Ægir - 01.11.1930, Blaðsíða 20

250
ÆGIR
Fundahöld sumarið 1930.
Þriðjudaginn 20. maí sl., komu saman
í London, fulltrúar 26 siglingaþjóða, frá
eftirtöldum löndum: Ástralíu, Belgíu, Can-
ada, Chili, Cuba, Danmörku, Finnlandi,
Frakklandi, Þýzkalandi, Ungarn, Indlandi,
Irlandi, Jugo-Slovakiu, Latavia, Mexico,
Hollandi, Nýja-Sjálandi, Noregi, Para-
guay, Peru, Póllandi, Portugal, Spáni,
Ráðstjórnarríkinu Rússlandi og Bretlandi.
Fundarstjóri var flotaforinginn brezki,
Sir Henry F. Oliver.
Verkefni fundarins var að ræðaumog
undirbúa alþjóðahleðslumerki skipa. Voru
þar kosnar nefndir, sem vinna eiga úr
skýrslum og útreikningum, sem fram var
lagt á fundinum, þvi til sönnunar, að
alvara er á ferðum, sé ekki ákveðið hvar,
á hinum margskonar skipategundum,
hleðlumerki skuli setja. Síðan koma nefn-
irnar saman á allsherjarfund og skila
nefndarálitum sínum, sem svo verða tekin
til meðferðar, unnið úr þeim og að lok-
um samþykkt hleðslumerki, sem allar
siglingaþjóðir verða að hafa á skipum
sínum.
Dagana 8. 9. og 10. júlí sl., var alþjóða-
fundur leiðsögumanna skipa (lóðsa) hald-
inn í Antwerpen. Á fundinum voru tekin
fyrir ýms mál, sem snerta siglingar,
vinnu- og vökutíma lóðsa, hvernig skip
eigi að kalla þá og nálgast, hvernig við-
urgerningur þeirra skuli vera á skipum,
og samþykkt gerð stiga þess, sem lóðs-
unum er ætlað að komast á þilfar skips
í rúmsjó. Sömuleiðis komu fram tillögur
um aldurstakmark lóðsa, hvenær þeir
skuli láta af starfi aldurs vegna og um
eftirlaun þeirra. Skipunarorðin við stýri
(Helm orders), voru einnig á dagskrá,
ráð til að forðast árekstur skipa og mörg
önnur mál.
Á fundinum mættu fulltrúar lóðsfé-
laga Frakklands, Þýzkalands, Hollands,
Belgiu og allra Norðurlanda (Danmerk-
ur, Noregs, Sviþjóðar og Finnlands.
Þetta eru afarmerkilegir fundir og und-
arlegt má það heita, að islenzka ríkið
skuli ekki eiga fulltrúa, þar sem eins
merk mál eru rædd og hér um getur,
en þetta og fleira, sem skeður kringum
oss, vill fara fyrir ofan garð og neðan
hjá oss, og er sorglegt til þess að vita.
Björgunarstarfsemi í Danmörku.
Á tímabilinu frá 1. janúar 1852 til 31.
mars 1930, hefur björgunafélagið danska
bjargað 1Í00Í mannslífum þannig, að í
1539 skifti, hefur björgun farið fram á
björgunarbátum, 521 skifti hefur hún farið
fram með því að línu hefur verið skotið
út (Raketapparat) og i 14 skifti hefur
hvorttveggja verið notað við björgun.
Með björgunarbátum hefur tekist að
bjarga 6974 mönnum, með línum 3886
og 114 með hvorttveggja i senn. Þettaeru
alls 10974 menn, sem félagið hefur bjargað,
siðan það var stofnað, en meðan verið
var að undirbúa félagsstofnina árið 1850
—1851 stóðu forgangsmenn fyrir björgun
30 manna og telst með þeim, að 11004
mönnum hafi verið bjargað frásjódauða
þetta 80 ára timabil.
Hinn 31. mars 1930, voru við strend-
ur Danmerkur, 62 björgunarstöðvar og
10 eftirlitsstöðvar. Björgunarbátar eru
51, sem að eins nota árar og segl og 16
mótorbátar. Á fjárhagstimabilinu31. marz
1929 til 31. marz 1930, var 38 mönnum
bjargað frá sjódauða við Danmerkur-
slrendur.
(Or skýrslu i »Víkingen«, nóv. 1930).