Prestafélagsritið - 01.01.1925, Síða 165

160
Sigurður P. Sívertsen:
Prettafclagsritið.
um Iægst Iaunuðu starfsmönnum ríkisins, er falla undir Iaunalögin upp
laun þeirra með dýrtíðaruppbót. Það var í rauninni enginn ágreiningur
um það í nefndinni, að þetta væri sanngjarnt." Fjárhagsnefnd Ed. lagði
með því að auka dýrtíðaruppbót sveitapresta lítið eitt, eins og varð að
lögum, en vildi einnig láta veita sérstaka uppbót handa Iægst launuðu
starfsmönnum landsins. — Þessi viðurkenning bæði frá stjórn og þingi
um að dýrtíðarbæturnar væru ófullnægjandi, gæti orðið mikils virði fyrir
framtíðina. Hún gefur góðar vonir um, að með batnandi fjárhag ríkisins
verði fyr eða síðar þeim tillögum Sambands starfsmanna ríkisins sint:
„að starfsmenn ríkisins fái framvegis fulla dýrtíðaruppbót án allra tak-
markana, þannig að kaupmagn launa þeirra verði ekki minná en fyrir
stríðið, og að öllum stéttum sé gjört jafnhátt undir höfði með launa-
bætur.“
Þá er að minnast á útgáfu hugvekjusafnsins. Nefnd þeirri, sem hefir
með höndum undirbúning á hugvekjusafni eftir presta landsins, hafði ekki
borist neitt sæmilegt tilboð um útgáfu bókarinnar. Kom þá til tals, hvort
ekki væri tiltækilegt að Prestafélagið réðist í að kosta útgáfuna. Þetta
þurfti nákvæmlega að athugast, því að hér var um allstórt fjárhagsmál að
ræða, þar sem útgáfa bóka er enn afardýr og ýmsum vandkvæðum bund-
in. Leiddi rannsókn málsins og hagkvæmir samningar við prentsmiðjuna
Gutenberg til þess, að félagsstjórnin sá sér fært að leggja fyrir aðalfund
ákveðna tillögu um, að félagið tæki að sér útgáfu bókarinnar. Samþykti
fundurinn í einu hljóði, að félagið tæki að sér útgáfuna, og að senda
skyldi hverjum presti, sem hugvekju ætti í safninu, eitt eintak af bókinni
ókeypis. Einnig var samþykt, að prestum skyldi falin útsala á bókinni.
— Með þessu er hugvekjumál þetta komið vel á veg. Það eitt vantar á,
að hugvekjur eru enn ekki komnar nógu margar. Gat biskup þess á
fundinum og skoraði á presta, sem hugvekjur væru ekki komnar frá, að
senda þær sem allra fyrst, til þess að útgáfan tefjist ekki úr þessu.
Aðalfundur var haldinn 26. júní þ. á. kl. 10 árd. í húsi K. F. U. M.
Fundinn sátu 36 prestar. Þar var skýrt frá gerðum og hag félagsins, frá
Prestafélagsritinu, útkomu þess og efni, og rætt um útgáfu hugvekjusafns-
ins og teknar áðurgreindar ákvarðanir um það mál. Þá skýrði biskup
frá, að prestafélag norsku kirkjunnar, sem ákveðið hefir að halda 25
ára afmælishátíð í sambandi við aðalfund dagana 16.—20. óktóber í haust,
hefði sent sér fundarboð, þar sem íslenzkum prestum væri boðið á fund-
inn og til hátíðarinnar. Einnig skýrði hann frá, að bréf hefði komið frá
Nathan Söderblom, erkibiskupi Svía, þar sem mælst er til, að íslenzka
kirkjan sendi fulltrúa á Alþjóða kirkjufundinn (Universal Christian Con-
ference on Life and Work), sem halda á í Stokkhóimi í sumar dagana
19.—30. ágústmánaðar. — Magnús prófastur Bjarnason óskaði að Presta-
félagið gengist fyrir því, að fá hækkaða dagpeninga safnaðarfulltrúa á
héraðsfundi. Var félagsstjórninni falið að taka það til athugunar. — Stjórn