Prestafélagsritið - 01.01.1925, Side 123
118
Dr. Jón Helgason:
Prestafélagsritiö.
Osló, annar danskur, A. Birke, prestur og formaður danska
prestafélagsins, hinn þriðji finskur, G. O. Rosenquist lektor
og hinn fjórði sænskur, O. Bolling prófastur. Umræðuefnið
var hin kristilega menning Norðurlanda-þjóðanna, hversu hana
megi varðveita og efla. Því miður vanst mér ekki tími til að
hlýða á nema tvö hin fyrstu erindin, og þar fanst mér erindi
Norðmannsins Bretteville-Jensen bera langt af erindi Danans
Birke, enda bar það vott um mikinn skarpleika og djúpan
skilning á meinum nálægra tíma. —
Eftir að hafa hlýtt á bæði þessi erindi dvaldist ég stundar-
korn á heimili hins ágæta trúfræðikennara háskólans Gustafs
Aulén, sem ég hafði kynst lítils háttar árið áður. En þaðan
fór ég rakleitt heim á verustað minn, tók saman pjönkur mínar,
kvaddi húsbændur eg hélt síðan ásamt þeim biskupunum Lunde
og Rud yfir til Kaupmannahafnar. Því að næsta dag (þ. e.
fimtudag 4. sept.) átti hinn norræni biskupafundur að byrja,
og allir þátttakendur áttu að hittast þá um morguninn kl. 8
á aðal-járnbrautarstöð Kaupmannahafnar og verða samferða
til Sóreyjar.
Biskupafundur sá er halda skyldi dagana 4.—8. sept. var
annar í röðinni hinna norrænu biskupafunda, og mun erki-
biskup Svía, dr. Natan Söderblom, eiga frumkvæðið að þeim
fundarhöldum. Fyrsti fundurinn var haldinn sumarið 1920 í
Kulla Gunnarstorp skamt fyrir norðan Helsingborg í Svíþjóð.
A þeim fundi var enginn fulltrúi frá íslandi, ekki af því að
íslandi hefði verið gleymt við það tækifæri, síður en svo væri,
heldur af öðrum ástæðum, er gerði mér ómögulegt að fara
utan það sumar. Næsta fundinn átti svo að halda í Noregi
1923, en hann fórst fyrir af ástæðum, sem mér er ekki kunn-
ugt um. En þá tóku Danir sig til og efndu til þessa fundar,
sem hér verður skýrt frá.
Til fundarstaðar hafði verið valinn herragarður einn, Vedby-
gaard, skamt fyrir norðan Sórey, og mun naumast hafa verið
hægt að finna heppilegri fundarstað fyrir allra hluta sakir.