjárhagslegum styrk. Lét séra Pálmi elzta
son sinn heita eftir þessum velgerðamanni sínum. Pálmi
lauk prófum sínum með loflegum vitnisburðum, en hitt
mun honum ekki hafa verið minna virði, að hann nam
í hörðum vinnuskóla æskuáranna bæði sjósókn og land-
búnaðarstörf.
Þykir mér auðsætt af atorku hans og framkvæmd á
æskuárum og síðar, að honum hefir kippt í kyn til hinna
frægu formanna og sjósóknara á Suðurnesjum um skap-