Kirkjuritið - 01.10.1955, Blaðsíða 27
SÉRA PÁLMI ÞÓRODDSSON
361
og sýslunefndir urðu til, búnaðarfélög voru mynduð, síðar
kom bindindishreyfingin og ungmennafélagsskapurinn. Séra
Pálmi var einn þeirra presta, sem tóku þátt í slíkum fé-
lagssamtökum sveitunga sinna. Hann var í hreppsnefnd
og fræðslunefnd, sýslunefndarmaður í 28 ár, í stjórn bún-
aðarfélags og um langt skeið forystumaður í bindindis-
málum með því ásamt fleiri góðum mönnum að halda
uppi góðtemplarastúku í Hofsósi. Árið 1910 varð hann
símstjóri í Hofsósi og annaðist það starf til elliára. öll
störf sín rækti hann með viðurkenndri alúð og skyldu-
rækni. Hann var prúður maður í starfi og á mannamót-
um, hvar sem hann fór, hógvær og háttvís með afbrigð-
um, glaður og hnyttinn í svörum og kunni vel að meta
hógværa gamansemi annarra. Hann var þannig búinn að
andlegri atgervi og fasi, að naumast mun öðrum hafa
komið til hugar að gera sér dælt við hann.
Þegar ég hugsa um hin mörgu störf séra Pálma og
hvernig hann leysti þau af hendi og minnist jafnframt
hinnar ágætu konu hans, skil ég vel, að sóknarbörnin,
vinir þeirra, fundu hjá sér þörf að votta þeim þakkir.
Var svo gert á merkistímamótum í ævi þeirra, er þeim
var haldið samsæti og gefnar minningargjafir. Á gull-
brúðkaupsdegi þeirra hjóna stofnuðu og börn þeirra og
tengdabörn sjóð, sem ber nafn þeirra og verja skal til
líknarmála.
1 elli sinni fluttu þau hjón til frú Hallfríðar dóttur
sinnar og manns hennar, Vilhelms Erlendssonar kaup-
manns í Hofsósi, þar sem þau nutu frábærrar umönnunar.
Þar andaðist frú Anna þann 29. marz 1946 níræð að aldri.
En þótt séra Pálmi dveldist fáein síðustu árin utan gamla
Prestakallsins síns, fylgdist hann til hinztu stundar vel
ttieð öllu, sem þar var að gerast, enda naut hann þeirrar
guðsblessunar, að halda sjón og heyrn og óskertum sálar-
gáfum sínum til hins síðasta, svo og sæmilegri líkams-
hreysti miðað við hinn háa aldur og ferlisvist allt fram
til síðasta ævidags. Hélgi Konráðsson.